Amota 8:14 - Te B'aib'ara

¹⁴ Kam na bane ni b'aka n aki manga teirake, ngkami ake kam berita n araia antin Tamaria, ake Taan, ao Beera-teba.

Amota 8:14 ပူးပေါင်းရင်းမြစ်များ

1.Uea 12:32

Ao e manga iangoa naba te bong n toa ae e boou i bukiia Iteraera n te bong ae tebwi ma nimaua bongin te kawanua n nam'akaina, kaanga aron are e kakaraoaki i Iuta. Ao n te bong anne, e nako iai Ieroboam nako Betaera ao e anga iai ana karea iai i aon te baonikarea nakon te kaoteteei are te koora are e a tia ni katikua ikekei. Ao i mwiina, e a anganiia ibonga tib'angaia nako.

1.Uea 14:16

E tuuriia Iteraera ana bure Ieroboam, ao a riki b'a taani bure Iteraera iai. Ma ngaia are, E nang kamaunaa Iteraera te UEA.

1.Uea 16:24

ao i mwiina e kabooa tabukin Taamaria mairoun Temera n taian tirewa ae e kaaniia 70 te kirokuraem rawawataia. E karaoa te kaawa ikekei ao e aranna b'a Taamaria b'a ingoan Temera are ana b'ai ngkoa te tabuki arei.

2.Uea 10:29

Ma e aki katoka taromaurian bouanantin te kaoteteei ae te koora i Taan ao Betaera, are e a tia ni kateia Ieroboam b'a e na taromauriaki irouia aomata.

2.Rongorongo 36:16

Ma a ti ngare aomata ao a kakanikoia burabeti akekei. A aki kubara te b'ai are e kataia n taekinna te UEA nakoia, ni karokoa e a rangi n un n te aro are bon akea ae e konaa ni katokia man katuaeakiia kaain Iuta ao Ierutarem.

Taian Areru 140:10

Kab'aka te kooro ae e ura i aoia ao karenakoia nako nanon te m'arua ae a aki konaa ni manga tam'arakeia.

Taian Areru 36:12

Noriia te koraki ake a buakaka! A b'aka ni wene, n aki manga kona n teirake.

Taeka n Rabakau 24:16

E ngae ngkana b'aka aomata aika a raoiroi itiua te tai, ana manga bon teirake naba, ma ngkana e oreaki te aomata ae e buakaka n te kabuanib'ai ao ai bon anne naba tokina.

Taeka n Rabakau 29:1

Ngkana ko teimatoa ni bonotaninga ngkana ko a tia n anganaki taiani kauring, ao ane ko na kubanako ni kunea b'a ngaia ko a tia n rangi n raroa nako.

Itaia 24:20

E na bebebebe ma ni ioioaki kaanga te koro ni manging. ke te um'a ae e uarereke n tain te angibuaka. E na taonaki rikaaki n te bure; e na b'aka te aonnaba, ao e na aki manga teirake.

Itaia 43:17

I kanakoa te taanga ni buaka b'a e na kakioko n taian kaanibuaka ao taian aoti; ao ngkai a wene ni mate, a aki konaa ni kakam'akuri. A riki b'a kaanga te taura te b'aa are e a tiringaki.

Ieremia 25:27

E a tia n tuangai ngkoa te UEA b'a N na riai n tuangiia ueea n tatabemaniia nako ni kaangai, “E tuangkami te UEA ae Atuaia Iteraera b'a kam na mooi man m'angkon te wain ae e on n unna. N na kamangingkami ao kam na mumuta. Ao ngkana e kanako ia taani buaka te UEA nako ia botannaomata nako, ao kam na bon konaaki n te kakoaua.”

Ieremia 51:64

“Aio aron inakon B'aburon ngkana e uruakaki i roun te UEA. A na bane ni mate kaain te kaawa, ao e na aki manga reke korakorana n teirake.” E bane ikai ana koroboki Ieremia.

Otea 10:5

A bane ake a maeka i Tamaria n ruru ni maaku i bukin iangoan taian bouananti i Betaera are e korakora te bure iai. te bouannanti bon aia kamoamoa taian ibonga, ma a bon uotiia nakon te kamamaaeaki; ao ngkai a bane n tang.

