Amota 9:15 - Te B'aib'ara

¹⁵ N na unikia Au aomata i aon te aba are I a tia n anganiia, ao a na aki manga taekaki nako.” Bon Ana taeka te UEA ae Atuami.

Amota 9:15 ပူးပေါင်းရင်းမြစ်များ

Taian Areru 44:2

Ngke Ko kakioia nako botannaomata ni m'aakam, Ao Ko kamaekaia ara bakatibu i aon abaia; Ko karawawataia, ao Ko kakab'aiaia ara bakatibu.

Taian Areru 80:8

Ko uota te kai ae te kureebe ni kaotinakoia mai Aikubita; Ko kakioia nako botannaomata tabeua ao ko unikia iai b'a ana abanna.

Itaia 60:21

A na maiu raoi ami aomata ma n teimatoa ni b'aina te aba; bon taian aroka ngaia aika I unikia b'a a na neboai.

Ieremia 16:15

Ma n onea mwiin anne, kam na aranai b'a te Atua ae E Maiu are e kamaiungkami mai meang ao man aaba tabeua ake I kairoroingkami iai b'a kam na nako. N te bong teuana N na manga kaokingkami nakon te aba aei are I anganiia ami bakatibu.

Ieremia 23:8

Ma kam nang aranai, b'a te Atua ae e Maiu are e kamaiungkami man te aba are i meang ao man aaba nako ake tabeua ake I a tia ni kairoroingkami b'a kam na nako iai. Ao kam na manga maeka riki ni bon oin abami.

Ieremia 24:6

ike I tarataraia iai. Ao n te bong teuana N na kaokiia nakon te aba aei. N na unikia, ao N na aki manga taewakaiia, ao N na karikirakeia, ao N na aki manga uruia ni kab'akaia.

Ieremia 3:18

Ao i mwiina, n aaba aika i meang, ngkami aika kaain Iuta ao Iteraera kam na manga ikotaki, ao kam na oki nakon te aba are I anganiia ami bakatibu.

Ieremia 32:15

E a tia n taekinna te UEA ae Moan te M'aaka, ae Atuaia Iteraera, b'a a na manga kabooi taian auti, tawaana, nne n aroka ni kureebe man te aba aei.”

Ieremia 32:37

E maraki nanou irouia kaain Ierutarem, ao N na kamaae nako ia nakon abaia ianena. Ma N na manga kaokiia n te bong teuana nako ikai ma ni kamaiuraoia.

Ieremia 32:41

N na kukurei ni karaoa ae e raoiroi nako ia, ao N na katea aroia b'a a na riki raoi b'a kaain te aba aei ni koaua.

Ieremia 33:7

N na manga anga riki te aba aei nako ia Iteraera ma Iuta, ao N na manga kakorakoraia n aroia are rimoa.

Etekiera 34:28

A na aki manga kimoaaki irouia botannaomata aika ianena, ao a na aki manga tiringaki ni kanaki irouia maan aika a aki manana.

Etekiera 37:21

ao i mwiina, ko na kaangai: N na manga ikotiia Iteraera ma ni kaokiia nakon mwengaia mairouia botannaomata ianena ake a maeka iai ngkai.

Etekiera 37:25

A na maeka ma aia kariki n te aba are I angan Au toro are Iakob'a, te aba are a maeka iai aia bakatibu. A na maeka ikekei n aki toki, ao ai uana naba ma natiia ma aia kariki nako. E na uea i aoia te aomata ae ai aron au toro are Tawita n aki toki.

Ioera 3:20

ma a na teimatoa n iai kaain Iuta ma Ierutarem.

Mika 4:4

E a tia ni berita te UEA ae moan te m'aaka b'a a na bane ni maeka aomata ma te rau i buakon aia nne n aroka ni kureebe ma arokaia biiku ao akea ae e na manga kakamakuia.