Amota 9:1 - Te B'aib'ara

¹ I noora te UEA b'a E tei i rarikin te bao ni karea. Ao E anga Ana taeka ae kaangai, “Kakorakoraa orean taberan bouan te tembora b'a e aonga ni m'aeiei te aana are i nano. Urui ni kamaerikirikii b'a aonga ni b'akari atuuia aomata. N na bon tiringiia aomata n te buaka; akea ae na biri nako, akea ae na rawea maiuna.

Amota 9:1 ပူးပေါင်းရင်းမြစ်များ

2.Rongorongo 18:18

Ao e kaeka Mikaia: I a manga noora te UEA n tekateka i aon ana kaintokanuea ma b'aai ni kabane aika a maiu i karawa b'a a bootaki ni katobibia.

Taian Areru 68:21

E na boni kamanatuai atuia aomata akana ribaia, Akana teimatoa n aroia ni bubure.

Taian Areru 68:22

E kaangai ana taeka te Uea, “N na kaokiia ami kairiribai mai Batian; N na kaokiia mai kabini marawa,

Itaia 30:16

ao kam taku, Ti aki! Ti na bon maiu ngkana ti biri nako n rawei maiura i aon aoti aika a biri m'aaka.” Ma ane a na biri m'aaka riki akana kakioingkami.

Itaia 6:1

N te ririki are e mate iai te uea are Utia, ao I noora te kaotioti i bukin te UEA. E tekateka i aon te kaintokanuea i eta, ao e kaona nanon te Tembora niiniirana.

Ieremia 11:11

Aio te b'ai ae baaireia b'a e na karaoia. N na karokoa te rawaawata i aoia kaain Iuta ao Ierutarem, ao e na akea ae e na reke birinakona. Ane a na buubutiai buokaia ma N na aki ongo aia tataro.

Ieremia 42:16

Ane e na roko iroumi maakan te buaka, ao e na iriiringkami maakakin te mate ni baki, ao kam na mate i Aikubita.

Ieremia 48:44

Ngkana kam maaku ma ni biri, ao kam na b'aka i nanon te m'aruarua; ngkana kam kawakawa n otinako man te m'aruarua, kam na manga reke n te b'ainikam'ane. E a roko te tai are kam nang katuaaeaki iai.

Etekiera 1:28

kaanga matan Nei Wirara ngkana e kaoti n tain buakan karawa. I a tib'a ataia b'a ngaia I a tia n noora raneanean mimitongin te UEA! Ma ngaia are, I bobaraaki ni kabooa matau ma aontano, ao I a manga rina n ongo te b'anaa ae e taetae nako iu.

Etekiera 10:4

ao e m'ananga nako mimitongin te UEA mai aoia maan ake iai baiia ni kiba ao a tei ni mataroan te Tembora. Ao e kaonaki te Tembora ni kabane ni mimitongina, ao e raitiiti n raneanea katawanangin te Tembora.

Etekiera 15:7

kaanga kain te kureebe ae e kabuokaki b'a te aia. Iai tabeman ake a reke birinakoia man te kabuanib'ai teuana, ma i mwiina, a na manga bane ni bue n te tai ae e aki maan. Ngkana e riki anne, ao ko na ataia ngkoe Etekiera b'a bon te UEA Ngai.

Etekiera 9:2

I nooria onoman m'aane aika a roko n rin man mataroan te Tembora are mai meang, a taui b'ai ni buaka aika a rangi ni kamaamate n te tatabemaniia nako. E raoniia te kaitiman ae e kunnikainna n te niiniira te riinen, ao e uoti b'aai aika e na koroboki i aona. A rin m'aane akekei i nanon te Tembora ao a tei i rarikin te baonikarea.

Amota 3:14

“Ngkana I oroia Iteraera n te bong arei i bukin aia bure, ao n na urua baonikarean Betaera. Ana bane ni b'aka i aontano koron taian baonikarea.

Amota 7:17

Ma ngaia ae ngkoe ae Amatia, E kaangai Ana taeka te UEA nakoim, ‘E na riki buum b'a te aine ae ainen mataawa i nanon te kaawa, ao a na bane ni mate natim n te buaka, ao e na tib'atib'aaki abam nakoia tem'angina. Ao ngkoe, ko na mate i nanon abaia beekan, ao a na uotaki nako aomatan Iteraera mai abaia b'a taenikai.’

Amota 7:9

E na uruaki aia tabo n taromauri kanoan Itaaka. A na tiku n uruaki taabo ake a tabu i aon Iteraera. N na kamaunanakoa te utu ni uea are Ieroboam.”

Ab'akuka 3:13

Ko otinako ni kamaiuia am aomata, Ko kamaiuia am uea aika ko rineia Ko oroia rikaaki taan kairiiri aika a buakaka ao ko kamaunaia taan rimwiia.

Teb'ania 1:12

“N te tai arei, N na anaa te taura mani kibeea nanon Ierutarem. N na oroia ake akea raraoman nanoia, man onimakiniia i bon irouia, man taku, “Akea te b'ai ae E kona ni karaoia te Atua nakoira, ni kakab'aiara ke ni karekekaira.”

Teb'ania 2:14

E na riki b'a nneia ni maeka nanai ni man n aekaia nako. E na maeka te aure i marenan baina aika a uruaki, man tangitang man kamamaa, ao e tangitang te reeben i matan mataroa. Ana bane n taekaki nako kain autina ake a karaoaki man taian tiira.

Ioane 1:18

Bon akea temanna ae e a tia n nora te Atua; te Nati are te rikitemanna, are memena i rarikin te Tama, boni Ngaia ae kaota raoi te Atua nakoia aomata.

Ioane 1:32

Ao aikai ana taeka riki Ioane ni kaotioti: “I nora te Tamnei are Tabu b'a E ruo mai karawa n ai aron te taobe, ao E tiku i rouna.

M'akuri 26:13

Te uea, i aoni kawaiu ni m'ananga, ngke e a tawanou, ao I nora te oota mai karawa ae raneanea riki ootana nakon ootan taai; e oota i rarikiu ma raou ni m'ananga.

Iotua 10:18

Ao e taku Iotua, “Karabinoi atiibu aika a korakora ni bonota matan te b'angani matang ao katikuia tabeman tautia b'a a na teiakiniia.

Te Kaotioti 1:17

Ngke I noria ao I katorobubua ni bobaraaki i rarikini waena n ai aron te mate; ao E kaaki baina are ataina i aou, ao E kaangai, “Tai maaku! Boni Ngai te Moa ao te Toki.

Te Kaotioti 8:3

Ao e roko te anera temanna, ao e tei i rarikin te baonikarea, ao iai i rouna te baan ae te koora ae te baan i bukini kabuokani karea aika boiarara; ao e anganaki karea aika boiarara aika bati, b'a e na uaia ni kaaki ma aia tataro ake a itiaki ni kabaneia i aon te baonikarea are te koora are i nanoaan te kaintokanuea.