2.Uea 5:13 - Te B'aib'ara

¹³ Ao e kawaria ana tia m'akuri ao e taku nako ina, “Teuae ko karineaki! Ngkana e tuangko te burabeti b'a ko na karaoa te b'ai ae e kangaanga arona, ao ko na boni karaoia naba. Ao bukin tera ngkai ko na aki karaoa te b'ai ae e tuangko? Naako tebotebo ao e na toki aorakim.”

2.Uea 5:13 ပူးပေါင်းရင်းမြစ်များ

Karikani B'aai 41:43

Ao e anganna te kauoua ni ka ni uea are katikitikaki irouia aoti b'a baona, ao e ririmoana te tia kawakinna n tatakarua ni kaangai, “Kam'awa te kawai. Kam'awa te kawai.” Ma ngaia are, e a rineaki Ioteb'a b'a te kowana i aon Aikubita ni kabutaa.

1.Uea 20:23

Ao a m'ananga ana taani kairiiri Benatata ni kawara Benatata ao a kab'arab'ara aia iango ni kaangai: Bon antin aoni maunga atuaia Iteraera. Ti konaaki irouia i bukina ngke ti buakaniia i aon taian tabuki. Ma ngkana ti buakaniia i aon te tabo ae e boraoi, ao ti na bon aki konaa ni konaaki.

1.Uea 20:31

Ao e taku temanna ana taani kairiiri, “Te uea ae ko karineaki, ti ongo b'a a bon aki konaa n urua aia berita uean Iteraera. Ma ngaia ae, ti na niniira koreara n taiani baeki aika a mka, ao taian roobu i aon atuura, ao ti a bubutiia Aaba b'a e na aki tiringko.”

2.Uea 13:14

Tabeua te tai i m'aain maten te uea are Ieoati, ao e a rangi n aoraki te burabeti are Eritai, ao e a kaani mate. Ao e rin Ieoati ma n tei i rarikina ao e tang. Ao e taku, Au toka, tera ngkai ae a nang konaa ni karaoia ana kaanibuaka Iteraera ana taan toka i aoia aoti ngkana ai akea ngkoe?

2.Uea 2:12

Ao e noora te b'ai ae e riki Eritai ao e takaarua ni kaangai, “E a uotaki nako au mataniwi iroun ana tia buaka Iteraera i aon te kaanibuaka ae e katikaki irouia aoti.” Ao ngke e a nako Eria, ao e raeuaaka kunnikaina Eritai i bukin rawawatan nanona.

2.Uea 5:10

E kaotinakoa temanna Eritai b'a e na taetae nako ina ni kaangai, “Naako tebokiko itiua te tai n te Karaanga are Ioretan, ao e na toki iai reeberam.”

2.Uea 5:3

Tabeua te tai i mwiina, ao e taku te ataei n aine arei, “Ngkana e nako buum are Naaman nakon te burabeti i Taamaria, ao e na boni kamaiuaki man aorakina te reebera.”

2.Uea 6:21

E nooriia uean Iteraera, ao e taku nakon Eritai, “Teuae ko karineaki. I a tiringiia?”

2.Uea 8:9

Ao e m'ananga nako Ataera ma 40 taiani kamero aika a on ni b'ain Tamateko aika a rangi n tamaroa b'a b'aintangira nakon Eritai. E reke te burabeti i rouna, ao e taku nako ina, “E tangiria am toro are te uea are Benatata ni kan ataia, tao e na reke i rouna te marurung ke e na aki?”

Taian Areru 51:2

Tebokai raoi b'a I aonga n itiaki man au bure, ao kaitiakai man arou aika buakaka!

Taian Areru 51:7

Kaitiaki au bure mairou, ao I a itiaki iai. Tebokai, ao N na mainaina riki i aon te tinoo.

Itaia 1:16

Tebokingkami ni kaitiakingkami! I a rangi n ribai ami m'akuri aika a buakaka. Ani katoka karaoan te kaairua.

