Ab'akuka 3:13 - Te B'aib'ara

¹³ Ko otinako ni kamaiuia am aomata, Ko kamaiuia am uea aika ko rineia Ko oroia rikaaki taan kairiiri aika a buakaka ao ko kamaunaia taan rimwiia.

Ab'akuka 3:13 ပူးပေါင်းရင်းမြစ်များ

2.Tamuera 5:20

Ao e buakaniia kaain Biritia Tawita ao e konaiia. Ao e taku, I taratara te UEA ngke e urua aia taanga ni buaka kairiribai kaanga te ieka ae e korakora.” Ma ngaia are, e arana te tabo arei b'a “E uruaniia te UEA”

Taian Areru 105:15

Ao E kaangai, Tai riingia au aomata aika rineaki, aika au burabeti, ao tai tabareia.

Taian Areru 105:26

E kanakoa ana tabonibai are Moote, ma Aaron are E a tia n rineia.

Taian Areru 110:6

E na motiki taekaia botannaomata nako, E na botataia n tiringiia ao ni kab'arikoirake rab'ataia akana mate; ni kabutaa aonnaba

Taian Areru 137:7

Te UEA, uringa te baere a karaoia tibun Etom n te tai are ekakinako iai Ierutarem. Uringa aia taeka ngke a kaangai, “Urua, urubekebekea!”

Taian Areru 20:6

I a ataia ngkai b'a te UEA e na bon anga te tokanikai nakoia ana king ake E a tia n rineia; E na kaekaa man ana karawa are Tabu, ao E na buokiia ni kakatokanikaia ni m'aakana.

Taian Areru 28:8

Te UEA boni korakoraia ana Aomata, ao nena ni kamaiu te uea ae rineaki i rouna.

Taian Areru 68:7

Te Atua, ngke Ko kairiia am Botannaomata, ngke Ko nakonako ri nanon te rereua,

Taian Areru 77:20

Ko kairiia am Botannaomata irouni Moote ma Aaron, kanga ai aron te tia kawakin-tiibu ngkana e kaira te nanai n tiibu.

Taian Areru 99:6

Ana ibonga naba Moote ma Aaron, ao Tamuera, boni ngaia naba temanna ae taboa arana; A tataro nakoina, ao E ongo irouia.

Itaia 63:11

Ma ana aomata a uringa te b'ai are e riki ngkoa n ana tai Moote E bon aki uotiia ngkoa te UEA ma aia taani kairiiri nako ma ni kaawakiniia raoi i nanon taari? E bon aki anganiia ngkoa Tamneina ae e Raoiroi?

Itaia 64:1

Bwenauai taiani karawa! Ruorikaaki, te UEA; karurui taiani maunga.

Etekiera 13:14

A kataia burabeti aika a b'anga ni kewe aikai ni karabaa te buakaka i Ierutarem, ma N na korouaa te kaawa ni kab'aka, ni kabane ni karokoa aana. Ao ngkana e b'aka, a na tiringaki burabeti aikai, ao ane a na ataia aomata ni kabane b'a boni Ngai ae I karaoi baikai.

Amota 9:1

I noora te UEA b'a E tei i rarikin te bao ni karea. Ao E anga Ana taeka ae kaangai, “Kakorakoraa orean taberan bouan te tembora b'a e aonga ni m'aeiei te aana are i nano. Urui ni kamaerikirikii b'a aonga ni b'akari atuuia aomata. N na bon tiringiia aomata n te buaka; akea ae na biri nako, akea ae na rawea maiuna.

Iotua 10:11

Ngke a tabe ni birirake n te kawai are i Beta-oron tautian Amoraite, ngke a birinako mai i rouia aomatan Iteraera, ao e kab'aka te karau te atiibu aika a korakora te UEA i aoia ni karokoa rokoia i Ateka. A m'aiti taian Amoraite ake a mate n taian atiibu ake a b'aka nakoia ake a mate n aia kabaang aomatan Iteraera.

Iotua 10:24

ao a uotaki nakon Iotua. Ao e weteia aomatan Iteraera ni kabane Iotua ao e tuangiia ana mataniwi ake a iria n te tai arei b'a a na katokai waeia i aon roroaia uea aikekei. Ao a karaoa anne mataniwi.

Iotua 10:42

E buakan ma n taui kaawa aikai Iotua ni m'anangana ae ti teuana, kioina ngke E raonna te UEA ae Atuaia Iteraera ni buaka i bukiia.

Iotua 11:12

E bane n taui kaawa aikai Iotua ma ueaia, ao e tiringiia aomatana ni kabane, n ai aron ana mwioko Moote are ana toro te UEA nakoina.

Iotua 11:8

Ao e anga te tokanikai te UEA nakoia Iteraera, ao a buakaniia aia kairiribai ma ni kakioia nako iaang ni karokoa Metirebotamaim, ma Titon, ao ni waerake naba ni karokoa m'aruan Mitibe. E bon waaki nako te buaka ni karokoa a bane raoi ni mate aia kairiribai.