Ab'akuka 2:11 - Te B'aib'ara

¹¹ Ana takaarua naba atiibun taian oo ni kabuakakako, ao kain te auti ana taekina naba ae tii te arona.

Ab'akuka 2:11 ပူးပေါင်းရင်းမြစ်များ

Karikani B'aai 4:10

Ao E a manga taku te UEA, “E aera ngkai ko karaoa te m'akuri ae rangi ni buakaka aei? E tang raraan tarim mai buakon te tano, b'a kaanga ai aron te b'anaa ae e tangira irantangaakina.

B'aeb'aeti 2:18

O Ierutarem, ke a tang oom nakon te UEA! Ke a raanga nako rannimatam n ai aron te karaanga ni bong ao ni ngaina; Ko na tang n rawaawata n akea am tai!

Ruka 19:40

Ao E kaekaia ni kangai, “I taku nako imi, b'a ngkana a na aki karongoa, ao ane a na takaarua atiibu iai.”

Ebera 12:24

Ao kam kaania Iesu, are Ngaia ae e reke mai Rouna te boraraoi ae boou, n raraana are katimtim'aki, are kaota te bae raoiroi riki nakon are e taekinna Abera.

Iotua 24:27

Ao e taku nakoia aomata, “E na riki te atiibu aei b'a te tia kakoaua, b'a e a tia n ongo b'aai ni kabane ake E taekin te UEA nakoira. Ao e na riki b'a te tia kakoaua ni kaoti ara bure nakon te UEA.”

Te Kaotioti 6:10

ao a takarua n te b'anaa ae korakora, ao a kaangai, “Te Toka ae Ko tabu ao Ko koaua, ai ti maanraa riki ao Ko a motiki taekaia aomata aika maeka i aon te aba, ma n iri taangara i bukina ngke a kamateira?”