2.Uea 9:14 - Te B'aib'ara

¹⁴ E a tia ni ikoaki kakaiaki uean Iteraera are Ieoram n te buaka i Ramota ngke e kataia n totokoa te uea are Ataera, ao tautian Turia.

2.Uea 9:14 ပူးပေါင်းရင်းမြစ်များ

1.Uea 15:27

Baatia bon natin Aiia are kaain te baronga are Itaakara, are e karaoa baairean tiringan Nataba. Ngke e m'ananga Nataba ma ana taanga ni buaka b'a a na buakana te kaawa are Kibeton i Biritia, ao Baatia e tiringa Nataba ikekei. Ma ngaia are, n ana katenua n ririki Ata ni uea, ao e riki b'a te uea Baatia i aon Iteraera.

1.Uea 16:9

Ao e tararuai iteran ana kaanibuaka Era ana mataniwi temanna are Timri. E iaiangoa tiringan Era te mataniwi are Timri. N te bong teuana ao e mena Era i Tireta, e tabe ni mooi manging n ana auti Areta are ana buraiminitita.

1.Uea 22:3

Ao e titirakiniia ana taani kairiiri Aaba ni kaangai, “E aera ngkai ti tuai ni kataia ni kaoka Ramota Kireata mairouia kaain Turia? Bon abara.”

2.Uea 10:9

N te ingabong are i mwiina, ao e otinako Ieu, ao e tei n te tabo are a na konaa n ongo iai aomata ni kabane b'anaana, ao e taku, “Bon akea ami bure aomata, b'a boni ngai ae I baairea aron kaaitaraan Ieoram ma tiringakina. Ma antai ae e tiringiia m'aane aikai ni kabane?

2.Uea 12:21

ake a tiringa Ioati i nanon te auti ae e buubura n te tabo are e a manga kanoaaki aona are i mainikun Ierutarem i rarikin te kawai nako Tira. E taunaki i rarikiia ana bakatibu i Ierutarem, ao e a manga uea natina te m'aane are Amatia.

2.Uea 15:30

Inanon ana ka 20 n ririki n tautaeka Ioram i aon Iuta, ao e kam'anea Bika teuare Otea are natin Era te m'aane, ao e tiringnga. Ao e a manga uea Otea i aon Iteraera.

2.Uea 8:28

E m'ananga Aatia ma uean Iteraera are Ioram ni buakana te uea are Ataera, ao aia taanga ni buaka kaain Turia i Ramota Kireata. E ikoaki Ioram n te buaka anne,

2.Uea 8:29

ma ngaia are, e m'ananga nakon te kaawa are Ietireera ni kamarurungnga iai. Ao e m'ananga Aatia ni kawaria ikekei.

2.Uea 9:2

Ngkana ko roko ikekei, ao kakaaea te m'aane ae Ieu ae natin Ieotiab'ata, ae tibun Nimti. Kairiia nakon te tabo ae na ti ngkami iai uoman,

2.Uea 9:31

Ao ngke e rin Ieu i nanon mataroan te kaawa, ao e takaarua Nei Ietebera nako ina ni kaangai, “E aera ngkai ko nakomai ngkoe ae te tia tiriaomata? Ko na tiringa te uea? Ko buakaka riki nakon Timri.”