2.Uea 5:17 - Te B'aib'ara

¹⁷ Ao n tokina e a taku Naaman, “Ngkana ko aki butim'aai b'aintangira, ao I butiiko b'a ko na kariaiakai b'a N na kaona tewaana te kaa ae e konaa ni katikitikaki irouia uoman aati n te tano. Teuae ko karineaki! man te tai aei ao N nang angaanga karea nakon te UEA.”

2.Uea 5:17 ပူးပေါင်းရင်းမြစ်များ

2.Uea 5:12

Bon ti te bo ngke I a bon tebotebo naba ni karaangan Tamateko ake Abana ao Baba, b'a a bon itiaki naba n aron ranin karaangan nako Iteraera, ao e na toki aorakiu.”

2.Uea 5:18

I tataro b'a e na kab'arai au bure te UEA ngkana I nako n rin n ana tembora te anti are Rimmon ma ni bobaraaki nako ina ikekei ma uean Turia.

Te Otinako 20:24

Kam na karaoa te baonikarea man te tano i buku, ao kam na kabuoka i aona te karea ae ami tiibu, ao ami kao b'a ami karea ae na kabuokaki ni kabane b'a taiani karea n raoi. N na bon kawaringkami ni kakab'aiaingkami n taabo ni kabane ake I a tia ni katabui b'a ami tabo n taromauri.

M'akuri 26:18

b'a ko na kaure mataia, b'a a na rairaki man te roo nakon te oota, ao mani m'aakan Tatan nakon te Atua, b'a e aonga n reke i rouia kab'aran aia bure ao neia i buakoia aomata ake a kaitiakaki n onimakinau.

I-Rom 14:1

Kam na m'anea n akoa te aomata ae mamara n ana onimaki, ma tai kauntaeka ma ngaia i bukin tein aron ana iango.

1.I-Tetaronike 1:9

A bane aomata n taekina aron rinra i buakomi, ma aromi ngke kam rairaki mani bouannanti nakon te Atua, n toro iroun te Atua ae maiu ae koaua,

1.Betero 4:3

Kam riai n aki manga karaoi baika kam karaoi ngkoa ngke kam iri nanoia aomata ake tiaki Kristian, ni maiu ni kaitataan ma ni kaib'ab'aru, ma ni manging, ma ni bobotaki ni manging ni kukurei ni kammaira, ma n iri taromauriani bouananti aika taromauri aika bati n ribaki.