2.Uea 8:16 - Te B'aib'ara

¹⁶ E riki b'a te uea i aon Iuta teuare Ieoram are natin Ieotiab'ata i nanon ana kanimaua n ririki Ioram ni uea i aon Iteraera, ngke e boni uea naba Ieotiab'ata i aon Iuta.

2.Uea 8:16 ပူးပေါင်းရင်းမြစ်များ

1.Uea 22:42

Bon 35 ana ririki Iotiab'ata ngke e uea ao e tautaeka mai Ierutarem i nanon 25 te ririki ao aran tinana bon Nei Atuba are natin Tirei.

1.Uea 22:50

E mate Iotiab'ata ao e taunaki i rarikiia ana bakatibu i Ierutarem ao e a manga Uea natina are Ioram.

1.Uea 22:51

Ao e uea Aatia are natin Aaba i aon Iteraera n ana ka 17 n ririki Iotiab'ata ni Uea i aon Iuta, ao e uea i nanon 2 te ririki mai Taamaria.

2.Uea 1:17

Ao e mate Aatia, n aron are E a tia n taekinna te UEA. Ma i bukina ngke akea natin Aatia te m'aane, ao e a manga uea tarina are Ioram. E riki aei n ana kauoua n ririki ni uea Ieoram are natin Ieotiab'ata ao uean Iuta.

2.Uea 11:2

ma e kamaiua teuare Ioati are natin Aatia Nei Ieotieb'a ngke e nang kamateaki. Ao Nei Ieotieb'a are natin Ieoram are ai m'anen Aatia, e karabaa ai natina te m'aane are Ioati, ao ana tia m'akuri i nanon te runimatu i nanon ana Tembora te UEA ike a mano iai mairoun Nei Ataria.

2.Uea 3:1

E uea Ioram are natin Aaba i aon Iteraera n ana ka katebwi ma wanua n ririki ni uea Ieotiab'ata i aon Iuta. E tautaeka Ioram mai Taamaria i nanon tebwi ma uoua te ririki

2.Uea 8:25

E uea teuare Aatia are natin Ieoram i aon Iuta n ana katebwi ma uoua n ririki n tautaeka Ieoram i aon Iteraera.

2.Rongorongo 22:1

Mai m'aaina, ao a tia ni m'ananga ni buakana Iuta kaain Arabia tekorakina, ao a tiringiia natin Ioram m'aane ni kabane, ao ti nikiraia Aatia are te bina. Ma ngaia are, a kauea kaain Ierutarem b'a aia uea.