2.Uea 6:31 - Te B'aib'ara

³¹ Ao e taku, “I tataro b'a E na katuaaeai te UEA n te aro ae moan te korakora ngkana e bon tiku naba atuun Eritai i aon roroana nakon te ingabong.”

2.Uea 6:31 ပူးပေါင်းရင်းမြစ်များ

2.Tamuera 19:13

Ao tuanga Amatia ni kaangai, “Bon ai natiu ngkoe, ao E na riki te Atua b'a te tia kakoaua b'a I tuea b'a N na karikiko b'a au kam'aanta n onea mwiin Ioaba.”

2.Tamuera 3:35

Ao i mwiina, a uota te am'arake teutana nakon Tawita ao a tuangnga b'a e na reke raun nanona ngkana e am'arake teutana. E tuai ni bong, ao e taku Tawita, “I tuea nakon te Atua b'a N na bon aki tenaa naba teutana te kariki ke te b'ai teuana i m'aain bungin taai!”

2.Tamuera 3:9

I buubutiia te Atua b'a e na buokai ngkana I aki buoka Tawita n anganna te b'ai ae E berita iai te UEA nakoina!

1.Uea 18:17

ao ngke e nooria, ao e takaarua Aaba ni kaangai, “Ai boni ngkoe anne te tia kakiriwe i aon Iteraera. Ko rangi ni buakaka.”

1.Uea 19:2

Ao e kanakoa te reta neierei nakon Eria ae e kaangai, “Ko tiringiia au burabeti. Ao ngkai N nang manga tiringko. Bon au tataro b'a a na katuaaeai anti n te aro ae e rangi ni korakora ngkana I aki tiringko n taina naba aei nakon te ingabong.

1.Uea 2:23

I tuea n aran te UEA b'a e na tiringaki Atoniia i bukina ngkai e buubutii n aron aei. Ao ngkana e aki tiringaki, ao I tataro b'a E na katuaaeai te Atua.

1.Uea 20:10

ao e taku, “N na boni kamaunaa Taamaria ni kabane. E na bon akea nikirana naba teutana are e na konaa n uotaki rikaaki i nanon baiia tautia. Ngkana I aki karaoa aei, ao I tataro b'a e na karekea kaiu te anti n te aro ae moan te kamaamate.”

1.Uea 22:8

Ao e taku Aaba, “Ti konaa naba n titirakina te burabeti are Mikaia are natin Imra, ma I rangi n ribaia b'a e aki toki n tataekin taeka aika a aki kakukurei nako iu.” Ao e taku Iotiab'ata, “Ko na aki taetae ni kaanganne.”

2.Uea 5:20

ao e taku i bon i rouna Keati, “E a tia au toka ni kanakoa Naaman ao n aki anaa te b'ai teuana mai rouna! E na riai ni butim'aea ana b'aintangira te I-Turia arei ma e aki. I tuea n aran te UEA b'a N na nakon Naaman, ao N na anai b'aai tabeua mai rouna.

Taeka n Rabakau 16:14

E konaa n tiringko te tia tautaeka ae e unun. Ma ngaia ae kam na kawanawanai ngkami. Kam na aki kauna temanna.

Ieremia 38:4

Ma ngaia are, a m'ananga ni kawara te uea naake aman akekei ao a taku, “E na riai ni tiringaki Ieremia b'a e kab'arai nanoia tautian te kaawa aei ma aomata ni kabane, e kataia ni kakiriwei nanoia aomata.”

Ioane 11:50

Kam aki iango b'a e tamaroa riki i bukimi b'a e na iai temanna ae na mate i bukiia aomata, nakon ae e na bane ni mate te botannaomata aei?”

Ruuta 1:17

ike ko mate iai N na mate naba iai, ao I a taunaki naba iai. Ao ke E kamatoa aei te UEA: b'a ti te mate ae na karaureira.”

1.Tamuera 14:44

“Eng Ionatan, I tuea nakon te Atua b'a ko riai ni mate.”

1.Tamuera 25:22

Tera ngkana e oreai n tiringai te Atua ngkana I aki tiringiia ni kabane aomata aikai nakon te ingabong!”

1.Tamuera 3:17

Ao e taku Eri, “Tera ae taekinna te UEA nako im? Tuangai b'aai ni kabane. N na butiia te Atua b'a E na katuaaeko n te aro ae moan te kangaanga ngkana ko aki tuangai Ana taeka ni kabane ake taekin!”