Amota 2:5 - Te B'aib'ara

⁵ Ngaia are N na kab'aka te ai i aon Iuta, ao N na kabuoki nonon Ierutarem.”

Amota 2:5 ပူးပေါင်းရင်းမြစ်များ

2.Uea 25:9

E kabuoka ana Tembora te UEA Nebutaratan, ma ana bareti te uea, ao kateitei aika a buubura ni kabane aika a kakannato i nanon te kaawa are e buubura arei, ao ai taian auti.

Ieremia 17:27

Ma ngkana kam teimatoa n uouoti b'aai i nanon mataroan te kaawa akanne n te Kaitibong ao n teimatoa n karaoia b'a te bong n aki akaaka, ao N na kaurai taian mataroa aikai ma ni kab'aka te kaawa, n reitaki ma nonona nako.

Ieremia 21:10

I a tia n baaireia b'a N na aki kamaiuia Ierutarem. Ma N na kariaia uean B'aburon b'a e na kabuokia ni kamannangnga. Bon aio au taeka Ngai ae te UEA.

Ieremia 39:8

Inanon te tai anne, a tia ni kabuoki taian auti ana taanga ni buaka B'aburon i Ierutarem, n reitaki ma ana bareti te uea, ao a tia naba ni kab'akai nonon te kaawa.

Ieremia 52:13

E kabuoka Ana Tembora te UEA, ao ana bareti te uea, ao auti ni kabane aika a kakannato i nanon te kaawa.

Otea 8:14

Iteraera, I karikingkami, ma kam m'aninga taekau. Ko karaoi taian bareti ngkoe ma Iuta ao kaawa aika a matoatoa. Ao ngkai N na kanakoa te ai b'a e na urua ami kaawa nako ma taian nono.

Amota 1:4

Ma ngaia ae N na kab'aka te ai i aon te bareti are e kateaki iroun te Uea are Ataera, ao N na kabuokii nonon te Uea are Ben-atata.

Amota 3:11

Ma ngaia are a na otab'aniniaki irouia aia kairiribai, ana urui aia nono, ao ana kurib'ai mwengaia.

Amota 3:15

N na urui autin bong aika a kam'aitoro ao autin naba bong aika a kabuebue. A na b'aka naba auti ake a katamaroaaki ni koron taian man n aron te ereb'anti ao ana bane n uruaki auti aika korakora.”

Amota 7:4

E a manga roko naba i rou te mii mai iroun te UEA ae rietaata. Ao I nooria b'a E tabe ni katauraoi nakon kataereaia Ana aomata n te ai. E kauraa te nama ae korakora are i aan te aonnaba, are e a manga ura iai te aonnaba ni korakoran kabuebuena.