2.Uea 6:25 - Te B'aib'ara

²⁵ Ao a reitanako buakanakina ni karokoa ae e a bon akea te am'arake i nanon te kaawa are e buubura arei. I bukin akean te am'arake, ao e a kabooaki atuun te aati n teuana te kirokuraem te tirewa, ao teuana te boora ae uarereke nakotarin te bitin n nimaua te m'akoro n tirewa.

2.Uea 6:25 ပူးပေါင်းရင်းမြစ်များ

Karikani B'aai 41:55

Ngkana a taonaki kaain Aikubita n te baki, ao a tang nakon te uea, ao te uea e tuangiia b'a a na kawara Ioteb'a ma ni karaoa te b'ai are e tuangiia.

1.Uea 18:2

Ao E taku te UEA nakon Eria, “Naako kawara te uea are Aaba b'a N nang kab'aka te karau n te tai ae e aki maan.” Ma ngaia are, e a nako Eria ni kawara Aaba.

2.Uea 6:26

N te bong teuana, ngke e tabe n nakonako uean Iteraera i aon oon te kaawa, ao e takaarua te aine temanna nako ina ni kaangai, “Taiaoka, te uea ae ko karineaki. Buokai!”

2.Uea 7:12

Ao e teirake te uea mai aon ana kainiwene, ao e taku nakoia ana aobitia, “I ataa te b'ai ae a kataia ni karaoia kaain Turia aikai. A bon ataia ae ti a rangi ni baki, ao ngaia ane a karabaia i nanon te tawaana b'a a kaantaningaia b'a ti na otinako ni kakaaei karara. B'a ngkana ti karaoa anne, ao ane a na tauira man taua naba ara kaawa.”

2.Uea 7:4

Bon akea te am'arake ae e na reke i nanon te kaawa, ao ti na boni mate ni baki ngkana ti rin nako. Ae ti na boni mate naba ngkana ti tiku i tinaniku ikai. Ti a nako nakon aia kaemb'a aia taanga ni buaka kaain Turia, ma n anga ngaira nakoia. Ane a na tiringiira, ke a na aki.”

Ieremia 14:18

I noora rab'ataia aika a mate n te buaka i nanon taian tawaana. Ao I nooria aika a mate ni baki i nanon taiani kaawa, ma a bon waaki aia m'akuri taian burabeti ma ibonga, n aki ataa te b'ai ae e a tia n riki.”

Ieremia 32:24

E a buakanaki ngkai Ierutarem, ao ti a kainano ni baki ma n aoraki. A a tia kaain Aikubita ni katei b'ain ninian oon ara kaawa, ao Ko konaa n nooria b'a E nang tauaki Ierutarem n aron are Ko a tia n taekinna.

Ieremia 52:6

N te karuaiwa ni bongin te kaaua n nam'akaina n te ririki naba anne, ngke e a roko ni korakorana te rongo ao akea kanaia aomata,

Etekiera 4:17

A na bane n tiaoki aomata nako n te b'ai ae e riki, ao i bukin aia bure, ao a na aiinako ni karokoa mateia.”

Nakoaia Ibonga 26:26

E na aki bati kanami, n te aro ae tengaun aine a na kam'ai kanaia n ti teuana te ainumuum. Ngkami n tatabemaningkami nako a na tii reke kanami taamruru, ao ane kam na baki.