Amota 3:15 - Te B'aib'ara

¹⁵ N na urui autin bong aika a kam'aitoro ao autin naba bong aika a kabuebue. A na b'aka naba auti ake a katamaroaaki ni koron taian man n aron te ereb'anti ao ana bane n uruaki auti aika korakora.”

Amota 3:15 ပူးပေါင်းရင်းမြစ်များ

1.Uea 22:39

Ao a bane n tauaki mwiin b'aai ake e karaoi Aaba i nanon ana tai ni uea, n te boki are Rongorongoia Uean Iteraera, ni ikotaki ma kaawa ake e a manga kamatoai ao te bareti are e karaoi b'ain nanona ni koron te ereb'anti.

Taian Areru 45:8

A bane niiniiram ni boiarara ni boini b'aa aika boiarara; A kakukureiko taani katangitang n aia b'ai ni katangitang i nanon auti aika bareti aika katamaroaaki ni koroia ereb'anti.

Itaia 5:9

Ma e a tia ni karaoa ana berita aei te UEA ae Moan te M'aaka nako iu: A na akea kanoan taian auti akana a buubura man tamaroa akanne, ao a na akea naba te tia kaawakin.

Ieremia 36:22

Bon tain te kam'aitoro te tai arei, ao e tekateka te uea n ana bareti are baretin te kam'aitoro i rarikin te ai.

Amota 2:5

Ngaia are N na kab'aka te ai i aon Iuta, ao N na kabuoki nonon Ierutarem.”

Amota 3:11

Ma ngaia are a na otab'aniniaki irouia aia kairiribai, ana urui aia nono, ao ana kurib'ai mwengaia.

Amota 5:11

Kam a tia ni karawawataia aika kainano ao ni kurib'ai aia uita. Ao kam na bon aki maeka n auti atibu aika tamaroa aika kam karaoi ke ni mooi ni wain man ooni kureebe aika kam uniki

Amota 6:11

A na bane ni maerikiriki auti aika a korakora ma auti naba aika a karako ngkana E kanakoa Ana taeka te UEA.

Maraki 1:4

Ane a na kaangai kanoan Etau, “E ngae ngke urubekebeke ara botannaomata ae e Etom, ma ti konaa ni manga kateia.” Ma I berita Ngai ae te UEA ae Moan te M'aaka b'a N na raebiti b'aai nako akana a manga katei. Ao ane a na ataai aomata nako b'a I aki konaa ni katoka uniu irouia i bukina ngkai e rangi ni korakora aia bure.