2.Uea 5:20 - Te B'aib'ara

²⁰ ao e taku i bon i rouna Keati, “E a tia au toka ni kanakoa Naaman ao n aki anaa te b'ai teuana mai rouna! E na riai ni butim'aea ana b'aintangira te I-Turia arei ma e aki. I tuea n aran te UEA b'a N na nakon Naaman, ao N na anai b'aai tabeua mai rouna.

2.Uea 5:20 ပူးပေါင်းရင်းမြစ်များ

1.Uea 17:1

Eria bon te burabeti mai Titibe i Kireata. Ao e nakon Aaba n te bong teuana ao e taku, Bon ana Toro te UEA ae E maiu, ae Atuan Iteraera ngai. Ao I tuea n arana b'a e na bon aki b'aka te karau ni karokoa te tai are I a manga taetae iai b'a e na b'aka. Ao a na bon akea naba te aoi ae e na ruo nako aon te tano.

2.Uea 13:19

Ao e un Eritai iroun te uea ao e taku, Ngke tao ko orea aontano nimaua ke onoua te tai, ao ko na boni kamaunanakoia kaain Turia. Ma ngkai, ko na ti kataenikaiia ti tenua te tai.

2.Uea 4:12

Ao e taku nakon ana toro ae Keati, E rangi ni buobuoki te aine aei. Katam'arakea n nakomai nako taubukin te auti i nanon tabeua te tai.

2.Uea 4:25

Ao e kawaekoa ni m'ananga nakon te Maunga are Karemera b'a e na maroroo ma Eritai. Ao ngke e nooria Eritai b'a e a roko ao e taku, “Keati! nooria, kai ainen Tunem!

2.Uea 4:31

E kawaekoa Keati ni biri rimoana ao e kawenea okon Eritai i aoni matan te ataei ni maanee arei, ma e bon aki roko n te kakam'akuri ke ni karongoa te ataei ni m'aane arei. Ao e biri rikaaki Keati ao e taku nakon Eritai, “E aki uti te ataei ni maanee.”

2.Uea 4:36

E wetea Keati Eritai ao e taku nako ina, Kanakomaia tinan te ataei ni m'aane. Ao e karaoa arei Keati, ao ngke e a roko neierei i matan te mataroa ao e taku Eritai nako ina, “Ko a konaa n anaa natim.”

2.Uea 5:16

Ao e taku Eritai nakon ana tia m'akuri, “I tuea b'a N na bon aki anaa te b'aintangira teuana mairoum.” E teimatoa Naaman ni bubuti ma e bon rawa Eritai.

2.Uea 5:21

Ao e kawaekoaa n ri mwiin Naaman. Ao ngke e a noora Keati Naaman ni biri ri mwiina, ao e otinako man ana kaanibuaka ni kawaria. Ao e taku Naaman, “Iai te b'ai ae e riki?”

2.Uea 6:31

Ao e taku, “I tataro b'a E na katuaaeai te UEA n te aro ae moan te korakora ngkana e bon tiku naba atuun Eritai i aon roroana nakon te ingabong.”

2.Uea 8:4

Bon i nanon te tai naba arei, ao e a titirakinaki Keati are ana tia m'akuri Eritai iroun te uea i bukin b'aai aika a kamimii ake e a tia ni karaoi Keati.

2.Uea 8:7

Tabeua te tai i mwiina, ao e a m'ananga Eritai nakon kaawan te tautaeka are Tamateko b'a e na kawara uean Turia are Benatata, are e wene n aoraki. Ao ngke e tuangaki Benatata b'a e a roko ikekei Eritai,

Taian Areru 10:3

E kainikatonga te aomata ae buakaka n ana iango aika bubuaka; Ao te aomata ae kani b'aib'ai e karereantia te Atua.

Te Otinako 20:17

Tai mataiakina ana auti te aomata temanna, ke n tataana buuna, ke ni mataiakina ana toro, ana tiibu, ana aati, ke ana b'ai ni kabane.”

Te Otinako 20:7

“Kam na tai kabongana arau i bukin m'akuri aika buakaka, b'a bon te UEA Ngai ae Atuami ae katuaaia akana a aki kabongana arau n te aro ae eti. Bon te UEA Ngai ae Atuami, ao N na bon katuaaea ane e kamanenaa arau n aki akaaka.

Taeka n Rabakau 26:16

E taku ana taeka te aomata ae e taningaroti, “I wanawana riki nakoia aomata ni kabane.”

Itaia 48:1

Kaain Iteraera kam nako mai roun ana utu Iakob'a ao barongan Iuta. Kam taekinna b'a kam taromauriia, te UEA ae Atuan Iteraera, ma kam kewe.

Ieremia 22:17

Ma ti te b'ai ae ko rangi n iaiangoia bon aron te kewe ke te kabuakaka ke tiringaia tabem'aang aika akea aia bure.

Ab'akuka 2:9

Ko na b'aka. Ko kab'aib'aia am utu man baika ko karekei n te iowawa. Ko a tia ni kataia ni kamanoa man te kabuanib'ai, ao te kangaanga.

Mataio 10:4

ao Timon are te Kananaian, ao Iuta are aranaki b'a Itekariota, are kam'anea Iesu.

Mataio 26:9

B'a te kabira aei, e kona ni kabooaki nako n teboo ae m'aiti, ao a anganaki akana aki kaub'ai.”

Ruka 12:15

Ao E a manga taku riki nako ia, “Tarataraingkami! ao kawakiningkami man te mataai ni kanib'aib'ai ni kabane; b'a maiun te aomata, e aki mena n ana b'ai, e ngae ngkana a reke i rouna ni m'aiti.”

Ruka 16:8

Ao te mataniwi, e kamoamoa te manatia are e aki b'aina te eti i bukin iangoraoina; b'a a wanawana riki natin te aonnaba aei n aroia n reitaki ma aia roro nakoia natin te oota.

Ioane 13:2

Ao ngke a am'arake, ngke e a tia te riaboro ni karina te iango i nanon Iuta, are natin Timon Itekariota, b'a e na kam'anea Iesu,

Ioane 6:70

E kaeka Iesu ao E taku, “Tiaki I rineingkami ngkami aika tengauni ma uoman, ao bon iai te riaboro temanna i buakomi!”

M'akuri 5:2

ao mani booia are reke, e taua teutana mai iai Anania, ao buna e ataia naba, ao e uota nikirana nakoia taan tuatua b'a a na kawakinna.

2.Timoteo 4:10

B'a e kitanai Tema, i bukin tangirani b'ain te maiu aei, ao e nako Tetaronike; ao Kiretike e nako Karatia, ao Tito e nako Tarematia.

Tito 1:7

B'a te mataniwi n te ekaretia, ngkai ana touati te Atua ngaia, ao e riai n akea kabuakakaana. E na tai b'ab'aotiniia aomata, e na tai kakai un, e na tai mamanging, e na tai kakai oro, ao e na tai kani b'aib'ai n te aro ae aki riai;

1.Betero 5:2

kam na tararua raoi ana nanai te Atua ma ni kawakinna raoi, tiaki n te aro ae kam kairoroaki iai; ma kam na kawakinna ma te nano ni kukurei n ai aron nanon te Atua. ao kam na kawakinna naba, tiaki i bukin te kanib'aib'ai n te aro ae aki riai, ma i bukina b'a bon iai nanomi ae korakora nako iai;

1.Tamuera 14:39

I berita i matan te UEA ae maiu b'a ane karaoa te bure, e na tiringaki, e aoria naba ngkana bon natiu are Ionatan.” Ao akea ae kakarongoa.