2.Uea 6:17 - Te B'aib'ara

¹⁷ Ao i mwiina, e tataro ni kaangai, “Te UEA, buokia ni kanorabaa.” Ao E kanorabaa te tia m'akuri arei te UEA, ao e nooria b'a e onrake aon te maunga n aoti aika tenaan ai, ao kaanibuaka aika a ura ni katobibia Eritai.

2.Uea 6:17 ပူးပေါင်းရင်းမြစ်များ

Karikani B'aai 21:19

Ao e kaureaki matana iroun te Atua, ao e noora te m'anib'a. Ao e nako ni kanoa ana kun ni man are nnen te ran, ao e anga teutana nakon natina te mm'aane arei.

Karikani B'aai 32:1

Ao ngke e tabe ni waaki Iakob'a i aon kawaina, ao e kaaitibo ma taian anera tabeman.

Karikani B'aai 32:2

Ao ngke e nooriia, ao e taku, “Bon aio ana maeka te Atua.” Ma ngaia are, e arana te tabo arei b'a Maanaim.

Karikani B'aai 32:3

Ao e kanakoa ana tia uarongorongo Iakob'a ri moana nakon tarina are Etau n te aba are Etom.

2.Uea 2:11

Ao a tabe ni m'ananga ma n taetae nikawai ngke e a ti rina naba ni kaoti i marenaia te kaanibuaka ae e ura ae e katikitikaki irouia aoti aika a ura rab'ataia. Ao n te tai naba arei, ao e a roko te ang ae e korakora ni uotaarake rab'atan Eria nako karawa.

Taian Areru 104:3

Ko katea mwengam i aon raan ake i etani karawa. Ko kabonganai naang b'a am kaanibuaka, Ao Ko m'am'ananga ni bain te ang.

Taian Areru 104:4

Ko kabonganai aang b'a taan ua-rongorongo i bukim; Ao kiakianakon ootan te iti b'a am Tia m'akuri.

Taian Areru 119:18

Kaure matau, b'a I aonga n taratarai koaua aika kamimii akana i nanon am Tua.

Taian Areru 125:2

Aroni maunga ngkai a otab'aninia Ierutarem, ao ai aron naba te UEA n otab'aninia ana aomata, ngkai ao n aki toki.

Taian Areru 34:7

A kakawakinaki akana karinea te UEA iroun ana anera, Ao e kamaiuia man taiani kaangaanga.

Taian Areru 68:17

E roko mai Tinai te Uea ma ana ka ni buaka aika m'aiti kurikuri aika katikitikaki irouia aoti, Ao E rin nako nanon te tabo are tabu.

Taian Areru 91:11

E na mwiokoia ana anera te Atua b'a a na tararuaiko ni kawakiniko n taabo ake ko na nako iai.

Taian Areru 91:15

Ngkana a weteai, ao N na kaekaia; ngkana a kai nanoia, ao N na mena irouia. N na kamaiuia ma ni kakab'aiaia.

Itaia 42:7

Kam na anga te noraaba nakoia aika a matakii; kam na kainaomataia buure man taian karabuuti aika a roo.

Taniera 10:7

Ao bon tii ngai n noora te kaotioti arei. Akea te b'ai ae a nooria aomata ake raou n te tai arei, ma a maaku ao a birinako ni karabaia.

Tekaria 1:8

ao E taetae te UEA nako iu n te mii n te tairiki teuana: n te m'arua teuana ae e mena i buakon taian aroka aika motere. I a noora temanna te m'aane ae e toka i aon te aoti ae e uraura, ma taan toka i aoia aoti i akuuna aika a toka i aon taian aoti aika a uraura, buraun ao aika a mainaina.

Warekaia Iteraera 22:31

Ao e rina ni kaureaki matan B'araam iroun te UEA b'a e na noora te anera ae e tei n te kawai, ae taua te kabaang, ao e bobaraaki B'araam.

Mataio 26:53

Ko taku b'a I aki kona ni butiia Tamau, ao E a kanakomaia ngkai naba taanga n anera aika raka m'aitiia i aon tengauni ma ua taanga?

M'akuri 26:18

b'a ko na kaure mataia, b'a a na rairaki man te roo nakon te oota, ao mani m'aakan Tatan nakon te Atua, b'a e aonga n reke i rouia kab'aran aia bure ao neia i buakoia aomata ake a kaitiakaki n onimakinau.

I-Ebeto 1:18

ngkai a kaotaki matan nanomi b'a kam aonga n ataia b'a tera te kaantaninga n ana weewete, tera te kab'aia ae bati ae kamimii arona, are E na anganiia ake a itiaki;

Ebera 1:14

Tiaki bon tamnei ni kabaneia anera, aika taani m'akuri aika kanakoaki b'a a na buokiia te koraki akana nang karekea te kamaiuaki?

Te Kaotioti 19:11

Ao I nora karawa b'a e uki; ao noria, te aoti ae mainaina! Ao aran teuare toka i aona boni Kakaonimaki ao Koaua; E aki ribuaka n ana moti, ao E aki naba ngkana E buaka.

Te Kaotioti 19:14

Ao a iria n ri mwina taanga ni buaka ake i karawa i aoia aoti aika mainaina, ao a kunnikaiaki n te rinen ae e raoiroi ae mainaina ae itiaki.

Te Kaotioti 3:7

“Ao ko na koroboki nakon ana anera te ekaretia i Biraterebia ni kaangai: “E kaangai Teuare tabu, are kakaonimaki, are iai i rouna ana king Tawita, are ngkana E kauka te mataroa ao akea ae kona ni kainna, ao ngkana E kainna ao akea ae kona ni kaukia.