2.Uea 6:14 - Te B'aib'ara

¹⁴ Ao e kanakoia ana taanga ni buaka te uea aika a bane aroia nako ikekei ma taian aoti ao kaanibuaka. A m'ananga ngke e bong ao a otab'aninia te kaawa arei.

2.Uea 6:14 ပူးပေါင်းရင်းမြစ်များ

2.Uea 18:17

Ao e tuangiia ana aobitia aika a rietaata n te taanga ni buaka uean Aturia b'a a na kiitana Rakiti man kaira te taanga ni buaka nako Ierutarem. Ao ngke e roko, ao a tei taian aobitia i nanon te kawai i rarikin ana titoa te tia karao kunnikai are e tei i etan te kanare are e nako man te nei n tebotebo are i eta.

2.Uea 6:13

Ao e kanakoa ana taeka te uea ae e kaangai, “Kakaaea b'a e mena ia, b'a N na kanakoia tautia b'a a na kairiia n nakomai.” Ao a ataia b'a e mena Eritai n te kaawa are Totan ao a tuanga te uea.

2.Uea 6:15

Ngke e uti ana tia m'akuri Eritai n te ingabong are i mwiina, ao e nooria b'a a otab'aniniaki aia kaawa irouia tautian Turia, ao e taku, “Teuae ko karineaki, tera ngkai ae ti nang karaoia?”

Mataio 26:47

Ngke E tabe n taetae Iesu, ao e roko Iuta, are temanna i buakoia uake tengauni ma uoman. E airi ma te koraki ae bati ake a uoti kabaang ma kaai n oro. A kam'anangaaki irouia ibonga ake mataniwi ma unimm'aane.

Mataio 26:55

Ao n te aoa naba arei, ao E taku Iesu nakoia aomata, “Kam nako mai ma kabaang ma kaai n oro, b'a kam na tauai n aron te tia kam'arua? I katoa bong n tekateka ao n reirei n te um'antabu, ao kam aki tauai.

Ruka 21:20

Ma ngaia ae ngkana kam nora Ierutarem b'a e otab'aniniaki irouia taanga ni buaka, ao kam na ataia ngkanne b'a e a kaan uruana.

1.Tamuera 23:26

Ao a mena Tauro ma ana rorobuaka n iteran te tabuki are teuana, ao Tawita ma ana rorobuaka n iterana are teuana. A kawaekoaia ni biri nako mairoun Tauro Tawita ma ana rorobuaka, ake a bon rangi ni kaan i rarikiia ao a kaan reke irouia.

1.Tamuera 24:2

Ma ngaia are, e kairiia ana tautia aika 3,000 aika a bane aroia i aon Iteraera ao a nako ni kakaaea Tawita ma ana rorobuaka i mainikun te tabo ae B'aan Kooti Aika A Aki Manana.