2.Uea 6:24 - Te B'aib'ara

²⁴ Tabeua te tai rimwi riki, ao e a manga botiia ana taanga ni buaka ni kabane uean Turia are Benatata, ao i mwiina, a m'aati nako Taamaria ni buakanna.

2.Uea 6:24 ပူးပေါင်းရင်းမြစ်များ

1.Uea 20:1

Ao e bootia ana taanga ni buaka Benatata. Ao e raonaki irouia 32 riki taiani uea ni ikotaki ma aia aoti ao aia kaanibuaka, ao a kaai ni m'aati nako Taamaria ma ni buakanna.

1.Uea 22:31

E a tia uean Tiiria n tuangiia 32 mataniwiia ana taan buaka n taian kaanibuaka b'a ana tii buakana Aaba.

2.Uea 17:5

E teirake n eekaanako Iteraera Tiaremanetera, ao e buakana Taamaria i nanon tenua te ririki,

2.Uea 18:9

I nanon ana kaaua n ririki n tautaeka Etekia, are bon ana kaitiua n ririki Otea n tautaeka i aon Iteraera, ao e a kam'anangaa ana taanga ni buaka Tiaremanetera are uean Aturia nako Taamaria, are kaawan te tautaeka i Iteraera. A buakanna

2.Uea 25:1

N ana karuaiwa n ririki n uea Tetekia, ni katebwinan bongin te katebwina n nam'akaina, ao e kam'anangaa ana taanga ni buaka ni kabane uean B'aburon are Nebukaneta ni buakana Ierutarem. A katea aia kaemb'a tautia i tinanikun te kaawa are e buubura arei ao a karaoi taian taua ni karietaatai ni karokoi n rietan oon te kaawa.

2.Uea 6:8

E aki toki ni kakabowi uean Turia ma ana mataniwi, ngke a boboo ni buaka uean Turia ma Iteraera, ao a kakatanoata ni kaangai, “I a tia ni baairea te tabo are ti na kaemb'a iai.”

2.Uea 7:4

Bon akea te am'arake ae e na reke i nanon te kaawa, ao ti na boni mate ni baki ngkana ti rin nako. Ae ti na boni mate naba ngkana ti tiku i tinaniku ikai. Ti a nako nakon aia kaemb'a aia taanga ni buaka kaain Turia, ma n anga ngaira nakoia. Ane a na tiringiira, ke a na aki.”

2.Uea 8:7

Tabeua te tai i mwiina, ao e a m'ananga Eritai nakon kaawan te tautaeka are Tamateko b'a e na kawara uean Turia are Benatata, are e wene n aoraki. Ao ngke e tuangaki Benatata b'a e a roko ikekei Eritai,

Te Minita 9:14

E riki aei ngke e katobibia ma ni buakana te kaawa ae e uarereke te tia tautaeka ae e korakora, ike a maeka iai ti tabeman aomata. A tauraoi aia tautia kairiribai n urua oon te kaawa man rin nako.

Amota 1:4

Ma ngaia ae N na kab'aka te ai i aon te bareti are e kateaki iroun te Uea are Ataera, ao N na kabuokii nonon te Uea are Ben-atata.

Te Tua-Kaua 28:52

Ami kairiribai ane a na buakan kaawan nako te aba are E a tia n anganingkami te UEA ae Atuami. Ane kam na taku b'a kam mano raoi n oon ami kaawa, ma ane a na uruaki naba irouia ami kairiribai,