2.Uea 9:22 - Te B'aib'ara

²² Ao e titiraki Ieu ao e taku, “Tera rokom aei?” Ao e taku Ieu, “E na kangaa n reke te raoi? Tinam are Nei Ietebera boni ngaia ae e kairiia aomata nakon taromaurian bouananti ao karaoan m'akuri n tabunea.”

2.Uea 9:22 ပူးပေါင်းရင်းမြစ်များ

1.Uea 18:19

Weteia aomata ni kabane i aon Iteraera ao tuangiia b'a a na kawarai i taubukin te Maunga are Karemera. Ao ko riai naba n kairiia ana burabeti B'aara ake 450 ao 400 ana burabeti Nei Aatera ake a am'am'arake n ana taibora Nei Ietebera.

1.Uea 18:4

Bon Ob'aria are e karabaia 100 Ana burabeti te UEA n taian nangananga ni b'a ake uoua ao e kakarekei kanaia ma nimaia ngke e kataia Nei Ietebera n tiringiia. Ao e kanaanako wetean Ob'aria te uea are Aaba

1.Uea 21:25

Akea te aomata n aron Aaba, ae e kabonakoa i bukin karaoan te buakaka i matan te UEA, ao ni kairoroaki iroun buuna ae Ietebera.

2.Uea 9:18

Ao e otinako temanna te tautia, ao e taku nakon Ieu, “E tangiria te uea are Ieoram n ataia b'a tera rokomi aei?” Ao e taku Ieu, “Akea am b'ai iai, ma nakomai iriia au taanga ni buaka.” Ni bon te tai naba arei, ao e taku teuare e te tia tei n te taua n taratara, “Te uea ae ko karineaki, E a tia n roko irouia te koraki arei teuare e kanakoaki ma e tuai mani karairaki.”

2.Rongorongo 21:13

Ma ko a tia ni karaoi aron are a karaoia uean Iteraera aika taani bure aikai ao ko a tia ni katokiia aomatan Iuta nakon taromaurian te UEA, n aron are a tia ni karaoia Aaba ma ana kariki. Ko bon tiringa naba oin tarim, aika a raoiroi riki nakoim.

Te Minita 3:8

Bon iai naba te tai i bukin te tangira ao te riribai, te buaka ao te raoi.

Naum 3:4

E a katuaaeaki Ninewe ae ainen mataawa ae e kakab'akab'aka, ae e on n taian tabunea aika a kamaamate, ma ni kakaririia botannaomata nako ao n tautoroniia.

Te Kaotioti 18:23

E na bon aki manga oota ootan te taura i nanom, ao a na bon aki manga ongo aomata b'anaan te tia iein ae te mm'aane i nanom, ma b'anaan te aine ae a tib'a iein. B'a a kakannato i aonnaba am aomata aika taani bitineti, ao a bane botannaomata nako ni m'am'anaki n am tabunea.”

Te Kaotioti 18:3

B'a a bane botannaomata ni moi n ana wain, ae te wain ni wene ni bure; ao a wene ni bure ma ngaia uea i aonnaba ni korakoran nanona ni kaib'ab'aru.

1.Tamuera 16:4

Ao Tamuera, e karaoa te b'ai are tuangnga te UEA ao e nako Betereem. Ao a nako taani kairiiri man te kaawa ni kaitibo ma ngaia, ma a rangi ni maaku ao a titiraki ni kaangai, “Tera rokom aei, te roko n raoi ke tiaki?”