Ana Anene Toromon 1:12 - Te B'aib'ara

¹² Au uea, ngke ko toka i aon am kaintekateka, ao bon te b'a n tabunea ae e m'aaka au tangira.

Ana Anene Toromon 1:12 ပူးပေါင်းရင်းမြစ်များ

Taian Areru 45:1

E onrake atuu n taeka aika tamaroa ngkai I otea te kuna aio i bukin te uea. Ao N na kabongana b'anaau n ai aroni kabonganan te kai ni koroboki iroun te aomata ae rabakau ni koroboki.

Ana Anene Toromon 1:11

Ti na karaoa katamaroaam man te koora, aika a rarangaaki ma te tirewa.

Ana Anene Toromon 7:5

E rietaata atuum kaanga te Maunga are Karemera; e rangi ni kantara iran atuum ao e a taenikai te uea iai.

Mataio 22:11

Ma ngke e rin te uea n noriia iruwa, ao e nora temanna iai ae aki kunnikaia n te kunnikai ni baka,

Mataio 22:4

E a manga kanakoia tooro tabem'aang, ao e taku, Kam na kangai nakoia ake a kaoaki, “Noria, I a tia ni katauraoi au am'arake; a tiringaki au kao ma au man aika a tia ni kamarikaki i bukin te kanaki. A bane n tauraoi b'aai nako. Nako mai nakon te baka!”

Mataio 25:34

Ao ane E na kangai te Uea nakoia ake i angaataina, “Nako mai ngkami akana kam kakab'aiaki iroun Tamau; kam na b'aina Uean te Atua are a tia ni katauraoaki i bukimi mani moani karikan aonnaba:

Mareko 14:3

Ao ngke E mena Iesu i Betania, n ana auti Timon are te rebera, ngke E rarikiriki n am'arake, ao e roko te aine temanna ma uotana te b'atoro ae karaoaki man te atibu ae te arab'ata, ao kanoana te kabira ae rangi ni boiarara ae te naro ni koaua, ae e rangi ni m'aiti boona. E urua nnen te kabira anne, ao e kab'aroa te b'a i aon atuun Iesu.

Ioane 12:3

Ao Nei Maria e anaa ngkanne teuana te rawawata ni kabira ae boiarara, ae te naro ni koaua ae bati boona, ao e kabiri waen Iesu iai, ao e kaoi n iran atuna; ao e niraki nanon te auti ni boin te kabira.

I-Biribi 4:18

Ma a reke b'aai ni kabane i rou, ao a kabatiaki riki au b'ai. A bane n reke i rou baika I kainanoi ngkai a reke i rou b'aai aika e uoti Ebaberorito mai roumi. A riki b'a kanga ai aron te boi ae boiarara ae te karea ae tangiraki, ae E kukurei te Atua iai.

Te Kaotioti 3:20

Noria, I tei i rarikin te mataroa, ao I karebwerebwe: ngkana e ongo b'anaau temanna, ao ngkana e kauka te mataroa, ao N na nakoina, ao N na am'arake ma ngaia, ao ngaia ma Ngai.