Amota 2:10 - Te B'aib'ara

¹⁰ I kaotinakoingkami mai Aikubita, ao I kairingkami i nanon te rereua i nanon abwi te ririki, ao I anganingkami abaia I-Amoraite b'a abami.

Amota 2:10 ပူးပေါင်းရင်းမြစ်များ

Neemia 9:21

Ko kakawakiniia raoi, bon akea te b'ai teuana ae a kai nanoia iai i nanon abwi te ririki. A aki roko n uruaki aia kauniwae, ao a aki roko n te b'ara nanoni waeia.

Taian Areru 95:10

Abwi au ririki n rangi n ribaia te koraki arei. Ao I taku, ‘Ai bure ra nanoia! A rawa ni kan ongeaba nakon au taeka.’

Te Otinako 12:51

N te bong anne, ao te UEA e kairiia aia baronga Iteraera ni kaotinakoia mai Aikubita.

Te Otinako 20:2

“Bon te UEA Ngai ae Atuami, are I kaotinakoi ngkami mai Aikubita, are kam toronaki iai ngkoa.

Te Otinako 3:8

ao I ruo rikaaki ngkai b'a N na kamaiuia mairouia kaain Aikubita. N na kaotinakoia Au aomata mai Aikubita nakon te aba ae e maiu reirei, ae e m'aiti iai te miriki ma ana karewe te manibeeru. N na anganiia te aba are a maeka iai ngkai kaain Kanaan, kaain Eta, kaain Amora, kaain Berita, kaain Iwa ao kaain Iebuti.

Ieremia 2:6

A rawa ami bakatibu ni buubutiai buokaia, e ngae ngke I a tia i kamaiuia mai Aikubita ma ni kairiia i nanon te rereua ae e kamaamate ae akea kain aona, ike akea ae maeka iai ke ni kataia ni m'ananga i nanona.

Etekiera 20:10

Ma ngaia are, I kaotinakoia ao I kairiia nakon te rereua.

Amota 3:1

Kam na ongora kain Iteraera nakon te rongorongo ae e taekinna te UEA i bukimi ngkami aika kam kaotinakoaki mai Aikubita.

Amota 9:7

E taku te UEA, “Ngkami aika Iteraera, I aki kaokoroa are I karaoia nakoimi ma are I karaoia nakoia I-Tiobia. I kaotinakoia I-Biritia mai Kabetora, ao I-Tuuria mai Kira, n ai aromi ngke I kaotinakoi ngkami mai Aikubita.

Mika 6:4

I kaotinakoingkami mai Aikubita; I kamaiungkami man te tautoronaki; I kanakoa Moote, Aaron, ao Miriam b'a a na kairingkami.

Warekaia Iteraera 13:32

Ao a maningongoa te rongorongo ae kaangai, “Ti aki kona n ununiki ikekei b'a e mate tanona, ao aomatana bon taian aintoa.

Warekaia Iteraera 21:25

Ao a maeka Iteraera n aia kaawa kaain Amora, n reitaki naba ma kaawan te tautaeka are Etibon ma kaawa nako ake i rarikina.

Warekaia Iteraera 32:13

ma E rangi n un irouia ake tabeman n te aro are E a kanakoia b'a a na tiotio nako n te rereua i nanon 40 te ririki. I m'aain te tai anne, a bane n tia ni mate aomata ake a tia ni bure nako Ina.

M'akuri 13:18

Ao E buobuokia n te rereua i nanon ae tao angaun te ririki, e ngae ngke a aki raraoi aroia nakoina.

M'akuri 7:42

Ao E tannako te Atua mai rouia, ao E katikuia n aroia b'a a na taromauri itoini karawa; n ai aron are koreaki n aia boki burabeti, ni kaangai, “Ngkami aika te botannaomata ae Iteraera, tiaki i buku maan ake kam tiring ao kam anga b'a ami karea n te rereua angaun te ririki?

Te Tua-Kaua 1:39

Ao i mwiina, E a manga taetae te UEA nakoimi ni kaangai: “Kaain Iteraera, kam taku ngkoa b'a a na tauaki natimi aika uarereke b'a taenikain te buaka i bukin te aba. Ma n te bong teuana, ao N na kariniia n te aba, ao a na taua te aba arei n Au buobuoki ao a na maeka ikekei.

Te Tua-Kaua 2:7

E a tia te UEA ni buokiira i nanon ririki aika 40 aika a tia n nako ngke ti mena i nanon te rereua ae korakora aei. A tia n reke iroura b'ai ni kabane aika ti kainanoi, ao E a tia naba te UEA ni kakab'aiaira ma ni kakatotokanikaira ni b'aai ni kabane ake ti karaoi.

Iotua 13:4

A tuai reke naba i roumi abaia te baronga are Kanaan, ma Meara (are a b'ainna aomatan Titon), ni karokoa Abeki, are tian abaia taian Amoraite.

Iotua 24:8

ao i mwiina I a manga uotingkami nako abaia aomatan Amoraite ake a maeka i mainikun te Ioretan. A buakani ngkami ma I anganingkami te tokanikai i aoia. Kam taua abaia ao I kamaunaia mai m'aaimi.