2.Uea 6:10 - Te B'aib'ara

¹⁰ Ma ngaia are, e tuangiia tautian Iteraera ake a mena n te tabo arei te uea b'a a na b'aab'aina te tatauraoi.

2.Uea 6:10 ပူးပေါင်းရင်းမြစ်များ

1.Uea 20:15

Ma ngaia are, e a bootia 232 tautia aika rorobuaka ao 7,000 tautian Iteraera te uea are Aaba, ao e katauraoia nakon buakanakin Turia.

2.Uea 13:14

Tabeua te tai i m'aain maten te uea are Ieoati, ao e a rangi n aoraki te burabeti are Eritai, ao e a kaani mate. Ao e rin Ieoati ma n tei i rarikina ao e tang. Ao e taku, Au toka, tera ngkai ae a nang konaa ni karaoia ana kaanibuaka Iteraera ana taan toka i aoia aoti ngkana ai akea ngkoe?

2.Uea 2:12

Ao e noora te b'ai ae e riki Eritai ao e takaarua ni kaangai, “E a uotaki nako au mataniwi iroun ana tia buaka Iteraera i aon te kaanibuaka ae e katikaki irouia aoti.” Ao ngke e a nako Eria, ao e raeuaaka kunnikaina Eritai i bukin rawawatan nanona.

2.Uea 5:14

Ao e ruorikaaki Naaman nako nanon Ioretan; e nakonako i nanon te ran, ao i mwiina e teboo itiua te tai n aron are e tuangnga Eritai. Ao e toki aorakina ni bon te tai naba arei, ao e tamaroa kunna n aron kunin te ataei.

2.Uea 6:11

Ao e rangi ni un uean Turia ngke e a ataia b'a tera ngkai ae e riki. E weteia ana aobitia ao e titirakiniia ni kaangai, “Antai mai buakomi ae e tuanga uean Iteraera ara babaaire?”

2.Uea 6:9

E katoa tai Eritai ni kaakanakoa ana kauring nakon uean Iteraera ni kaangai, “Kam na aki ri rarikin te tabo arei. Ane a tia ni katea aia kaemb'a tautian Turia iai.”

2.Rongorongo 20:20

N te moan ingabong are i mwiina, ngke a katauraoi aomata nako b'a a na nakon te rereua are i rarikin Tekoa, ao e teirake Ieotiab'ata ao e taku, “Kam na ongora raoraou nako, ngkana ti kakoauaa te UEA ae te Atua ma n onimakinna ni b'aai ni kabane aika a taekin taian burabeti aikai nakoira, ao E na buokira te UEA, ao ti na bon tokanikai.”

Taeka n Rabakau 27:12

B'aina te tatauraoi ao karabako ngkana ko noora te kangaanga tai burababa ni m'ananga ni kakioa buakon te kangaanga.

Ieremia 11:18

Iai tabem'aang aomata ake a iangoa tiringau. Ti te bo ngai ma te tiibuteteei ae e kairaki nakon te tia tiri tiibu, bon akea te b'ai ae I ataia n aron te babaaire arei.

Mataio 2:12

Ao a okira abaia n te kawai teaina, i bukina ngke a tia n tuangaki n te mii iroun te Atua b'a a na aki okira Erote.

Mataio 3:7

Ngke e noriia B'aritaio ma Tarukaio aika bati Ioane b'a a roko b'a a na b'abetitoaki, ao e taku nako ia, “Ngkami aika buniia naeta, antai ae tuangngkami b'a kam na biri nako man te un are a kan roko?

M'akuri 27:24

ao e kaangai, “B'auro, tai maku, e riai b'a ko na tei i matani kautun te tautaeka n Rom; ao noria, i bukin ana akoi te Atua nako im, ao a kamaiuaki iai aomata ni kabaneia ake a borau ma ngkoe.”

Ebera 11:7

I bukin ana onimaki Nooa, ao e ongo ana taeka ni katauraoi te Atua i bukini baika na riki rimwi aika aki konaki n noraki. E ongeaba nakon te Atua ao e kabaa te kaibuke are e a kamaiuaki iai ma ana utu. Ao i bukin aei a motikaki iai taekaia kaain aon te aba ni kabuakakaki, ao Nooa e riki b'a te tia b'aib'ai n te raoiroi are reke n te onimaki.