Amota 7:17 - Te B'aib'ara

¹⁷ Ma ngaia ae ngkoe ae Amatia, E kaangai Ana taeka te UEA nakoim, ‘E na riki buum b'a te aine ae ainen mataawa i nanon te kaawa, ao a na bane ni mate natim n te buaka, ao e na tib'atib'aaki abam nakoia tem'angina. Ao ngkoe, ko na mate i nanon abaia beekan, ao a na uotaki nako aomatan Iteraera mai abaia b'a taenikai.’

Amota 7:17 ပူးပေါင်းရင်းမြစ်များ

2.Uea 17:6

i m'aain are e a reke i rouna n ana karuaiwa n ririki ni uea Otea. E uotiia nako Iteraera uean Aturia b'a buure. E kairoroia tabeman mai buakoia b'a a na maeka n te kaawa are Ara, ao tabeman b'a a na maeka i rarikin Karaangan Abora n te aba are Kotan, ao ake tabeman b'a a na maeka ni kaawa ake a maeka naba iai kaain Miria.

Taian Areru 78:55

E kakioia nako kaain te aba mai m'aaia; E tib'ai abaia nakoia barongan nako Iteraera, Ao E anga mwengaia b'a a na maeka iai ana Aomata.

Itaia 13:16

Ane a na nooriia natiia m'aane ngkana a oreaki ma taiani b'a, a na iraeaki mwengaia, ao a na tangakoaki buuia.

Itaia 22:18

E na niiniiriko ni kamronroniko kaanga te booro ao e na karenakoko nakon te aonnaba ae tangaina nako, ike ko na mate iai ao a na mauna nako am kaa ni buaka nako. Ko aki kakukureia aika ko m'akuri i bukiia.

Ieremia 14:16

Ao akana a ongo irouia a na mate naba, n aron are e bon riai b'a e na reke nako ia. A na karenakoaki rab'ataia nako nanon kawain nuukan te kaawa i Ierutarem, i bukina b'a a na mate naba aia utu, ao a na akea ae e na tiku ni maiu, are e na tauniia.

Ieremia 20:6

Batura, ko bure ni kewe ao n taekinna b'a taian rongorongo mairou. Ao anne bukina ngkai I kanakoa B'aburon b'a e na anaiko, ma am utu, ao raoraom b'a buure nako B'aburon, ike ko na bane ni mate iai ma n taunaki iai.

Ieremia 28:12

ao tabeua te tai i mwiina, e tuangai te UEA b'a

Ieremia 28:16

Ai ngaia are E taku te UEA b'a e na baairea taekam. Ko na mate i m'aain banen te ririki aei i bukina ngkai ko a tia tuangiia aomata b'a a na kakaitaraa nanon te UEA.”

Ieremia 29:21

E a tia n taetae te UEA ae Atuaia Iteraera, i bukin Aaba are natin Koraia te mm'aane ao Tetekia are natin Maateia te mm'aane, are e taetaekina te kewe nako imi n arau. E a tia n taekinna b'a e na anga ngaiia nakon m'aakan te Uea are Nebukaneta are uean B'aburon, are e na kamateia i matami.

Ieremia 29:25

I mwiin rokon au reta irouia kaain B'aburon, ao e korea ana reta Temaia nako ia kain Ierutarem, n reitaki ma te ibonga are Teb'ania are natin Maateia te mm'aane, ao ibonga ake tabeman. E taku kanoan te reta nakon Teb'ania:

B'aeb'aeti 5:11

A tauia buura i aon te maunga are Tion, ao a kairoroia natira ataei n aine b'a ana anga rab'ataia i nanon kaawan Iuta.

Etekiera 4:13

Ngke I kamaaea nakoia Iteraera i buakoia botannaomata, a na riai naba ni kana te am'arake ae e aki itiaki, n aron naba ae kam karaoia:

Otea 9:3

ane kam na kiitana aban te UEA. A na nako tabeman mairoumi nako Aikubita; ao tabem'aang a na nako Aturia ni kang am'arake aika a aki itiaki.

Amota 6:7

ma ngaia ae kam na riki b'a moan aomata ngkami ni kairaki nako b'a taenikai. A na mauna ami bootaki ma ami baka.

Amota 7:11

A kaangai ana taeka, ‘E na mate Ieroboam n te bo ni buaka, ao a na uotaki nako aomatan Iteraera mai abaia b'a taenikai.’ ”

Amota 8:1

Ao e a manga roko i rou te mii teuana mai roun te UEA ae rietaata. Ao I miia te b'aene teuana ma uaan kaai i nanona.

Amota 9:1

I noora te UEA b'a E tei i rarikin te bao ni karea. Ao E anga Ana taeka ae kaangai, “Kakorakoraa orean taberan bouan te tembora b'a e aonga ni m'aeiei te aana are i nano. Urui ni kamaerikirikii b'a aonga ni b'akari atuuia aomata. N na bon tiringiia aomata n te buaka; akea ae na biri nako, akea ae na rawea maiuna.

Amota 9:8

Boni Ngai te UEA ae rietaata ae I aki toki n nonorii aia m'akuri aika a bure aomatan te aba ni uea ae Iteraera, ao N na bon kamaunaia mai aon te aba. Ma N na bon aki kabaneia ni kamaunaia kanoan Iakob'a.

Mika 1:16

A nang uotaki nako am ataei aika ko tangiriia ngkoe ae Iuta, b'a taenikai nakon aaba ianena. Ma ngaia are, ko na korea iran atuum ni kamaraa b'a kaotan rawawatam.

Tekaria 14:2

Ma te moan b'ai ae e na karaoaki, E na karokoia moa botannaomata nako b'a a na buakana Ierutarem-a na iraeaki b'ain nako te mwenga, a na tauaki aine, ao a na katikitikaki iteran te botannaomata, e ngae ngke iai tabeman ake a na kariaiakaki n tiku.