Amota 6:13 - Te B'aib'ara

¹³ Ko kamoamoako ngke ko taua te kaawa are Roteb'ara. Ko taetae ni kamoamoa iai ni kaangai, “Ti korakora n niniaanako te kaawa are Kaanaim.”

Amota 6:13 ပူးပေါင်းရင်းမြစ်များ

2.Uea 13:25

E buakana Turia uean Iteraera are Ieoati, ao e kataenikaia tenua te tai. E kaoka mairoun Bentata kaawa ni kabane ake e taui ngkoa Ataera n te buaka mairoun tamana are Ieoaati.

2.Uea 14:25

E karababaa tian Ierutarem Ieroboam mai Rebo Amata are i meang nakon Taari are Mate i maiaki, n aron are E a tia ni berita iai te UEA nakon ana toro are Iona are natin Amitai te m'aane, are bon te burabeti mai Kaata Ebera.

Iobi 31:25

I bon tuai naba mani kainikatonga i bukin te kaub'ai ae bati i nanoni maiu.

Iobi 31:29

I bon tuai man kukurei ngkana a karawawataaki au kairiribai, ke ni kukurei ngkana a kaaitibo ma te kangaanga.

Iobi 8:14

A onimakina karain ngaon ten takareau.

Iobi 8:15

E kona ni kateimatoaia ngaon ten takareau ngkana a mwiokoia? E kona ni buokia ngaon ten takareau ngkana a nimtia?

Taian Areru 2:2

A bootaki uean aonnaba n eekaanako te UEA ma ana King are E rineia.

Taian Areru 75:4

I tuangiia akana buakaka b'a a na aki kainikatonga;

Taian Areru 75:5

I tuangiia b'a a na aki karietataia.”

Te Minita 11:9

Ko riai ni kukurei ma ni kim'areirei n te maiu aei ngkai ko rikirake! Karaoa ae ko tangiria, ao kakaaea te kukurei n te b'ai ae ko nooria. Ma ko na tai m'aninga ae E na motika taekam te Atua ni b'aai ni kabane aika ko karaoi.

Itaia 7:1

Aati bon natin Iotam ao tibun Utia te m'aane, bon te uea i aon Iuta ngke a m'ananga uean Turia are Retin ao Bika are natin Remaria te m'aane are Uean Iteraera b'a a na buakana Ierutarem. Ma e aki koro bukin aia iango.

Itaia 7:4

Tuanga Aati b'a e na aki raraoma. Bon akea te b'ai ae e na maaka iai te uea are Retin ao Bika. E rangi ni kakamaaku uniia, ma bon akea aroia b'a ti kaanga te ai ngaiia ae a mate.

Itaia 8:6

A tia aomata aikai n aki butim'aea ranin Tiroa aika a raanga ni karaurau ao a tia ni kukurei ni kaaina ana itera te Uea are Retin ao te Uea are Bika.

Ieremia 50:11

Kaain B'aburon, kam kukurei ngkoa ni kimoaia Au aomata. E rangi n reke ami tai ngkoa, ni karaoa te karongoaa ae e korakora riki nako ia aoti ma n eweewe rake n aki akaaka kaanga taian kao ataei aika a kanakoa kunin te uita.

Ieremia 9:23

E taku te UEA: Kam na aki kamoamoa i bukin wanawanami ke korakorami ke kaub'aimi.

Etekiera 29:3

Au taeka ae e kaangai: Uean Aikubita, ti te bo ngkoe ma te korokorotaire ae e wene i nanon te karaanga. Ko karaoa aron ae bon am b'ai te Naire ao ko karaoia bon i bukim. Ma ngkai I a riki b'a ami kairiribai Ngai te UEA ae te Atua!

Etekiera 29:9

ni karokoa e rereua abam. Ao i mwiina, ko na ataia b'a I karaoi baikai. Ko taekinna b'a ko karaoa te Karaanga are te Naire man taua arona.

Taniera 4:27

Ma ngaia are, ‘Te uea ae ko karineaki, karaoi kanoan au kaetieti. Katoka karaoan te bure, karaoa ae e raoiroi, ao nanoangaia akana aki kaub'ai. Ao i mwiina, e a tib'a kona n rikirake ueam.”

Taniera 4:30

ao e taku, “Nooria, ai korakorara B'aburon. I kateia b'a au kaawa ae atuun au tautaeka b'a kaotan korakorau ma m'aakau, ma mimitongiu, ao kakannatou.”

Iona 4:6

Ao te UEA ae te Atua E kamaiuia te aroka ao ni karikirakea b'a e aonga n nuu ma ni mwengaraoi iai Iona. E rangi ni kukurei Iona n te aroka arei.

Teb'ania 3:11

N te tai arei, ao N na kam'awaia taan kairiri aika a kamoamoa mani kainikatonga, ao ane ko na aki manga kainikatonga n au maunga are e tabu.

Tekaria 1:19

E bon mena ikekei te anera are e kanakoaki b'a e na kab'arab'ara, ma ngaia are, I titirakinna ni kaangai, “Tera nanon baikai?” Ao e taku ana kaeka, “Taian koroniman aikai bon taian botannaomata aika a kamaaenakoia kaain Iuta, Iteraera, ao Ierutarem, ma n anaa inaomataia.”

Ioane 16:20

Bon te koaua ni koaua ae I a tuangngkami b'a ane kam na tang ma n tanginiwenei, ma ane e na kim'areirei te aba; ane kam na nanokawaki, ma ane e na oneaki nanokawakimi nakon te kim'areirei.

Iakobo 4:16

Ma ngkai, kam kamoamoaingkami n ami kainikatonga. Kamoamoa ni kabane aika ai aron aikai a bane ni bubuaka.

Te Kaotioti 11:10

Ao ake a maeka i aon te aba a kim'areirei ma ni kakatonga; ao ane a na kanako b'aintangira ni bon nakoia n tatabemaniia nako; b'a burabeti ake uoman akekei bon taan uota te aro ae kamamate nakoia aomata ake a mena i aon te aba.

Tani Motiki-taeka 9:27

Ao e a roko tain taian uaan te kureebe, ao a bane nako kaain Tekem nakon aia nne n aroka ni kureebe ma ni kiniki uaan aia kureebe. A katikui aia kureebe n te tabo ni kamanti kureebe, ao a nakonako i aoia ni katinakoi raniia i bukin karaoan te wain. Ao i mwiina, a nako n rin n temboran atuaia ao a karaoa te bootaki n am'arake ae korakora. Ao a m'aiti ake a am'arake ma ni mooi, ao a karereantia Abimereka.

1.Tamuera 4:5

ni uota te Atiniberita nakon te maeka, ao a takaarua ni kukurei tautia n te b'anaa ae moan te korakora n te aro are e m'aingiing te tano