Amota 7:15 - Te B'aib'ara

¹⁵ ma E anaai te UEA ma n au m'akuri ni kaawakin man, ao E kanakoai b'a n na taekina Ana taeka nakoia Ana aomata aika Iteraera.

Amota 7:15 ပူးပေါင်းရင်းမြစ်များ

2.Tamuera 7:8

Tawita, aei au taeka Ngai ae te UEA ae Moan te M'aaka nakoim. I uotiko n nako mai man te tawaana are ko tararuaia am nanai n tiibu iai, ao I karikiko b'a te tia kairiiri irouia au aomata.

1.Uea 19:19

Ao e nako Eria, ao e noora Eritai ngke e tabe ni kamaraua tanon ana tawaana n ana kaom'aane aika uoman. Boni iai naba tengaun ma temanna riki m'aane aika a mena i matana, ao a bon tabe naba ni kamaraua te tano n taian kaom'aane aika uoman. Ao e nako Eria ni kawariia ao e katokaa ana kunnikai i aon Eritai.

Ieremia 1:7

Ao e taku te UEA, “Ko na tai taku b'a ko rangi ni uarereke. Ngkana I tuangko b'a ko na nako n taetae nakon temanna, ao ko na nako! Ao ngkana I tuangko te b'ai ae ko na taekinna, ao kona taekin b'aai nako aika I tuangko!

Ieremia 26:12

Ao I taku, “E kanakoai te UEA b'a N na taekin b'aai ni kabane ake kam ongo mairou ake taekan te Tembora ma te kaawa ae e buubura aei.

Amota 3:8

Ngkana e bekorara te raian ao ai antai ae e na kona n aki maaku? Ngkana e taetae te UEA ae te Atua ao ai antai ae e na totokoa taetaekinan ana taeka?

Mataio 9:9

Ngke E kitana ikekei Iesu, ao e nora te aomata ae arana Mataio, b'a e tekateka n aobitin te taekiti; ao E taku nako ina, “Ko na irirai.” Ao Mataio e tei rake n iria.

M'akuri 1:8

Ma ane kam na anganaki te m'aaka, ngkana E roko te Tamnei are Raoiroi i aomi; ao ane kam na riki b'a taan tataekinai nakoia aomata i Ierutarem ao n taabo nako i Iuta, ao i Taamaria, ao i aonnaba ni kabuta.”

M'akuri 4:20

b'a ti aki kona n aki taekini baike ti noori ma n ongo.”

M'akuri 5:20

“Kam na nako n tei i nanon te Tembora, ao tuangiia aomata taekan te Maiu aei ni kabane.”

1.Tamuera 10:11

Ao aomata ake a boni ngae n nonora Tauro a nooria ngke e a taetae ni burabeti ma ni karaoi aroia burabeti. Ao a taetae bon i marenaia ni kaangai, “Tera ae riki? E na kanga n riki Tauro b'a te burabeti?”