Amota 7:13 - Te B'aib'ara

¹³ Tai manga taetae ni burabeti i Betaera, b'a aio a na kaawa n taromauri te uea, are e mena iai te tembora.”

Amota 7:13 ပူးပေါင်းရင်းမြစ်များ

1.Uea 12:29

Ao i mwina, e katuka te kaoteteei te koora are teuana n te kaawa are Betaera. Ao e katuka are temanna n te kaawa ae Taan, ao a m'ananga aomata rimoan te kaoteteei ngke e uotaki nako ikekei. Bon te bure ae moan te kakaiaki te b'ai are e tia ni karaoia Ierutarem.

1.Uea 12:32

Ao e manga iangoa naba te bong n toa ae e boou i bukiia Iteraera n te bong ae tebwi ma nimaua bongin te kawanua n nam'akaina, kaanga aron are e kakaraoaki i Iuta. Ao n te bong anne, e nako iai Ieroboam nako Betaera ao e anga iai ana karea iai i aon te baonikarea nakon te kaoteteei are te koora are e a tia ni katikua ikekei. Ao i mwiina, e a anganiia ibonga tib'angaia nako.

1.Uea 13:1

N te bongi teuana, ao e teitei Ieroboam i rarikin te baonikarea are i Betaera, b'a e nang tauraoi n angakarea. Ao e karina n roko Ana burabeti te Atua mai Iuta ao e takaarua ni kaangai:

2.Uea 14:24

E aki ongotaeka naba ni katotoonga ana m'akuri ae e buakaka Ieroboam are natin Nebata te m'aane, are e kareketatiia Iteraera n te bure.

Itaia 30:10

ao a tia n taetae ni kaangai nako ia ana tia uarongorongo nako ma ana burabeti nako: Kam na aki tuangiira te b'ai ae e a tia ni kaotia te Atua nakoimi ao kam na aki kab'arab'araa te koaua. Kam na ti taekina ae ti tangiria b'a ti na ongo, e aoria ngkana e kaairua.

Ieremia 26:9

E aera ngkai ko taetae n aran te UEA b'a e na riki te Tembora aei kaanga Tiro ao e na uruaki te kaawa aei ao a na akea ae na maeka iai?” Ao i mwiin arei, a bootaki aomata ni katobibiai.

Amota 2:12

Ma ko kamooia Natiraite n te wain, ao ko tuangiia burabeti b'a ana aki taekin au taeka.

Amota 3:14

“Ngkana I oroia Iteraera n te bong arei i bukin aia bure, ao n na urua baonikarean Betaera. Ana bane ni b'aka i aontano koron taian baonikarea.

Amota 5:5

Tai nako n taromauri i Beera-teba. Tai ukoukorai i Betaera-N nang kakeaa manen Betaera. Tai nako Kirekara-ana tiringaki man uotaki nako kaaina b'a taenikai.”

Amota 7:16

Ma ngaia ae kam na ongora n Ana taeka te UEA, kam tuangai b'a n na aki taetae ni burabeti ao n na aki eekinakoi ngkami.

Amota 7:9

E na uruaki aia tabo n taromauri kanoan Itaaka. A na tiku n uruaki taabo ake a tabu i aon Iteraera. N na kamaunanakoa te utu ni uea are Ieroboam.”

M'akuri 5:28

“Ti anganingkami ngkoa ara taeka ae matoatoa b'a kam na aki reirei n te ara ae Iesu. Ao noria! kam kaona Ierutarem n ami reirei, ao kam tangirira b'a ti na bukinaki ni matena.”

M'akuri 5:40

Ao a weteia taan tuatua, ao a kataereia; ao a kanakoia ngke a tia n tuangiia b'a a na aki reirei n aran Iesu.