2.Uea 9:28 - Te B'aib'ara

²⁸ A anaa rab'atana naake bon ana mataniwi, ao a katokaa i aon te kaanibuaka ma ni kaokia nako Ierutarem ike a taunna iai i rarikiia ana bakatibu.

2.Uea 9:28 ပူးပေါင်းရင်းမြစ်များ

1.Uea 2:10

E uea Tawita i aon Iteraera i nanon 40 te ririki. E uea i Eberon i nanon itiua te ririki, ao e uea i Ierutarem i nanon 33 te ririki.

2.Uea 12:21

ake a tiringa Ioati i nanon te auti ae e buubura n te tabo are e a manga kanoaaki aona are i mainikun Ierutarem i rarikin te kawai nako Tira. E taunaki i rarikiia ana bakatibu i Ierutarem, ao e a manga uea natina te m'aane are Amatia.

2.Uea 23:20

E tiringiia ibonga ake a m'akuri iai ao e kabuoki riia i aon taiani baonikarea. I mwiin baikai ni kabane, ao e a okira Ierutarem Iotia.

2.Uea 23:30

A anaa rab'atana tabeman ana tautia ni katokaa i aon te kaanibuaka ma ni uotia rikaaki nako Ierutarem, ike a taunna iai ni bon ana ruanimate. I mwiina, a kunea natina te m'aane kaain Iuta ao a kab'aroa te b'aa i aon atuuna ni kaotia b'a te uea ae e boou.

2.Uea 8:24

E mate Ieoram ao e taunaki i rarikiia ana bakatibu i Ierutarem. E a manga uea i mwiina natina te m'aane are Aatia.

2.Rongorongo 22:9

ao e a tua b'a e na kakaaeaki Aatia. Temanna ana aobitia Ieu are e kunea Aatia ni karaba i Tamaria. A uota Aatia nakon Ieu, are e a tiringnga naba n te tai ae e waekoa. A tauna rab'atan Aatia ti i bukin are a karinea tibuna te unim'aane are Ieotiab'ata, are e a tia ni kabanea korakorana n ongotaeka iroun te UEA. Bon akea temanna man ana utu Aatia are e tiku are e na konaa ni manga uea i Iuta.

2.Rongorongo 25:28

E uotaki rab'atana nako Ierutarem i aon akuiia aoti ao a taunna i rarikiia ana bakatibu.

2.Rongorongo 35:24

Ao a kanakoa Iotia man ana kanibuaka, ao a katoka n te kanibuaka teuana ae e mena ikekei ao a uotia rikaaki nako Ierutarem, ike e aki maan ao e a mate naba. E taunaki i rarikiia ana bakatibu, ao a bane n tang kaain Iuta ao Ierutarem i bukin matena.