Amota 5:24 - Te B'aib'ara

²⁴ Ma ke e raanga rio te kaetitaeka ae ai aron te karaanga ae aki kona ni b'atakataka.

Amota 5:24 ပူးပေါင်းရင်းမြစ်များ

Taeka n Rabakau 21:3

Karaoan ae e raoiroi ao ae e riai e boni kakukureia riki te UEA nakon te angab'ai.

Itaia 48:18

Ai korakorara nanou n tangiringkami b'a kam na ongotaeka nakon au tua! E na riai n taorake n te karaanga ae e taonako ami tootokanikai ao tekeraoimi.

Ieremia 22:3

A a tia n riki aomata aika akea aia bure b'a konan ami m'akuri n tiritiri, ao tabeman mai buakoia a tia n tiringaki. Ma I tuangkami ngkai b'a kam na karaoa ae e raoiroi ao ni kakoaua b'a e karaoaki te motiraoi. Kamaiuia aomata nako akana a karawaawataaki n te motibuaka.

Etekiera 45:9

E taku te UEA ae te Atua: Kam a tia ngkami aika taan tautaeka i Iteraera, e a bati n tau kimoaia ma keweia Au aomata! I tangiringkami b'a kam na katoka karaoan te bure ao kam na moana karaoan te raoiroi ma te eti. Kam na aki manga oki ni kanakoia Au aomata ma te kairoro man oin abaia. Bon aei Au taeka Ngai ae te UEA.

Otea 6:6

I tangiria b'a kam na kakaonimaki ma n ataai nakon ae kam na anga taian karea.

Amota 5:23

Katoki ami anene aika kaberoro; I bon aki kan ongo tangin ami aabi.

Amota 5:7

Kam na mate, ngkami aika kam raira te kaetitaeka ae riai mani m'am'anaia aomata man aia riai!

Mika 6:8

Bon tiaki ngaia anne, E a tia n reireiniira te UEA ataakin ae e raoiroi. Aikai baika E tangiri te UEA mairoura: Ti na karaoa ae e eti, ti na kaota te tangira ae e teimatoa, ao ti na iraorao ma Ngaia ma te nanorinano.