2.Uea 6:33 - Te B'aib'ara

³³ I m'aain banen ana taeka Eritai, ao e roko te tia uarongorongo ao e taku, “Bon te UEA ae e karokoi b'aai aika a kamaamate aika a riki aika i aora aikai, ao bukin tera ngkai ti na kakantaningaia b'a ngaia ae E na buokiira?”

2.Uea 6:33 ပူးပေါင်းရင်းမြစ်များ

Karikani B'aai 4:13

Ao e taku Kain nakon te UEA, “E rangi n rawaawata nako iu katuaaeau aei.

2.Uea 3:10

Ao e takaarua Ioram ni kaangai, “E a roko te kaangaanga. E a tia te UEA ni kaotinakoira nako ikai b'a ti nang kataenikaiaki irouia ana taanga ni buaka Moaaba.”

2.Uea 7:1

Ao e kaeka Eritai ao e taku, “Iai te rongorongo nakoim. E berita te UEA b'a ane ko na konaa ni kabooa te baeki ni buraawa ae e buubura ke uoua taiani baeki ni b'aare naba aika a buubura nakon te ingabong i aon Taamaria ikai n te boo ae moan te uarereke.”

Iobi 1:11

Ma ngkana Ko anai b'aai ni kabane ngkai mai rouna-ane na taetae n aki akaaka nako Im bon i reben taningam!”

Iobi 1:21

Ao e taku, “I bungiaki ngkoa n akea au b'ai; ao N na manga mate naba ma akea au b'ai. E anganai au b'ai te UEA, ao ngkai E a manga anai. Ke E neboaki arana!”

Iobi 15:13

ma ngaia are ko ekaanako te Atua ma ni kaotinakoi taeka aika buakaka nako Ina?

Iobi 2:5

Ao iangoia b'a aongkoa ko kamaraka rab'atana, ane na taetae n aki akaaka nako Im bon i reben matam!”

Iobi 2:9

Ao e taku buuna, “Ae ko bon teimatoa naba ni kakaonimaki? E aera ngkai ko aki taetae n aki akaaka nakon te Atua, b'a ko bon aoria ni mate?”

Taian Areru 27:14

Ko na kaantaninga te UEA, Ko na korakora ma n ninikoria; Ko na kaantaninga te UEA.

Taian Areru 37:7

Taotaona nanom ao kaantaninga te UEA; Tai kabonoa nanom irouia akana rikirake kab'aiaia, Ke irouia akana kokoro bukin aia iango nako aika bubuaka.

Taian Areru 37:9

A na abana te aba akana onimakina te UEA; ma a na kakioaki nako akana buakaka.

Taian Areru 62:5

Ti te Atua mwiokoni maiu, Ao e tiku au kaantaninga i rouna.

Taeka n Rabakau 19:3

Ti bon uruaki bon i bukin bangab'aira, e ngae ngke ti bukina te UEA.

Itaia 26:3

E anga te rau ae e tamaroa te UEA nakoia aika a matoa aia onimaki.

Itaia 50:10

Bon akea mairoumi ae e karinea te UEA ke n ongotaeka nakon ana tia m'akuri. Ko nakonako n te roo ao tiaki te oota; ko aki onimakina aran te UEA ae Atuam.

Itaia 8:17

Man te tai arei ni karokoa ngkai, ao I bon tiku naba n onimakina te UEA, e ngae ngke e a aki kukurei iroun Iteraera.

Itaia 8:21

A na minomino ni maraki ao a na rangi ni baki n te aro are a na karereantia aia uea ao antiia. Ao ngkana a kataia ni kakaaea buokaia mai karawa

Ieremia 2:25

A a mangaingai ami kauniwae, e a m'autakataka buami man te biriaitua n aki akaaka i bukin taromauriakiia antiia aika ianena. Ao I takaarua ni kaangai, “Katokia!” ma kam kaeka ni kaangai, “Ti aki! Ti rangi n tangiri taian anti aikai.”

B'aeb'aeti 3:37

Bon akea ae kona ni karaoa are e taku ngkana tiaki nanon te Atua.

B'aeb'aeti 3:39

Bukin tera ngkai ti aki toki ni ngurengure ngkana ti oreaki i bukin ara bure?

Etekiera 33:10

E taku te UEA: Etekiera ae natin te aomata, a ngurengure Iteraera b'a a taku b'a e a rangi ni korakora riki katuaeakiia nakon ae a konaa ni kaaitaraa. A akea kaantaningaan te maiu irouia, ao a bukinai iai.

Amota 3:6

Ana kona n aki maaku aomata ngkana e tang te bu ni kaota buakanakin te kawa? Ana kona n roko buaka n orea te kaawa ngkana e aki karokoa te UEA?

Ab'akuka 2:3

Korobokiia b'a a tuai n roko tain taeka aikai, ma ana bon waekoa ni koro nanoia, ao baika I tuangko ana bane ni koro bukiia. E taraa ni kiriaria, ma tataninga b'a ana bon roko baikai, ao ana bon aki taonaki taiia.

Ruka 18:1

Ao E taekina te rongorongo ni kabotau Iesu nakoia ana reirei, ma te kaantaninga b'a a riai n tatataro n taai nako, ao a na aki b'ara nanoia.

2.I-Korinto 2:11

b'a e aonga n aki reke ana tai Tatan ni m'aaka i aora; b'a ti atai aron ana iango nako.

2.I-Korinto 2:7

ma ngaia ae kam bon riai ni kab'ara ana bure ma ni karaua nanona, b'a e kawa teuanne ni b'ara nanona n rawawatana ae bati.

1.Tamuera 31:4

E taku nakon te rorobuaka are e uouota ana b'ainibuaka, “Ewarai n am kabaang, b'a a aonga n aki tiringai kaain Biritia aika akea atuaia aikai b'a a aonga n aki kakatonga iai ma n tiringai.” Ma e rangi ni maaku te rorobuaka arei ni karaoa arei. Ma ngaia are, e bon anaa ana kabaang Tauro ma ni kab'aka i aona i bon i rouna.