2.Uea 9:32 - Te B'aib'ara

³² Ao e tararake Ieu nakon te winto ao e titiraki ni kaangai, “Iai ae e tei n au itera ae e mena i eta ikekei?” Ao a kaotinakoi atuuia tabeman taani m'akuri n te bareti man te winto,

2.Uea 9:32 ပူးပေါင်းရင်းမြစ်များ

2.Uea 9:31

Ao ngke e rin Ieu i nanon mataroan te kaawa, ao e takaarua Nei Ietebera nako ina ni kaangai, “E aera ngkai ko nakomai ngkoe ae te tia tiriaomata? Ko na tiringa te uea? Ko buakaka riki nakon Timri.”

2.Uea 9:33

ao e takaarua Ieu nakoia ni kaangai, “Karenakoa te aine anne man te winto.” A karenakoa, ao e tebera te o raraana, ao e teberiia naba aoti ake a toubekaa rab'atana.

2.Uea 9:7

I tangiriko b'a ko na kamaunaiia ana utu Aaba, b'a e aonga n katuaaeaki Ietebera i bukin tiringakiia burabeti, ao au taani m'akuri ake tabeman.

1.Rongorongo 12:18

Ao Amatai are temanna mai buakoia m'aane akekei are e a manga riki b'a te tia kairiiri irouia Taani Buaka ake Teningaun, e kawara Tawita. E niniaki n Tamnein te Atua, ao e taku, “Ti na raoningkami, Tawita ae natin Iete! Ko na tetekeraoi ngkoe ma raom, b'a E buaka te UEA man ami itera.” Ma ngaia are, e kariaia Tawita b'a a na tiku i rarikiia, ao e anganiia tib'angaia b'a taan tararuaia tautia ake a na niniia aia kaawa irouia aia kairiribai.

2.Rongorongo 11:12

ao ai uana naba n taian otanga ao kainiwai. E kabonganai taian kaawa aika a buubura aika a nonoaki aikai i bukin tararuaan Iuta ma Beniamin.

Etita 1:10

Ao n te kaitiua ni bong, ao e a manging te uea, ao e a kukurei, ma ngaia are e a kawaekoaia ana iunaki ake itiman ake; Meuman, Bitita, Arebona, Bikete, Abaketa, Tetara ao Karekati.

Etita 2:15

Ao akea b'a e a roko ana tai ni kawara te uea Nei Etita, natin Abiaira te aine, Abiaira are tarin taman Moretekai. Moretekai are e tabekia b'a natina te aine. E rangi ni mataiakinaki neiere Nei Etita irouia aomata. Ao ngke e a roko ana tai ni kawara te uea, ao e ti katokaa i aona te b'ai are e a tuangnga Ekai b'a e na katokaa i aona. Ekai bon te iunaki are e tararua te auti are a mena iai buun te uea.

Etita 2:21

Ao n te tai are e reke iai ana m'akuri Moretekai n te bareti, ao a riki iai Biketan ma Tereti ake taian iunaki, ake a tararua mataroan ana ru te uea b'a ana kairiribai te uea are Keatiti, ao a tabe ni iaiangoa tiringana.

Taian Areru 118:6

Bon raou te UEA, N na aki maaku; Tera ae e kona te aomata ni karaoia nako iu?

Taian Areru 94:16

Antai ae e tei i buku ni kaitaraia akana buakaka? Antai ae buokai ni kaitaraia taani karaoa ae buakaka?

Te Otinako 32:26

Ma ngaia are, e tei Moote ni mataroan aia maeka ao e takaarua ni kaangai, “Ngkami akana kam taku b'a kam mena n ana itera te UEA, nako mai ikai!” Ao a bootaki mm'aane ake kanoan te baronga are Rewi i rarikin Moote,

M'akuri 12:20

E rangi n un Erote irouia I-Turo ma I-Titon; ma ngaia are a botiia aia koraki ao a nako ni kawara Erote. A anaa moa nanoni Berateto nakon aia iango; e mena i rouna mwiokon ana tabo ni maeka te uea. Ao a nako ngkanne nakon te uea ni butiia reken te raoi: b'a a karerekei am'arake i bukin abaia man aban te uea.