2.Uea 6:8 - Te B'aib'ara

⁸ E aki toki ni kakabowi uean Turia ma ana mataniwi, ngke a boboo ni buaka uean Turia ma Iteraera, ao a kakatanoata ni kaangai, “I a tia ni baairea te tabo are ti na kaemb'a iai.”

2.Uea 6:8 ပူးပေါင်းရင်းမြစ်များ

1.Uea 20:1

Ao e bootia ana taanga ni buaka Benatata. Ao e raonaki irouia 32 riki taiani uea ni ikotaki ma aia aoti ao aia kaanibuaka, ao a kaai ni m'aati nako Taamaria ma ni buakanna.

1.Uea 20:23

Ao a m'ananga ana taani kairiiri Benatata ni kawara Benatata ao a kab'arab'ara aia iango ni kaangai: Bon antin aoni maunga atuaia Iteraera. Ti konaaki irouia i bukina ngke ti buakaniia i aon taian tabuki. Ma ngkana ti buakaniia i aon te tabo ae e boraoi, ao ti na bon aki konaa ni konaaki.

1.Uea 20:34

Ao e taku Benatata, “N na kaoki taiani kaawa ake e anai tamau mairoun tamam. Ao ko konaa naba ni katei am tabo ni kabob'ai i Tamateko n aron tamau ngkai iai naba ana tabo ni kabob'ai i Taamaria.” Ao e taku Aaba, “Ngkana ko karaoi akanne nako iu, ao N na kanakoko ni kainaomatako.” Ao i mwiin arei, ao a tiainaa aia boraraoi n raoi, ao e kainaomata Benatata te uea are Aaba.

1.Uea 22:1

Ao e teimatoa te rau i nanon tenua te ririki ake i mwiina i marenaia Iteraera ma kaain Turia.

1.Uea 22:31

E a tia uean Tiiria n tuangiia 32 mataniwiia ana taan buaka n taian kaanibuaka b'a ana tii buakana Aaba.

2.Uea 6:24

Tabeua te tai rimwi riki, ao e a manga botiia ana taanga ni buaka ni kabane uean Turia are Benatata, ao i mwiina, a m'aati nako Taamaria ni buakanna.

2.Uea 6:7

Ao e taku Eritai nako ina, “Anaia.” Ao e kaaenakoa baina te burabeti arei n anaia.

2.Uea 6:9

E katoa tai Eritai ni kaakanakoa ana kauring nakon uean Iteraera ni kaangai, “Kam na aki ri rarikin te tabo arei. Ane a tia ni katea aia kaemb'a tautian Turia iai.”

Taeka n Rabakau 20:18

Kakoaua raoi b'a e a reke iroum te taeka n reirei ae e raoiroi i m'aain karaoan am babaaire ke i m'aain waakinan am buaka.

Taeka n Rabakau 21:30

Kam bon aki konaa ni konaa te UEA e ngae ngkana e m'aiti ami atatai ke tera ami kawai.

Itaia 8:10

Ikotingkami ao karaoi ami babaaire nako, ane kam na konaaki b'a e mena iroura te Atua.