Amota 2:15 - Te B'aib'ara

¹⁵ Ana bon aki kona n taua aia tabo taani katebe, ana bon aki kona ni birinako aika a birim'aaka ana bon aki konaa naba n rawei maiuia ake a toka i aoia aoti.

Amota 2:15 ပူးပေါင်းရင်းမြစ်များ

Te Minita 9:11

Ao aikai b'aai riki tabeua aika I a tia n noori i aan taai: Aika birim'aaka ao aomata aika a ninikoria a aki tootokanikai n taai nako n te kabobirim'aka ao te buaka. Te wanawana, ni ikotaki ma te niniwana ao te ataib'ai a aki anganiko te marurung n taai nako, te kaub'ai, ke tanoatan taekam. Ti bane n toa n te tekebuaka.

Itaia 31:3

Bon taian aomata naba kaain Aikubita. Bon tiaki Atua ngaiia. A bon karaoaki naba aia aoti man te iriko; a aki konaa ni maiu n aki toki. Ngkana e kaota m'aakana te UEA, ao ane e na tiringiia kaain Aikubita ao koraki ni kabane ake a mwiokoia. A na bane ni kaai ni b'aka.

Ieremia 51:56

E na buakana B'aburon kairiribai ma n urua. A na tauaki tautiana ao a na uruaki aia b'ai ni buaka, i bukina ngke bon te Atua Ngai ae I kaakaboo kai nako ia botannaomata nako n te b'ai are a karaoia.

Etekiera 39:3

N na orea nako te kai ni katebe mai baim te angamaing ao taiani kanoa ni katebe mai baim te angaatai,

Amota 9:1

I noora te UEA b'a E tei i rarikin te bao ni karea. Ao E anga Ana taeka ae kaangai, “Kakorakoraa orean taberan bouan te tembora b'a e aonga ni m'aeiei te aana are i nano. Urui ni kamaerikirikii b'a aonga ni b'akari atuuia aomata. N na bon tiringiia aomata n te buaka; akea ae na biri nako, akea ae na rawea maiuna.

Akai 2:22

ma ni kamaunai taiani uea ao abanuea. N na karanganakoi kaanibuaka, ao ane a na moana tiringakiia i bon irouia tautia ake taan toka i aoia aoti.

Tekaria 10:5

A na ira te buaka, ao a na kaai naba ni kamanatuaia aia kairiribai kaanga te bokaboka. A na buaka, i bukina ngkai N na tei n aia itera Ngai ae te UEA. Ao a na kamanatua aia taanga ni buaka aia kairiribai ake taani buaka mai aoia aoti.