2.Uea 9:18 - Te B'aib'ara

¹⁸ Ao e otinako temanna te tautia, ao e taku nakon Ieu, “E tangiria te uea are Ieoram n ataia b'a tera rokomi aei?” Ao e taku Ieu, “Akea am b'ai iai, ma nakomai iriia au taanga ni buaka.” Ni bon te tai naba arei, ao e taku teuare e te tia tei n te taua n taratara, “Te uea ae ko karineaki, E a tia n roko irouia te koraki arei teuare e kanakoaki ma e tuai mani karairaki.”

2.Uea 9:18 ပူးပေါင်းရင်းမြစ်များ

2.Uea 9:17

Ngke e noora Ieu ma ana m'aane teuare te tia tei n te taua n taratara b'a a tabe n roko, ao e takaarua nakon te uea ni kaangai, “I nooriia te koraki ni m'aane aika a tabe n nakomai.” Ao e taku Ieoram, “Kanakoa temanna b'a e na titirakiniia b'a te roko n ae e raoiroi ke tiaki?”

2.Uea 9:19

Ma ngaia are, e a manga kanakoa riki temanna i aon te aoti Ieoram, are e a manga kawara naba Ieu ma n taku, “E tangiria te uea n ataia b'a tera rokom aei?” Ao e taku Ieu, “Akea am b'ai iai, ma nakomai iriia au taanga ni buaka.”

2.Uea 9:22

Ao e titiraki Ieu ao e taku, “Tera rokom aei?” Ao e taku Ieu, “E na kangaa n reke te raoi? Tinam are Nei Ietebera boni ngaia ae e kairiia aomata nakon taromaurian bouananti ao karaoan m'akuri n tabunea.”

2.Uea 9:31

Ao ngke e rin Ieu i nanon mataroan te kaawa, ao e takaarua Nei Ietebera nako ina ni kaangai, “E aera ngkai ko nakomai ngkoe ae te tia tiriaomata? Ko na tiringa te uea? Ko buakaka riki nakon Timri.”

Itaia 48:22

Ma e a tia te UEA ni berita b'a bon akea temanna ae e buakaka ae na maeka ma te rau.”

Itaia 59:8

Kam aki ataa aron te maiu i nanon te rau ke karaoan ae e raoiroi nakoia tabem'aang. A b'aoua taiani kawai aika kam karaoi; ao e aki konaa n reke te rau irouia akana a iririingkami.

Ieremia 16:5

Ko na aki kawariia aomata akana a mate aia koraki ke ni kaota nanokaawakim iai. N na aki manga tangiriia ke ni kakab'aiaia ke n nanoangaia kaain Iuta.

I-Rom 3:17

A aki ata kawain te raoi.