Ab'akuka 1:16 - Te B'aib'ara

¹⁶ A taromauri aia karaun, man angakarea naba nako iai, i bukina b'a a reke b'aai ake a tangiri ni kabane man aia karaun.

Ab'akuka 1:16 ပူးပေါင်းရင်းမြစ်များ

Taian Areru 22:29

Ane a na bane akana marika i aonnaba n am'am'arake ma n taromauri; ane a na bane ni bobaraaki i matana akana nangi mate, akana i aoni kawaia nakon te ruanimate.

Itaia 37:24

Ko karaoia am mataniwi b'a a na kabuakakaai, Ngai ae te UEA. Ao aei te b'ai are ko taekinna bon i bukim, “I kairiia au kaanibuaka nako aon te kabanea n rietaata ni maungan nako Reb'anon. I rinnako i buakon buakonikaina, ma ni koroi tiirana ao m'aiangona aika taiani kabanea n raoiroi.

Ieremia 44:17

Ti a tia n berita b'a ti na taromauria te anti are Nei Atiterota, are te Ueanaine i Karawa, ao bon anne raoi te b'ai ae ti na karaoia. Ti na kabuoka te b'ai ni kaboiarara nakoina ao n anga te karea are te wain nakoina, n arora, ma ara bakatibu, ao ara taani kairiiri ngke ti maeka ngkoa i Ierutarem ao kaawan Iuta nako. A a bon rangi ni m'aiti karara. Ti a maiu ni kaub'ai, ao bon akea te b'ai teuana ae e buakaka ae a tia n riki nakoira.

Ieremia 44:8

Kam a tia ni kaunai ngke kam a manga taromauriia te bouananti ao kam kabuoka te b'ai ni kaboiarara nako ia anti ngke kam roko ikai mai Aikubita. Kam na mate n te mate ae e ribaaki, n te aro are a na kamanenaa aran Iuta b'a te taeka ni karereanti.

Etekiera 28:3

Ko taku n am iango b'a ko wanawana riki nakon Taniera ma n atai b'aai ni kabane:

Etekiera 29:3

Au taeka ae e kaangai: Uean Aikubita, ti te bo ngkoe ma te korokorotaire ae e wene i nanon te karaanga. Ko karaoa aron ae bon am b'ai te Naire ao ko karaoia bon i bukim. Ma ngkai I a riki b'a ami kairiribai Ngai te UEA ae te Atua!

Taniera 4:30

ao e taku, “Nooria, ai korakorara B'aburon. I kateia b'a au kaawa ae atuun au tautaeka b'a kaotan korakorau ma m'aakau, ma mimitongiu, ao kakannatou.”

Taniera 5:23

Ko kakaitaraa UEAN karawa ngke ko uoti m'angko, ma taiani boora ake a anaaki man ana Tembora. Ao ko mooi mai iai ngkoe ma am taani iango, ma buum, ao buum ni kewe, ao kam kamoamoaia anti ake a karaoaki man taiani koora, tirewa, buraati, biiti, taiani kai, ao atiibu, anti aika a aki noraaba ao a aki konaa naba ni kakauongo, ao a bon aki ataa te b'ai teuana. Ao kam aki karinea te Atua ae e mena maiumi i nanoni baina, ao E bairei b'aai ni kabane aika kam karaoi.

Ab'akuka 1:11

Ao a orea te kaawa ni kaitiakia n ai aron te ang ao i mwina a kitanna, aomata aika korakoraia bon antiia.

Te Tua-Kaua 8:17

Ngkana kam tetekeraoi, ao kam na aki kaangai, I a kaub'ai, I boni karekei ni korakorau.