Otea 13:16

E na katuaaeaki Tamaria i bukina ngke e manga kaaitaraai. E na uruakaki n te buaka a na oreaki ataeina ma taiani b'aa, ao a na katabwenaaki birotoia aine aika a bikoukou.

Otea 13:2

Ao ngkai ko teimatoa naba ni karaoa te bure n arom ni korotamnei ma ni karaoi taian bouannanti aika taian tirewa aika bannan taian kao ataei. Ko tuangaki b'a ko na anga karea nakon taian bouananti aikai eng, ao ni kiiti naba ma ngaiia.

Otea 4:15

Iteraera, kam aki kakaonimaki, ma kam na aki kaira Iuta nakon te bure. Katoka te taromauri i Kirekara ke Betaera ae bubure Ao ani katoka karaoan taiani berita n arau-aran te UEA ae E maiu.

Amota 5:1

Kam na ongora, Iteraera, nakon te kuna n rainanoanga ae I aneneia nakoimi:

Amota 5:2

E a tia ni b'aka te ataeinaine ae Iteraera, E aki manga teirake riki! E wene ni kitanaki i aontano, Ao akea ae e na buokia ni kateirakea.

Amota 5:5

Tai nako n taromauri i Beera-teba. Tai ukoukorai i Betaera-N nang kakeaa manen Betaera. Tai nako Kirekara-ana tiringaki man uotaki nako kaaina b'a taenikai.”

Mika 1:5

A riki baikai i bukina ngkai a tia ni bure, ao n aki ongotaeka Iteraera nakon te Atua. Tiaki bon Tamaria ae e riai ni bukinaki i bukin ana aki ongeaba Iteraera, ngkai boni ngaia te kaawa ae atuun Iteraera? Antai ae e na bukinaki n ana bure Ierutarem ngkai boni ngaia te kaawa ae atuun Iuta?

Teb'ania 1:5

N na kamaunaia ake a tam'arakei taubukin aia auti man taromauriia taai, nam'akaina, ao taian itoi. N na kamaunaia naba ake a taromauriai man berita b'a ana kakaonimaki nako iu, ao a manga rairaki nakon te anti are Marekam.

M'akuri 18:25

E a tia n reireiaki teuaei nanon te UEA i bukin te kawai are a riai n toua aomata, ao e taetae ma angin nanona, n reireiia aomata koaua aika eti aika taekan Iesu, e boni ngae ngke e ti atatai n ana b'abetito Ioane;

M'akuri 19:23

I nanon taai akanne ao e riki te kiriwe ae korakora i bukin te Aro.

M'akuri 19:9

Ma ngke a matoatoa nanoia tem'angina n rawa ni kan ira nanona, ma ni kabuakaka i mataia aomata ana kaantaninga te UEA i bukin te kawai are a riai n toua, ao e nako mai rouia. E kairiia nako reirei ni kaokoroia, ao e reirei n te bong ae koraki n ana ru n reirei Turano.

M'akuri 24:14

Ma I kaota aei nako im, b'a I tataromauria Atuaia ara bakatibu n aron ara onimaki n te Aro, are a atongnga b'a te Aro teuana; ao I iriri nanoni b'aai ni kabane ake a taekinaki n te Tua, ao ake a koreaki n aia boki burabeti.

M'akuri 9:2

ao e butiia reeta i bukina b'a e na uoti nako Tamateko, nakoni m'aneabaia nako I-Iutaia, b'a ngkana tao e kuneia tabem'aang aika taua te Aro, aika mm'aane ma aine, ao e na tauia ni kabaeia, ao e na kairiia nako Ierutarem.

Te Tua-Kaua 33:11

I tataro b'a E na kakab'aiai b'aai ni kabane akana kam karaoi ma n anganingkami te korakora ni kamanatuaia ami kairiribai.

Te Tua-Kaua 9:21

Bon te bure ae kam karaoia ngke kam karaoa te bouananti, ma ngaia are, I karenakoi nakon te ai ni manga karanna. Ao i mwiina I anaa te koora, ao I kamantintia ni kabubua, ao I a karenakoa nako nanon te karaanga are raanga rikaaki man te maunga.