2.Uea 6:26 - Te B'aib'ara

²⁶ N te bong teuana, ngke e tabe n nakonako uean Iteraera i aon oon te kaawa, ao e takaarua te aine temanna nako ina ni kaangai, “Taiaoka, te uea ae ko karineaki. Buokai!”

2.Uea 6:26 ပူးပေါင်းရင်းမြစ်များ

Karikani B'aai 41:55

Ngkana a taonaki kaain Aikubita n te baki, ao a tang nakon te uea, ao te uea e tuangiia b'a a na kawara Ioteb'a ma ni karaoa te b'ai are e tuangiia.

2.Tamuera 14:4

Ao e m'ananga ainen Tekoa arei nakon Tawita. E bobaraaki ni karinanoa ao e taku, “Te uea ae ko karineaki, taiaoka b'a ko na buokai!”

2.Uea 6:25

Ao a reitanako buakanakina ni karokoa ae e a bon akea te am'arake i nanon te kaawa are e buubura arei. I bukin akean te am'arake, ao e a kabooaki atuun te aati n teuana te kirokuraem te tirewa, ao teuana te boora ae uarereke nakotarin te bitin n nimaua te m'akoro n tirewa.

2.Uea 6:27

Ao e taku te uea, “Ke E buokiko te UEA. Tao ko taku ngkai b'a iai au uita ke au wain ae N na konaa n anganiko?

Itaia 10:3

Ma tera ae kam nang karaoia ngkana kam buakanaki man katuaaeaki irouia ianena? Kam na biri ni kakaaea buokami ia? Kam na karabai ami b'ai aika a kakaawaki ia?

Ruka 18:3

Ao iai temanna te aine ae e mate buuna n te kawa arei, ae e aki toki n roroko iroun te tia moti, ni bubuti buokana, ni kangai, ‘Buokai mairoun au kairiribai!’

M'akuri 21:28

Ao a takarua ni kaangai, “Mm'aane aika Iteraera, buokira! Aio te aomata are reireiia aomata n taabo nako b'a a na ekianako ara aomata aika Iteraera, ma te Tua, ma te tabo aei; ao e kairiia naba I-Erene ni kariniia n te Tembora, ao e kam'araea te tabo ae tabu aei!”