2.Uea 6:32 - Te B'aib'ara

³² Ao i mwiin aei, ao e kanakoa temanna te tia uarongorongo nakon Eritai. E boni mena Eritai n ana auti n te tai anne, ao e kabowi ma taani kairiiri aika a kakannato i aon Iteraera. I m'aain rokon ana tia uarongorongo te uea, ao e a kaman tuangiia taani kairiiri Eritai ni kaangai, “E a kanakoa temanna b'a e na korea roroau te tia tiriaomata arei. Kaina te mataroa ngkana kam nooria, b'a e na aki rin. Ane e na bon ri mwiina naba te uea.”

2.Uea 6:32 ပူးပေါင်းရင်းမြစ်များ

1.Uea 14:6

Ma ngke e ongo m'akaikaina Aiia ngke e nakon te mataroa, ao e taku: Rin nako! I bon ataiko b'a buun Ieroboam ngkoe. E aera ngkai ko kataia ni bitiko b'a aongkoa te aomata temanna? Bon iai au rongorongo ae kananokawaki nakoim.

1.Uea 18:4

Bon Ob'aria are e karabaia 100 Ana burabeti te UEA n taian nangananga ni b'a ake uoua ao e kakarekei kanaia ma nimaia ngke e kataia Nei Ietebera n tiringiia. Ao e kanaanako wetean Ob'aria te uea are Aaba

1.Uea 21:10

Ao karekeia uoman aomata aika taani kewe aika a na mena i rarikin Naabota ni kaaitaraa ao a na taetae n tuea b'a e a tia Naabota n taetaebuaka te Atua ao te uea. Ao i mwiina, kaotinakoa Naabota ao karebanaia n taian atiibu ni karokoa matena. Ao e tiainaa n aran Aaba ao e titamb'anna naba n ana titamb'a. Ao e a kanakoa nakoia taani kairiiri n te kaawa.

1.Uea 21:13

Ao a bukinna ni taetaebuaka te Atua ao te uea, ma ngaia are, a uaakinna aomata nako tinaniku ao a karebanaia n atiibu ni karokoa matena.

1.Uea 21:19

Ko na nako n tuangnga au taeka ae e kaangai, “Aaba ko tiringa Naabota ao ko anaa ana b'ai. Ma ngaia are, n te tabo are e neweneweaki iai raraan Naabota irouia kamea, ao e na manga neweneweaki naba iai raraam.” Ao ngke e reke iroun Eria,

2.Uea 5:26

Ao e taku Eritai, “Ko aki ataia b'a e mena tamneiu n te tabo are e ruo iai Naaman man ana kaanibuaka ni butim'aiko? Keati, bon akea kariaiakam b'a ko na butim'aea te m'ane, ke te kunnikai, ma nne n aroka aika oriwa ao nnen arokan te kureebe, ma taian atiibu ke taiani kao, ke taani m'akuri.

2.Uea 6:12

Ao e taku temanna mai buakoia, “Te uea ae ko karineaki. Bon akea mai buakora. Ma bon te Iteraera ae arana Eritai. Bon te burabeti ngaia, ma ngaia are, e konaa n tuanga ana uea b'aai ni kabane, e ngae naba ngkana taian rongorongo aika ko taekin i nanon ae bon oin am ru.”

2.Uea 7:17

E kanakoa ngkoa te mataniwi irouia ana taani kairiiri te uea b'a e na teiakina mataroan te kaawa, ma e mate ngke e toubekaaki irouia aomata ngke a biri n otinako man te kaawa.

Ieremia 11:18

Iai tabem'aang aomata ake a iangoa tiringau. Ti te bo ngai ma te tiibuteteei ae e kairaki nakon te tia tiri tiibu, bon akea te b'ai ae I ataia n aron te babaaire arei.

Ieremia 32:3

E a tia n tua Tetekia b'a N na tauaki ikekei i bukin b'aai ni kabane ake I tuangiia aomata ake E taekin te UEA ae a kaangai: Bon te UEA Ngai, ao N nang katokanikaia uean B'aburon i aon Ierutarem.

Etekiera 14:1

N te bong teuana, a roko tabeman taan kairiiri irou ao n titirakinai i bukin te rongorongo mairoun te UEA.

Etekiera 20:1

Itiua te ririki i mwiin te uea are Ieoiakin ao ti a bane ngaira ni kairaki nako B'aburon b'a taenikai, a roko irou tabeman taani kairiiri mai Iteraera n katebwinan bongin te kanimaua n nam'akaina. A tekateka ao a buubutiai b'a N na kaongoia ana rongorongo te UEA.

Etekiera 33:31

Ma ngaia are, a bane n roko n ongora irou, ma a rawa ni karaoa te b'ai are I tuangiia. A taku b'a a bon kakaonimaki, ma a bon teimatoa ni kataia ni baabakanikawai aia m'ane aomata tabem'aang.

Etekiera 8:1

Onoua te ririki i mwiin rikin Ieoiakin b'a te uea ao nikirara ti a kairaki nako b'a taenikai nakon B'aburon, ao I kaboowi ma taani kairiiri i Iuta n au auti. N kanimauani bongin te kaonoua n nam'akaina, E a manga niniai te UEA ae te Atua,

Ruka 13:32

Ao Ngaia E kangai nako ia, Kam na nako n tuanga te arobeke arei ni kangai, “Noria, I kanakoia taimonio, ao I karaoi m'akuri ni kakamaiu n te bong, aei ao ningabong, ao n te katenibong, N na katia iai au m'akuri.”