Ana Anene Toromon 1:3 - Te B'aib'ara

³ ao ko rangi ni boiarara. A bane ataeinaine n tataaniko; kaanga ai aron kianakon te boiarara tataekinan aram.

Ana Anene Toromon 1:3 ပူးပေါင်းရင်းမြစ်များ

Taian Areru 133:2

Ai aron te kabira ae kakawaki are waa rikaaki mai atun Aaron nakoni buaina, ao mai buaina nakon roroan niiniirana;

Taian Areru 45:14

E kairaki nakon te uea ma kunnikaina ae mataraoi i aona; Ao e iraki nakon te uea irouia taani katoa aika aine, ao ni uotaki naba ngaiia nako ina.

Te Otinako 33:12

E taku Moote nakon te UEA, “I ataia b'a ko a tia n tuangai b'a N na kairiia aomata aikai nakon te aba are Ko berita iai nakoia. Ma Ko bon tuai tuangai b'a antai ae e na riki b'a au kauoman. Ko a tia n taekinna b'a raoraou Ngkoe ao Ko kukurei i rou.

Te Otinako 33:19

Ao E kaeka te UEA ni kaangai: E tamaroa. Bon ami UEA Ngai, ao N na kaota au akoi ma au nanoanga nakoia aomata ni kabane aika I a tia n rineia. N na kariaia b'a ko noora mimitongiu ma n ongo arau ae E tabu,

Taeka n Rabakau 27:9

E karika te marurung inanom arokakin te boiarara, ma e a rangi n tamaroa riki te iraorao ae e koaua.

Te Minita 7:1

E raoiroi riki te atoatongaki ae e raoiroi n tain te mate nakon te tangira are e tararuaaki iai i nanon tain te bungiaki.

Ana Anene Toromon 3:6

Tera ae ti nooria ae e tabe n roko man te rereua kaanga te maabubu n nang? Ao iriana boiararan b'aai ni kaboiarara, ma te muura ao te riibano.

Ana Anene Toromon 4:10

E karewerewe riki am tangira nakon te wain; E boiarara riki kabiram nakon taiani b'ai ni kaboiarara.

Ana Anene Toromon 5:13

Bon te nnenaroka ubuna ae e boiarara ni b'aai ni kaboiarara; taiani kiebu riana aika e timtim mai iai te boiarara.

Ana Anene Toromon 5:5

Ngke I teirake b'a N na kauka te mataroa, ao e a waawaanako te boiarara mani baiu ao tabonibaiu.

Ana Anene Toromon 6:8

Tera ngke I konaa ni karekeia onongaun ueanaine, waningaun buu, ao tengaa riki aine tabem'aang!

Itaia 61:3

mai ai moaraara riki i Ierutarem. E kanakoai b'a N na anganiia taiani uee n onea mwiin nanokawakiia, b'aan te oriwa n onea mwiin taian rannimata, ao te kukurei n onea mwiin te uruakinnano. A na aranaki b'a “Arokan te Motiraoi,” are e unikaki iroun te UEA i bukin neboan arana.

Mataio 25:1

N te tai arei, ao Uean te Atua ai aroia tengaun ateiaine, ake a anai aia taura ao a oti nako ni butim'aea teuare te tia iein.

Ioane 12:3

Ao Nei Maria e anaa ngkanne teuana te rawawata ni kabira ae boiarara, ae te naro ni koaua ae bati boona, ao e kabiri waen Iesu iai, ao e kaoi n iran atuna; ao e niraki nanon te auti ni boin te kabira.

2.I-Korinto 11:2

B'a e rangi ni korakora nanou n tauaninne i roumi n ai aroni korakoran nanon te Atua; ai aron te ateiaine ae itiaki ngkami ae I kainroua ma te mm'aane ae ti temanna, are boni Kristo.

I-Biribi 4:18

Ma a reke b'aai ni kabane i rou, ao a kabatiaki riki au b'ai. A bane n reke i rou baika I kainanoi ngkai a reke i rou b'aai aika e uoti Ebaberorito mai roumi. A riki b'a kanga ai aron te boi ae boiarara ae te karea ae tangiraki, ae E kukurei te Atua iai.

Te Kaotioti 14:4

Te koraki aei bon ake a aki kam'araeaki irouia aine, b'a roronga ngaiia aika tuai ni bo ma aine. Boni ngaiia ake a irira te Tiibuteteei nako ike E nako iai. A a tia ni kamaiuaki mai buakoia kaain aonnaba, ao a riki b'a ana aomata te Atua ma te Tiibuteteei: ti te bo ngaiia ma moa n uaa ake a anga aomata nakon te Atua b'a ana b'ai.