Ab'akuka 1:15 - Te B'aib'ara

¹⁵ A katikiia rake aomata i B'aburon n te matau, a tauia n te karaun, ao a takaarua ni kukurei i bukin rawatan konaia.

Ab'akuka 1:15 ပူးပေါင်းရင်းမြစ်များ

Taian Areru 10:9

Kanga ai aron te raian ae e baki ae e karabaa i buakon kaai, b'a e na karekeia konana akana kananoanga; E na kam'aneia n ana b'ai ni kam'ane, ao e na katikitikiia nako.

Itaia 19:8

Ane a na b'ara nanoia akana a akawa i nanon te Naire ao a na tang.

Ieremia 16:16

Ma n te tai aei, N na kanako ia kairiribai ake a na raweingkami kaanga te ika ma ni kam'aneingkami kaanga maan aika a aki manana i aon taian tabuki ao taian nangananga ni b'aa.

Ieremia 5:26

E kam'aneia maan te tia kaeman ao e kaaki i nanon ooia, ma iai ake a kam'aneia aomata ma ni karikiia b'a aia toro.

Ieremia 50:11

Kaain B'aburon, kam kukurei ngkoa ni kimoaia Au aomata. E rangi n reke ami tai ngkoa, ni karaoa te karongoaa ae e korakora riki nako ia aoti ma n eweewe rake n aki akaaka kaanga taian kao ataei aika a kanakoa kunin te uita.

Etekiera 25:6

Kam ribaa Iteraera ao kam ubouboi baimi ao n tatakarua mani booa ami bootaki ni kukurei.

Etekiera 26:2

Etekiera ae natin te aomata, a tia kaain Turo ni karaoa aia bootaki ni kukurei i bukin b'akan Ierutarem ni kunaia ae e kaangai, “E a tia ni b'aka Ierutarem! bon te tabo ni kaboob'ai ngkoa, ae e rangi ni korakora. E kamaaenikunaaki ami kaawa ngkai, ao ko na onea mwiina.”

Etekiera 35:15

n arom naba ngke ko karaoa am bootaki ni kukurei ngke e kamaunaaki Iteraera. E na riki n akea manenan am botannaomata ae Etom b'a e na riki b'a te aba ae akea manenana. Ao ane ko na ataia iai b'a bon te UEA Ngai.

Amota 4:2

E a tia ni berita te UEA ae E m'aaka man rietaata ao E taku, “E na bon roko te bong are e na katikiko n te matau, ao ngkami ni kabane kam na riki kanga ai aron te ika i tabon te matau.

Ab'akuka 1:14

Ko na kanga ni karaoia aomata b'a kaanga maan?

Ab'akuka 2:5

Te kaub'ai bon te tia m'am'anaa te aba. Aomata aika a m'angai-n-rang a kamoamoa ao akea aia motirawa. A bon aki kona n rauaki nanoia n ai aron te mate (rua-ni-mate). Ao bon anne bukina are a buakani man taui aaba teuana i mwin teuana.

Mataio 13:19

Ngkana e ongo taekan Uean te Atua te aomata ao e aki ata nanona, ao e roko iai teuare buakaka n anaa are e a tia n unikaki i nanona; aei te koraa are unikaki ri rarikin te kawai.

Mataio 17:27

Ma ti aki kani kauniia aomata aikai. Ma ngaia ae ko na nako n te nama, ao tewea nako am ao ma matauna, ao anaa te moa n ika ane teke; ao ngkana ko kaurea wina, ao ane ko na kunea te m'ane iai. Ko na anaia ao anganiia i buku ao i bukim.”

Te Kaotioti 11:10

Ao ake a maeka i aon te aba a kim'areirei ma ni kakatonga; ao ane a na kanako b'aintangira ni bon nakoia n tatabemaniia nako; b'a burabeti ake uoman akekei bon taan uota te aro ae kamamate nakoia aomata ake a mena i aon te aba.