2.Uea 9:17 - Te B'aib'ara

¹⁷ Ngke e noora Ieu ma ana m'aane teuare te tia tei n te taua n taratara b'a a tabe n roko, ao e takaarua nakon te uea ni kaangai, “I nooriia te koraki ni m'aane aika a tabe n nakomai.” Ao e taku Ieoram, “Kanakoa temanna b'a e na titirakiniia b'a te roko n ae e raoiroi ke tiaki?”

2.Uea 9:17 ပူးပေါင်းရင်းမြစ်များ

2.Tamuera 13:34

ao e a tia ni biri nako Abetarom.” Ao temanna te tia tei, e nooriia aomata aika a m'aiti aika a tabe n roko n iteran te tabuki are te iterana n te kawai nako Oronaim.

2.Tamuera 18:24

Ao i nanon te tai anne, e tabe n tekateka Tawita i marenan te mataroa n te kaawa are mai nanoaa ao mataroan te kaawa are mai tinaniku, i nanon oon te kaawa. Ao temanna mai buakoia ana tautia e tabe n tarataraa nako mai taubukin te taua n taratara. Ao e noora te aomata ae e biri nakon te kaawa

1.Uea 2:15

Ao e taku Atoniia, “Ko bon ataia b'a I uea ngkoa i nanon ti tabeua te tai, ao a bane Iteraera ni kariaia b'a N na uea, ma E tangira tariu te Atua b'a e na uea, ao ngkai a bane n tia ni bitaki b'aai ni kabane.

2.Uea 7:14

Ao a kunei uoua kaanibuaka aika a katikitikaki irouia aoti, ao e tuangiia m'aane akekei te uea b'a a na kakaaea b'a tera ae e riki n ana taanga ni buaka Turia.

2.Uea 9:11

E okirikaaki Ieu nakoia ana mataniwi, ao e titirakinna temanna ao e taku, “Tera ae e tangiria te burabeti are e baba arei? Iai te kaangaanga?” E kaeka Ieu ao e taku, “Kam bon ataia ao kam ataa naba aron taetaena.”

2.Uea 9:16

Tabeua te tai, ao e roko Ieu i Ramota b'a e na kakaaea angan tiringakin Ieoram. E taku nakoia ana mataniwi, “Ngkana kam tangiria b'a N na riki b'a te uea, ao kam na aki kaotinakoa temanna man te kaawa aei. B'a ane a na nako Ietireera ni kaongoa Ieoram. Ao i mwiin anne, e tokara ana kaanibuaka Ieu ao e nako Ietireera.

2.Uea 9:18

Ao e otinako temanna te tautia, ao e taku nakon Ieu, “E tangiria te uea are Ieoram n ataia b'a tera rokomi aei?” Ao e taku Ieu, “Akea am b'ai iai, ma nakomai iriia au taanga ni buaka.” Ni bon te tai naba arei, ao e taku teuare e te tia tei n te taua n taratara, “Te uea ae ko karineaki, E a tia n roko irouia te koraki arei teuare e kanakoaki ma e tuai mani karairaki.”

2.Uea 9:19

Ma ngaia are, e a manga kanakoa riki temanna i aon te aoti Ieoram, are e a manga kawara naba Ieu ma n taku, “E tangiria te uea n ataia b'a tera rokom aei?” Ao e taku Ieu, “Akea am b'ai iai, ma nakomai iriia au taanga ni buaka.”

Itaia 56:10

Kam riai n riki ngkami taan kairiiri i Iteraera b'a kamea ake taan taratara, are kam na kakawakiniia au aomata. Ma akea te b'ai ae kam konaa n nooria, ao kam aki konaa naba n anga te kauring nakoia. Ma ti te b'ai ae kam karaoia te nimatutuu ao te mimiiroaroa.

Itaia 62:6

Ierutarem, I a tia ni kaaki i aon ami oo nako taan tei, ake tabeia n te bong ma te ngaina te taetae n taai nako. A na kakauringa te UEA.

1.Tamuera 16:4

Ao Tamuera, e karaoa te b'ai are tuangnga te UEA ao e nako Betereem. Ao a nako taani kairiiri man te kaawa ni kaitibo ma ngaia, ma a rangi ni maaku ao a titiraki ni kaangai, “Tera rokom aei, te roko n raoi ke tiaki?”

1.Tamuera 17:22

Ao e katuka te aomata temanna ma ana b'ai ao uotana ao e birinako nakon te bobuaka n titirakiniia tarina b'a a uara.