Ab'akuka 3:19 - Te B'aib'ara

¹⁹ E anganai korakorau te UEA. E karaoi waeu b'a ana aki marannako n ai aron waen te ria, ao E kawakinai raoi i aon te maunga.

Ab'akuka 3:19 ပူးပေါင်းရင်းမြစ်များ

2.Tamuera 2:18

A mena naba ikekei natin Teruia ake teniman ake: Ioaba, Abitiai, ao Ataera. E rangi ni biri m'aaka Ataera kaanga te ria i nanon te tawaana,

2.Tamuera 22:34

Ko kabirim'akai waeu kaanga waen te ria, ao Ko buokai ni kateirakeai i aon taiani maunga.

Taian Areru 18:1

I tangiriko, te UEA, ae korakorau.

Taian Areru 18:32

Ngaia te Atua ae kakorakoraai, Ao E kaeta kawaiu.

Taian Areru 18:33

E kabirim'akai waeu; n ai aron te ria E buokai b'a N na aki kabuanib'ai i aoni maunga.

Taian Areru 18:34

E reireiai te aro ni buaka, B'a I aonga ni kabongana te kaini-katebe ae matoatoa.

Taian Areru 27:1

Bon ootau ma au tia kamaiu te UEA; Akea ae N na makua. Bon nneu ni kamanoai te UEA man taiani kanganga nako; N na bon aki maaku.

Taian Areru 46:1

Boni nera ni katantan ao korakorara te Atua. E kaan n taai nako ni buokira n tain te kangaanga.

Taian Areru 54:1

Te Atua, Ko na kamaiuai ni m'aakam; Kainaomataai ni korakoram.

Ana Anene Toromon 2:7

Ataeinainen Ierutarem, kam na berita nako iu ni m'aakan te ria ma te anterobe b'a e na aki kautaki te tangira i m'aain tauraoina.

Itaia 12:2

I onimakiniko b'a ko na kamaiuai, te UEA ae te Atua, ao N na aki maaku A nako m'aakau ma korakorau mairoum, ao ko a tia ni kamaiuai.”

Itaia 45:24

A na kakoaua b'a bon ti te Atua Ngai ae I karokoa te kaetitaeka ae eti. Ane e un ma ngai e na bon rangi ni kamaamaaeaki ao e na rairaki nako iu.

Itaia 58:14

Ao ane kam na karekea raoi iai kakukurein ataakin te UEA. E na tautaekaningkami man te maunga ake taiani kabanea n rietaata ao ni kakab'aiaingkami n aban ami bakatibu are Iakob'a. Ngai te UEA ae I taetae!

Etekiera 36:2

b'a boni Ngai ae te UEA ae te Atua ae I taekina ae e kaangai: A na b'ainingareai ngkai ami kairiribai ao a na taku b'a aia b'ai ngkami aika maunga.

Tekaria 10:12

N na kakorakoraia Au aomata i bukina ngkai bon te UEA Ngai, ao a na irai. Bon aei Au taeka Ngai ae te UEA!

I-Ebeto 3:16

b'a E na anganingkami mani kaub'ain arona aika kamimii, te m'aaka iroun Tamneina b'a kam aonga ni kakorakoraki n nanomi;

Te Tua-Kaua 32:13

E buokingkami n taua te aba. Ao a rangi ni m'aiti taian uita n ami katawanang. A maiu taian oriwa i aon taabo aika kiriatiibu, ao a kuneaki aia karewe manibeeru i buakon taiani b'a.

Te Tua-Kaua 33:29

E a tia ni kamaiungkami te UEA ao ma n anganingkami taiani kakab'aia ae m'aiti riki nakon kakab'aiakiia botannaomata tabeua. Kaanga ai aron te otanga Ngaia ngkana E kamanoingkami ao bon ami kabaang ae mimitong Ngaia. A na bobaraaki ami kairiribai ma te maaku, ao ane kam na toubekai nuukaia.

I-Biribi 4:13

I konai b'aai ni kabane ni kaitarai iroun Teuare kakorakoraai.

I-Korote 1:11

ngkai kam kakorakoraki n te kakorakora ni kabanea, are nako mani m'aakana ae kamimii, b'a e aonga n reke i roumi te nanom'aka ni kabanea ma te taotaonaki n nano ma te kim'areirei;