2.Uea 9:27 - Te B'aib'ara

²⁷ E noori b'aai aika a riki aikai te uea are Aatia, ao e kataia ni birinako nakon te kaawa are Betaakan, ma e reke iroun Ieu ngke e kakioa ao e takaarua ni kaangai, “Tiringnga naba.” Ao a katebea Aatia ana tautia Ieu ngke e biri n te kawai are e nako Kura i rarikin Biream. Ao e waaki nako ni karokoa Mekito ike e a mate iai.

2.Uea 9:27 ပူးပေါင်းရင်းမြစ်များ

1.Uea 21:2

Ao n te bong teuana ao e a taku Aaba nakon Naabota, “Naabota. E rangi ni kaan am onaroka ni kureebe ma au bareti. I butiko b'a ko na anganai b'a N na karaoia b'a au onarokau i bukin kainam'arake aika a uarereke. N na manga anganiko te onaroka riki ae e raoiroi riki nakon anne, ke N na anganiko boona are ko bon tangiria b'a am b'ai.”

1.Uea 4:12

Baana are natin Airuta te m'aane are e tararuai kaawa ake i Taanaka ao Mekito. E tararua naba te aba are i Beta-Tean ni bane are i rarikin te kaawa are Taretan, are i meangin Ietireera, mai Beta-Tean nako Abera-Meora nakon iteran Iokemeam are teuana.

2.Uea 10:4

A wareki reeta akekei taani kairiiri ma taiani mataniwi ao a rangi ni maaku. A i taetae bon irouia ao a taku, “E a tia Ieu n tiringa te uea are Ioram ao te uea are Aatia. Ti riai ni karaoa te b'ai ae e taekinna.”

2.Uea 11:1

Ni bon te tai are e ongo naba iai Nei Ataria b'a e a mate natina te m'aane are Aatia, ao e a iangoia b'a e na tiringiia ana koraki te uea ni kabaneia ake a na konaa ni manga riki b'a uea. E boni karaoa aei,

2.Uea 12:1

E riki b'a te uea Ioati i aon Iuta n ana kaitiua n ririki ni uea Ieu i aon Iteraera, ao e tautaeka i nanon 40 te ririki mai Ierutarem. Boni kaain Beerateb'a tinana are Nei Tibia.

2.Uea 12:21

ake a tiringa Ioati i nanon te auti ae e buubura n te tabo are e a manga kanoaaki aona are i mainikun Ierutarem i rarikin te kawai nako Tira. E taunaki i rarikiia ana bakatibu i Ierutarem, ao e a manga uea natina te m'aane are Amatia.

2.Uea 14:19

ma e a manga reke irouia aomata tekorakina ao a taua ao a tiringnga ikekei.

2.Uea 21:23

E kam'aneaki irouia ana mataniwi tabeman, ao a tiringnga n ana bareti.

2.Uea 8:29

ma ngaia are, e m'ananga nakon te kaawa are Ietireera ni kamarurungnga iai. Ao e m'ananga Aatia ni kawaria ikekei.

Taeka n Rabakau 13:20

Kam na wanawana irouia raoraomi aika a wanawana, ma kam na bon kaikoakaki ngkana kam iririia aika a nanobaba.

Warekaia Iteraera 16:26

Ao e tuangiia aomata ni kaangai, “Kam na kararoaingkami man aia auti n rianna mm'aane aika taani bure aikai! Kam na aki riiriing aia b'ai ni kabane b'a kam kaawa n raona aia bure ni kamaunaaki naba.”

2.I-Korinto 6:17

Ao E kangai naba te UEA: “Ma ngaia ae kam na m'awa mai buakoia, kam na kaokoroingkami; Kam na aki riinga te bae kam'ara, Ao N na butim'aingkami;

Iotua 17:11

Ao e b'aini naba kaawa aika buubura te baronga are Manate ake i nanon m'akoron te baronga are Itakara ao te baronga are Atera, aika kaawa aika: Beta-tean, ao Ibeream ma kaawa naba aika a uarereke ake i rarikiia, ao ni ikotaki naba ma te kaawa are Tora (te kaawa are i rarikin taari), Entora, Taanaka, Mekito, ao kaawa ake i rarikiia nako.

Tani Motiki-taeka 1:27

A maeka kaain Kanaan n taiani kaawa aika Beta-tean, Taanaka, Tora, Ibeream, Mekito, ao kaawa ni kabane ake i rarikiia. A aki kan nako kaain Kanaan, ao a aki kona te baronga are Manate ni kanakoia. Ma i mwiin te tai ae maan, ngke a tabe ni korakora Iteraera, ao a karikiia kaain Kanaan b'a aia toro.

Tani Motiki-taeka 5:19

A buakaniira uean Kanaan i Taanaka i mataniwiin te karaanga i rarikin Mekito ma a aki kona ni iraei ara tirewa.