Ab'akuka 2:19 - Te B'aib'ara

¹⁹ Ko na b'aka b'a ko kaangai nakon te m'akoro ni kai, “Uti!” ke nakon te m'akoro n atibu, “teirake!” E kona ni kaoti b'aai te bouannanti nakoim? E tii kabiraki aona n te tirewa ma te koora ma bon akea te maiu i nanona.

Ab'akuka 2:19 ပူးပေါင်းရင်းမြစ်များ

Taian Areru 135:15

A karaoaki atuaia botannaomata n taian tirewa ma koora; A karaoaki ni baiia aomata.

Taian Areru 135:17

Iai taningaia, ma a aki kona n ongo; a aki kona naba n ikeike.

Taian Areru 97:7

A na bane ni kamaamaaeaki akana taromauri bouannanti; Akana kainikatonga i bukiia antiia aika bouananti; A bane anti ni bobaraaki n taromauria te UEA.

Itaia 26:14

A mate ngkai kairiribai aikai ao a aki konaa ni manga maiu. Ko a tia ni katuaaia a mauna nako, e a bon m'aninga te aba taekaia.

Itaia 40:19

E boni bootau te bouannanti ma te Atua? E karaoaki man te buraonti ao ni kabiraki aona teutana n te koora, ao e katamaroaaki n te tirewa.

Itaia 41:26

Iai mai buakoia ami bouannanti ae e konaa n taekin baika a roko rimwi? Iai i buakoia ae e etieti? Bon akea mai buakomi ae e a tia n taekina aei ke n taekina te taeka teuana.

Itaia 44:17

Ao i mwiin, anne e bobaraaki n taromauria te bouannanti te kai. ao e taku, “Kaawakinai, bon antiu ngkoe.”

Itaia 46:6

Tabem'aang aomata a kabooia taani karaobiti ao a anga taian tirewa ao taiani koora b'a e na karaoaki mai iai te bouannanti b'a a na taromauria.

Itaia 57:6

Kam a tia ni baaireia b'a kam na taromauri taian bouannanti aika a karaoaki n taian atiibu; Kam a tia n anganiia taian angab'ai ake te wain ao te uita. N na kukurei n anne?

Ieremia 10:14

A rangi n nanobaba aomata aika a karaoi taian bouananti! A na b'ara nanoia i bukina b'a a bon aki maiu antiia ni kewe.

Ieremia 10:3

Bon akea nanon aia aro! A koroi ni kab'akai taian aroka, ao a karaoi taian banna iai i bukin aia bouannanti,

Ieremia 10:4

a kabiria n te tirewa ma te koora ao i mwiina a neeraia ni kamatoa b'a e aonga n aki b'aka.

Ieremia 10:9

A karaoaki taian bouannanti irouia aomata. E korobanna te kai te tia korobanna. E amana kooran Ubati ke te tirewa mai Taretiti te tia m'akuri n te biti b'a rabunana. Ao i mwiina, e kunnikaiaki te bouannanti n te kunnikai ae e buru ma ni beebo.

Ieremia 2:27

ngkoe ma am uea, am ibonga ma am burabeti b'a kaanga ai aron ae ngaiia ngkoa aika a karikingkami ma n anganingkami te maiu. Kam katinanikuai ma ngkana kam reke n te kangaanga, ao kam tang nako iu i bukin buokami.

Ieremia 2:28

Naako taang nakon antimi ake kam karaoi! Tao a bon tau m'aitiia ni kamaiungkami, b'a are a rangi n rawa antin Iuta n ai aron m'aitin kaawana nako.

Ieremia 51:17

A nanobaba aomata aika a karaoi taiani bouannanti! Ane a na b'ara nanoia, i bukina b'a a aki konaa n ikeike antiia.

Ieremia 51:47

E a roko te tai are N na katauaea iai antin nako B'aburon ni kewe. A na bane ni mate aomata, ao e na b'ainrang te botannaomata ae e b'anin,

Taniera 3:1

Ana baaire Nebukaneta b'a a na bane aomata n taromauria te bouananti te koora. E karaoa te bouananti ae te koora te uea are Nebukaneta, ae 27 te miita rietana, ao e kaan 3 te miita rababana, ao e kateia n te tabo ae e aoraoi i Rura n te burawinti are B'aburon.

Taniera 3:18

E ngae ngke e aki naba kamaiura, ma ti na bon teimatoa naba n aki taromauria antim, ao ti na bon aki naba bobaraaki nakon te bouananti te koora are ko kateia.”

Taniera 3:29

Ma ngaia are, I aki manga kariaia te botannaomata, ke te reeti, ke te taetae teuana b'a e na taetae n aki akaaka nakon Atuaia Tiateraka, Metiaka ao Abeteneko. Akana a karaoa anne, a na korokoreaki rab'ataia ni kauarerekeaki, ao a na uruakaki aia auti. Bon akea te Atua riki temanna ae e kona ni kakamaiu n aron aei.”

Taniera 3:7

Ao ni bon te tai naba are a ongo iai tangin taiani b'ai ni katangitang, ao a bane ni bobaraaki botannaomata ma reeti nako, ma taetae nako n taromauria te bouananti are te koora are e kateia te uea are Nebukaneta.

Taniera 5:23

Ko kakaitaraa UEAN karawa ngke ko uoti m'angko, ma taiani boora ake a anaaki man ana Tembora. Ao ko mooi mai iai ngkoe ma am taani iango, ma buum, ao buum ni kewe, ao kam kamoamoaia anti ake a karaoaki man taiani koora, tirewa, buraati, biiti, taiani kai, ao atiibu, anti aika a aki noraaba ao a aki konaa naba ni kakauongo, ao a bon aki ataa te b'ai teuana. Ao kam aki karinea te Atua ae e mena maiumi i nanoni baina, ao E bairei b'aai ni kabane aika kam karaoi.

Taniera 5:4

ao a neboa te anti are e karaoaki man te koora, ma te tirewa, ma te buraonti, ma te biti, ma te kai, ao te atiibu.

Iona 1:5

Ao a maaku kaimoa ao a tang ni kan buokaki, temanna nakon antina, ao temanna nakon antina. Ao a karenakoi kanoan te kaibuke i taari, b'a e aonga ni bebete riki te kaibuke. Ao e a kaman ruo Iona ni wene i kabin te kaibuke ao e matu iai.

M'akuri 17:29

Ma ngaia aei, b'a ngkai ti riki mairoun te Atua ao e aki riai b'a ti na taku i nanora b'a te koora arona n Atua, ke te tirewa, ke te atibu, are karaoaki b'a katotongana iroun te aomata ae rangi n rabakau ni m'akuri n tabonibaina, man ana iango.

Te Kaotioti 17:4

Ao e kunnikaiaki te aine arei n te ura-roo ma te uraura, ao e katamaroaaki ni b'aai ni katamaroa aika koora ma atibu aika kakawaki ma moomi; ao iai te m'angko ae te koora i nanoni baina, ae te m'angko ae on ni baika riai ni bati n ribaaki, ma baika kammaira aika b'ain ana wene ni bure;