Amota 9:13 - Te B'aib'ara

¹³ “A roko boong”, bon Ana taeka te UEA, “ae a na aki bane iai uita ao a na kauia manga tain te tai are i mwiina, a na aki bane kureebe ao a na kauia manga tain te tai naba are i mwiina. A na timtim wain aika a karewerewe ma ni maunga. ao a na raanga nako mai aon tabuki.

Amota 9:13 ပူးပေါင်းရင်းမြစ်များ

Karikani B'aai 49:11

E rooa ana aati te teei n te kureebe, Te kureebe ae rangi n raraoi uaana. E uati ana kunnikai n te wain. E uatiia kunnikaina n te wain ae uraura n raraa.

Taian Areru 97:5

A riki n ran taiani maunga, n ai aron nenean te taura te nenea, i matan te UEA ae Uean aonnaba ni bane.

Itaia 16:10

ke taiani kim'areirei ao taai ni kukurei, ngkana e tabe ni uotakimai uaan te tawaana. A tia n nako taian anene ao taian takaarua man te nne n aroka ni kureebe. A na akea manga taiani takaakaa ni kukurei ngkana a kamantaki taiani kureebe. E a tia ni katoki b'anaa ni kabane te Atua.

Itaia 55:13

Ane a na maiu taiani m'aiango ao taian motere i nanon taian tawaana ngkoa ake a onrake n taiani kai aika a kateketeke. Ao ane a na tei ni maiu aroka aikai b'a taian kabane nikira ni maiu aika taani kakoaua mimitongin te UEA.

Etekiera 28:26

A na mano ao a na katei taian auti ma aia nne n aroka ni kureebe. A na aki manga reke n te kangaanga, b'a N na katuuaia aia kairiribai aika rangi n riiribaia. A na ataia Iteraera b'a bon aia UEA Ngai ao Atuaia.

Etekiera 36:35

Ma, a na taetaekinna b'a ti te bo tikiraoina ma te nne n aroka are Eten. A na aki manga noori taian kaawa aika a wene n uruaki, ma a na noori ami kaawa aika a korakora aika a onrake irouia aomata.

Ioera 2:24

E na kaona ami tabo ni kaaki kun ni uita te uita; a na taonako taian tiaeki n te wain ma b'aan te oriwa.

Ioera 3:18

A na kaona aon te maunga n te bong arei uaan taiani kureebe aika a kakaonimaki. Ao a na kam'aita te miriki ami kao ma ami kooti aika a am'arake i aon taian tabuki. A na aki konaa ni m'autakataka taiani karaanga n ran i Iuta; ao te raanga n ran are n au Auti e na raanga n roko man te M'arua are Akatia.

Ioera 3:20

ma a na teimatoa n iai kaain Iuta ma Ierutarem.

Nakoaia Ibonga 26:5

A na rangi ni bati ami uaa ake a uangingi ma ami kureebe ngkana kam taii, n te aro ae kam na aki ataa ae kam na karaoia iai. Kam na am'arake ao kam na rauaki, ao kam na maeka ma te kawakinaki raoi.

Amota 9:5

E riinga aonnaba te UEA ae m'aaka, ao e ruru aonnaba. Ao a bane n tang ake a maiu. E a iabuti rake ma ni manga ora nako aonnaba, n ai aron te karaanga are te Naire.

Ioane 4:35

Tiaki kam taku, ‘Aua riki te nam'akaina, ao a roko tain uaa n tai ao ni bobotaki.’ Noria, I tuangngkami, Tabeki matami, ao tarai taabo aika unikaki, b'a a tai uaa ao a tau nakon te bobotaki!

Tani Motiki-taeka 5:5

e b'aro te karau mai karawa e ruru te aonnaba, ao a m'aeiei maunga.