2.Uea 9:11 - Te B'aib'ara

¹¹ E okirikaaki Ieu nakoia ana mataniwi, ao e titirakinna temanna ao e taku, “Tera ae e tangiria te burabeti are e baba arei? Iai te kaangaanga?” E kaeka Ieu ao e taku, “Kam bon ataia ao kam ataa naba aron taetaena.”

2.Uea 9:11 ပူးပေါင်းရင်းမြစ်များ

2.Uea 4:26

Biiri butim'aia. Titirakinna b'a e uara ma ana utu.” Ao e taku neierei nakon Keati, “Ko rab'a, ti bane ni marurung.”

2.Uea 5:21

Ao e kawaekoaa n ri mwiin Naaman. Ao ngke e a noora Keati Naaman ni biri ri mwiina, ao e otinako man ana kaanibuaka ni kawaria. Ao e taku Naaman, “Iai te b'ai ae e riki?”

2.Uea 9:12

Ao e taku, “Kai tiaki ataia. Tera are e taekinna?” E uota te rongorongo mairoun te UEA. E taku b'a E a tia te UEA n rineai b'a N na uea n onea mwiin uean Iteraera.

2.Uea 9:17

Ngke e noora Ieu ma ana m'aane teuare te tia tei n te taua n taratara b'a a tabe n roko, ao e takaarua nakon te uea ni kaangai, “I nooriia te koraki ni m'aane aika a tabe n nakomai.” Ao e taku Ieoram, “Kanakoa temanna b'a e na titirakiniia b'a te roko n ae e raoiroi ke tiaki?”

2.Uea 9:19

Ma ngaia are, e a manga kanakoa riki temanna i aon te aoti Ieoram, are e a manga kawara naba Ieu ma n taku, “E tangiria te uea n ataia b'a tera rokom aei?” Ao e taku Ieu, “Akea am b'ai iai, ma nakomai iriia au taanga ni buaka.”

2.Uea 9:2

Ngkana ko roko ikekei, ao kakaaea te m'aane ae Ieu ae natin Ieotiab'ata, ae tibun Nimti. Kairiia nakon te tabo ae na ti ngkami iai uoman,

2.Uea 9:22

Ao e titiraki Ieu ao e taku, “Tera rokom aei?” Ao e taku Ieu, “E na kangaa n reke te raoi? Tinam are Nei Ietebera boni ngaia ae e kairiia aomata nakon taromaurian bouananti ao karaoan m'akuri n tabunea.”

Itaia 59:15

A bane aomata n taekina te kewe; tokiia akana a nako man te maiu ae e buakaka bon te urubekebeke. Ngkana e ataia te UEA ae e a tia ni mauna te motiraoi, ao E na bon aki kukurei iai.

Ieremia 29:26

I mwiin maten Ieoiata are te ibonga, E rineiko te UEA b'a ko na riki b'a te ibonga are e tararuaia te taanga ni bureitiman i bukin te Tembora. Ko ataia aomata b'a akana a boni baba ma ni bakaaea te riki ni burabeti a riai ni katikaki ma ni kabaeaki n taian tiein ao biiti are kabaean te roroa.

Otea 9:7

Iteraera, e a roko te tai. E na bon okiriko te b'ai are ko bon kaantaningaia, ao ko bon ataia. Ko taku, “A nanobaba burabeti, ao a rangirang ana tia uarongorongo te Atua.” E a tia am kaairua ae e kakamaaku ni kaoniko n te riribai.

Mareko 3:21

Ao ana utu Iesu, ngke a ongo, ao a nako b'a a na taua, i bukina ngke a kangai aomata, “E rangirang!”

Ioane 10:20

A m'aiti aomata i buakon te koraki arei ake a kaangai, “Iai i rouna te taimonio, ao e rangirang; kam aera ngkai kam ongora i rouna?”

M'akuri 17:18

E kauntaeka naba ma taan rabakau tem'angina aika aranaki b'a Ebikourio ao tabeman b'a Tetoiko, A taku tem'angina i buakoia, “Tera ae e kataia n taekinna te aomata ae kakanrabakau aei?” Ao a kaangai tabem'aang, “Kanga te tia taekinia taimonio aika ianena.” B'a e kab'arab'araa nakoia taekan Iesu ma te manga-maiu mai buakoia maate.

M'akuri 26:24

Ngke e taetae B'auro ni kaitarai taekani bukinana n te aro arei, ao e takarua Beteto ao e taku, “B'auro, ko rangirang! E karangirangko mwin am wareware ni booki aika bati.”

1.I-Korinto 4:10

Ti baba i bukini Kristo, ma kam wanawana i Rouna. Ti mamara, ma kam korakora. Kam karineaki, ma ti aki karineaki.

2.I-Korinto 5:13

B'a ngkana ti rangirang ao bon i bukin te Atua, ke ngkana ti nano n aomata ao bon i bukimi.