2.Uea 8:11 - Te B'aib'ara

¹¹ E a boni karekea taraan Ataera te burabeti are Eritai ni karokoa e a mamaa Ataera, ao e a tang naba Eritai.

2.Uea 8:11 ပူးပေါင်းရင်းမြစ်များ

Karikani B'aai 45:2

Ao e a tangi n takaarua, ma ngaia are, a ongo kaain Aikubita, ao e a roko rongorongona n ana bareti te uea.

2.Uea 15:29

E m'ananga uean Aturia are Tikeraka Biretia ni buakana Iteraera i nanon ana tai n tautaeka Bika. E taui aaba ake i Kireata ao Kariraia, n ikotaki ma te kaawa are Iion are Abera Betamaaka, Ianoa, Kateti, ao Atora, ao ai uana naba ma te aba are Nabetari. I mwiina, e anaiia Iteraera man taabo aikai ao e uotiia nako Aturia b'a taenikai.

2.Uea 2:17

A teimatoa ni buubutiia ni karokoa e a kua n tuangiia b'a a na aki, ao e a kariaia, ao a kanakoia m'aane akekei burabeti akekei. Ao a kakaaea Eria m'aane akekei i nanon tenibong ma e bon aki roko n te reke irouia.

Taian Areru 119:136

A waanako rannimatau kanga ai aron raangan ranin te karaanga, B'a a aki ongeaba aomata nakon am Tua.

Ieremia 13:17

Ngkana kam rangi ni kamoamoa ni kakauongo, ao N na tanginiwenei n ti Ngai. A na raanga nako rannimata mai matau ngkana a uotaki nako ana aomata te UEA b'a taenikai.

Ieremia 14:17

Ieremia, naako tuangiia aomata am namakin i aon te b'ai aei. Ma ngaia are, I tuangiia ni kaangai: “E na taonako rannimatau n te ngaina ma te bong, i bukina b'a a mate au botannaomata n te ikoaki ae e korakora.

Ieremia 4:19

I aki konaa n taona te maraki! E ikeike buroou, ao I nib'araa ao I minominotaki ni korakain nanou. I ongo tangin te bu are te kanikina ao karongoaan te keekee ni buaka mairouia kairiribai, ao I a aki konaa ni kainab'aabu.

Ieremia 9:1

Tera ngke a riki matau b'a koburake n ran ni mata, n te aro are I konaa n tang iai ni bong ao ni ngaina i bukiia Au aomata ake a tia n tiringaki.

Ieremia 9:18

Ao a taku aomata, “Kawaekoaia n nakomai b'a a na tang i bukira, ni karokoa a taonako matara n taian rannimata.

Ruka 19:41

Ngke E a kaan riki Iesu ma te kawa ao E taraia, ao E tangi nanona i bukina b'a E nanoangaia,

Ioane 11:35

A wawa nako ranni matan Iesu.

M'akuri 20:19

Ao I beku i bukin te UEA ma te nanorinano ni kabanea, ma rannimatau, ri buakoni kataaki ake a b'akarai n aia m'akuri ni kam'am'ane I-Iutaia.

M'akuri 20:31

Ma ngaia ae tai ni matutu, ao ururingai b'a I aki toki n reireingkami ni kabaneingkami ni bong ao ni ngaina ma rannimatau i nanon tenua te ririki.

I-Rom 9:2

b'a e bati rawaawatau ma korakain nanou ae aki kona n toki.

I-Biribi 3:18

B'a a bati aomata, ake I aki toki n taekiniia ngkoa nakoimi ao I a manga taekiniia naba ngkai ma rannimatau aika waanako: b'a kairiribai ngaiia ni maiuia nakon ana kaibangaki Kristo.