2.Uea 5:16 - Te B'aib'ara

¹⁶ Ao e taku Eritai nakon ana tia m'akuri, “I tuea b'a N na bon aki anaa te b'aintangira teuana mairoum.” E teimatoa Naaman ni bubuti ma e bon rawa Eritai.

2.Uea 5:16 ပူးပေါင်းရင်းမြစ်များ

1.Uea 13:8

Ao e taku, “N na bon aki iriko, e ngae ngke ko na anganai iterani abanueam. N na bon aki katoonga naba te am'arake ke te mooi naba n te tabo aei.

1.Uea 17:1

Eria bon te burabeti mai Titibe i Kireata. Ao e nakon Aaba n te bong teuana ao e taku, Bon ana Toro te UEA ae E maiu, ae Atuan Iteraera ngai. Ao I tuea n arana b'a e na bon aki b'aka te karau ni karokoa te tai are I a manga taetae iai b'a e na b'aka. Ao a na bon akea naba te aoi ae e na ruo nako aon te tano.

1.Uea 18:15

E taku Eria, “Boni ngai ana toro te UEA ae E maiu ae Moan te M'aaka, ao I berita n arana b'a N na kaitibo ma Aaba n te bong aei.”

2.Uea 3:14

Ao e taku Eritai nako ina, Bon ana tia m'akuri te UEA ae m'aaka ae e maiu ngai. I tuea n arana b'a ngke arona b'a I aki karinea uean Iuta are Iotiab'ata ao N na bon aki kan tatarai matam.

2.Uea 5:20

ao e taku i bon i rouna Keati, “E a tia au toka ni kanakoa Naaman ao n aki anaa te b'ai teuana mai rouna! E na riai ni butim'aea ana b'aintangira te I-Turia arei ma e aki. I tuea n aran te UEA b'a N na nakon Naaman, ao N na anai b'aai tabeua mai rouna.

2.Uea 5:26

Ao e taku Eritai, “Ko aki ataia b'a e mena tamneiu n te tabo are e ruo iai Naaman man ana kaanibuaka ni butim'aiko? Keati, bon akea kariaiakam b'a ko na butim'aea te m'ane, ke te kunnikai, ma nne n aroka aika oriwa ao nnen arokan te kureebe, ma taian atiibu ke taiani kao, ke taani m'akuri.

Taniera 5:17

E kaeka Taniera, “Kaawakina am b'ai n tangira, ke anganiia tabem'aang. N na wareka te b'ai ane e korobokiaki nakoim te uea ae ko karineaki ma

Mataio 10:8

Kam na kamaiuia akana aoraki; kamaiuia akana a tia ni mate; katoki reberaia akana rebera, ao kanakoia taimonio. I a tia n anganingkami te m'aaka ni karaoi baikai n akea boona mai roumi. Ma ngaia are kam na nako ao karaoi naba baikai nakoia tem'angina n akea boona.

1.I-Korinto 6:12

E taku ana taeka temanna, “Akea tuaau ngkana I karaoi b'aai nako.” Eng; ma a aki bane ni manena i bukim. I kona ni kangai, b'a akea tuaau ngkana I kani karaoi b'aai nako, ma akea te b'ai teuana ae na tautaeka i aou.

2.I-Korinto 12:14

Noria, I a tauraoi ngkai ni kawaringkami te katenua n tai, ao N na aki karawawataingkami; b'a I aki ukoukori ami b'ai, ma I ukoukoringkami: b'a e aki riai b'a a na kaiko b'aai naati i bukiia kaaro, ma a na kaiko b'aai kaaro i bukiia naati.