Ab'akuka 2:14 - Te B'aib'ara

¹⁴ Ao e na onrake te aonnaba n ataakin mimitongin te UEA n ai aron taari ae e kaona marawa.

Ab'akuka 2:14 ပူးပေါင်းရင်းမြစ်များ

Taian Areru 22:27

A na bane botannaomata nako i aonnaba n ururinga te UEA; A na bane botannaomata n rairaki nakoina n taromauria.

Taian Areru 72:19

Kamoamoa n aki toki arana ae mimitong! E bia buta aonnaba ni mimitongina. Amen! Amen!

Taian Areru 86:9

Ane a na bane n roko ni bobaraaki nako Im botannaomata nako ake Ko a tia ni karikiia; Ane a na kamoamoaa aram.

Itaia 11:9

Akea te kabuanib'ai ae e na konaa n riki i aon ana Maunga ae e tabu te UEA. Aron te ran ngkai ae kaona taari ao ai aron naba te aba b'a e na kaonaki irouia aomata antai ae e ataa ma ni karinea te UEA.

Itaia 33:6

bon te aana ae ti tei i aona n te bong aei. Ko aki toki ni kamaiura ao n anganiira te wanawana ni koaua ao te rabakau Akea riki ae e kakaawaki iroura nakon te ongotaeka iroum.

Itaia 40:5

Ao i mwiina, ane e na kaoti mimitongin te UEA b'a e aonga n nooraki. E a tia te UEA ni berita i bukin aei!”

Itaia 6:3

ngke a takaarua ni kaangai, “E tabu, e tabu, e tabu, te UEA ae Moan te M'aaka! E on aonnaba ni mimitongina.”

Ieremia 31:34

“A na aki manga reireina temanna i bon irouia aron te ongotaeka i Rou. I berita Ngai ae te UEA nako ia ni kabane b'a a na ongotaeka irou, ti te bo aomata nako ma taan tautaeka. N na kab'arai aia bure, N na m'aninga taekan aia m'akuri aika a buakaka aika a tia ni karaoi.”

Etekiera 47:5

E manga katika riki 500 te miita n ira rikaaki te raanga n ran, ao e a roko te raanga n ran n te karaanga ae e konaa te aomata n ri nanona n uaua.

Mika 2:9

Kam kakionakoia ainen au botannaomata mani mwengaia aika a mwengaraoi iai, ao kam iraei naba kab'aiaia aia ataei ake I a tia n anganiia.

Ab'akuka 2:15

Ko na b'aka. Ko a tia ni kamamaaia, ao ni kakeaia kaain rarikim, ao ni karaoia b'a ana tatatata ni koro ni manging.

Ab'akuka 3:3

E a roko te Atua mai Etom; E roko te Atua ae E tabu mai taubukin B'aran E kabutaa karawa tamaroana ao e kabutaa aonnaba neboana irian rokona te oota ae e raneanea b'a E na buokiira. Raneanean mimitongina e rabuna karawa, ao e ongo te aba neboakim n te aonnaba ni kabutaa.

Teb'ania 3:9

“Ao N na kaitiaka aia taeka botannaomata nako, b'a aonga n riki aia taeka b'a b'ain neboau; ao a na aki manga neboia anti riki tabem'aang.

Warekaia Iteraera 14:21

Ma ngkai I boni maiu, ao bon akea tokin m'aakau,

Te Kaotioti 11:15

Ao e katanga ana bu te anera are te kaitiman; ao b'anaa aika korakora i karawa a kaangai, “Ana b'ai ara Uea ma ara Kristo te m'aaka n tautaeka i aonnaba; ao ane E na uea n aki totoki.”

Te Kaotioti 15:4

Ai antai ae na aki maaku iroum, Te Uea, ma n aki neboa aram? B'a ti Ngkoe ae Ko tabu. A na bane n roko botannaomata nako n taromauriko, b'a a tia n noraki am Babaire aika eti.”