2.Uea 6:12 - Te B'aib'ara

¹² Ao e taku temanna mai buakoia, “Te uea ae ko karineaki. Bon akea mai buakora. Ma bon te Iteraera ae arana Eritai. Bon te burabeti ngaia, ma ngaia are, e konaa n tuanga ana uea b'aai ni kabane, e ngae naba ngkana taian rongorongo aika ko taekin i nanon ae bon oin am ru.”

2.Uea 6:12 ပူးပေါင်းရင်းမြစ်များ

2.Uea 5:26

Ao e taku Eritai, “Ko aki ataia b'a e mena tamneiu n te tabo are e ruo iai Naaman man ana kaanibuaka ni butim'aiko? Keati, bon akea kariaiakam b'a ko na butim'aea te m'ane, ke te kunnikai, ma nne n aroka aika oriwa ao nnen arokan te kureebe, ma taian atiibu ke taiani kao, ke taani m'akuri.

2.Uea 5:3

Tabeua te tai i mwiina, ao e taku te ataei n aine arei, “Ngkana e nako buum are Naaman nakon te burabeti i Taamaria, ao e na boni kamaiuaki man aorakina te reebera.”

2.Uea 5:8

Ao ni bon te tai naba are e ongo iai Eritai are te burabeti te b'ai are e riki, ao e kanakoa te rongorongo nakon uean Iteraera ae e kaangai, E aera ngkai ko rangi ni maaku? Kanakomaia te m'aane anne b'a e aonga n ataia ae iai te burabeti i aon Iteraera.”

2.Uea 6:11

Ao e rangi ni un uean Turia ngke e a ataia b'a tera ngkai ae e riki. E weteia ana aobitia ao e titirakiniia ni kaangai, “Antai mai buakomi ae e tuanga uean Iteraera ara babaaire?”

2.Uea 6:13

Ao e kanakoa ana taeka te uea ae e kaangai, “Kakaaea b'a e mena ia, b'a N na kanakoia tautia b'a a na kairiia n nakomai.” Ao a ataia b'a e mena Eritai n te kaawa are Totan ao a tuanga te uea.

Te Otinako 8:3

Ko na kauringa naba te uea b'a e na onrake te Naire n taiani biraoki, ao mai ikanne are a na kaona naba ana bareti te uea, n reitaki ma ana ru ni matu te uea ao bon aon naba ana kainiwene. A na rin taian biraoki i nanon aia auti ana aobitia nako ao a na roko naba n taian ai n umum ao nako nanon taiani boora ni kabo buraawa.

Taeka n Rabakau 21:30

Kam bon aki konaa ni konaa te UEA e ngae ngkana e m'aiti ami atatai ke tera ami kawai.

Te Minita 10:20

Ko na tai iaiangoa naba kamaraiaan te uea; ao tai kamaraiaa te aomata ae e kaub'ai, ko na aki naba n te aro ni karaba. B'a ane e na ongo te mannikiba ae e uarereke ao e na taekin b'aai ni kabane.

Itaia 29:15

ko a bon reke n te kaangaanga, ngkana ko kataia ni karabai am babaaire mai roun te UEA! Ke ngkana ko taku b'a a na aki konaa n nooraki baika ko karaoi n te roo.

Itaia 8:10

Ikotingkami ao karaoi ami babaaire nako, ane kam na konaaki b'a e mena iroura te Atua.

Taniera 2:47

E taku te uea, “Bon te kabanea ni korakora Atuam i aoia atua ni kabane, ao te UEA i aoia uea, ao boni Ngaia ae E kaoti taiani kaotioti. I ataa aei i bukina ngke ko kona ni kab'ara nanon te kaotioti aei.”

Amota 3:7

E na bon aki karaoa te b'ai teuana te Uea ae te UEA ngkana e tuai kaota moa nanona ae e raba nakoia ana toro aika burabeti.