Maraki 1:6

Iai te b'ai ae N na taekinna Ngai ae te UEA nakoia ibonga. A karineia tamaia naati ao a karineia aia toka taani m'akuri. Bon tamami ao ami toka Ngai, ao e aera ngkai kam aki karineai? Kam a tia ni katinanikuai ngkami aika ibonga, ao ngkai kam titiraki ni kaangai, “Ti katinanikuko n te aro raa?”

Mataio 23:9

Ao tai atonga te aomata temanna i aon te aba b'a tamami, b'a ti temanna Tamami b'a Teuare i karawa.

Ioane 13:8

E taku Betero nakoina, “Bon akea te anga ae Ko na teboki iai waeu!” E kaekaa Iesu ao E taku, “Ngkana I aki teboki waem, ao ko aki buokanib'ai ma Ngai.”

Ioane 9:7

ao E taku nakoina, “Ko na nako n teboki matam n te nei are Tiroam.” (Nanon te taeka aei, “Kanakoa”.) Ma ngaia are, e nako n teboki matana, ao e oki n noraba.

M'akuri 22:16

Ao tera ae ko kaantaningaia ngkai? Tei rake, ao ko na b'abetitoaki ma ni kaitiakaki man am bure, ni m'anewean aran te UEA.”

1.I-Korinto 1:21

B'a te Atua, n rabakauna, ao E a tia ni karaoa ae a na aki kona n ataia aomata n oin rabakauia. Ma e ngae n aei, ao E a bon tia ni baireia b'a E na kamaiuia aika onimaki n te rongorongo n nanobaba ae ti tataekinna.

1.I-Korinto 1:27

Ma te Atua E rinei baika atongaki n te aonnaba aei b'a a baba, b'a E na kamamaaia aomata aika rabakau. E rinei b'ain aon te aba aika mamara b'a E na kamamaai baika korakora.

1.I-Korinto 4:15

B'a e ngae ngkana tebwina tengaa m'aitiia aomata aika reireingkami taekani Kristo, ma ti temanna tamami: I riki b'a tamami i nanoni Kristo Iesu n te euangkerio are I uotia nako imi.

Tito 3:5

ao ti a kamaiuaki i Rouna, tiaki i bukini m'akuri aika ti a tia ni karaoi ngke ti kani karaoa nanon te Atua, ma i bukin oin nanona n nanoanga; are E kamaiura iai ri nanon te tebotebo ni kaitiaki n te ran are reitaki ma te manga bungiaki, ao n ana m'akuri te Tamnei are Raoiroi ni manga kabouan te maiu.

Ebera 10:22

ao ti na kaania te Atua ma nanora ni koaua ao n ataakin raoi te onimaki, ngkai a tia ni kaitiakaki nanora man namakinani mwin te bure are ti taonaki iai, ao a tia rab'atara n tebokaki n te ran ae itiaki.

1.Betero 3:21

Ao te b'abetito, are aekan te ran arei, e kamaiungkami ngkai, tiaki ni kaitiakan te baareka man te rab'ata, ma n te kaeka nakon te Atua mani mataniwin te nano ae itiaki. E kamaiungkami ni manga-utin Iesu Kristo;

Te Kaotioti 7:14

Ao I taku nakoina, “Teuae ko karineaki i rou, ko bon ataiia.” Ao e kaangai nako iu, “Aomata aikai ake a butaki nako mai aan te rawawata are korakora, ao a teboki aia kunnikai ake a m'am'arai ao a kamainainai n raraan te Tiibuteteei.

1.Tamuera 24:11

Taraia tamau, noora rabin am kunnikai aei ae I taua aei! I a tia ni konaa n tiringko, ma I aki b'a I ti korea kunnikaim aei. E na teretere iroum ngkanne b'a bon akea au iango ni kakaaitarako ke ni kan tiringko. Ko kakaaeai b'a ko na tiringai, e ngae ngke bon akea te b'ai ae I a tia ni karaoia ae e buakaka.

1.Tamuera 28:23

E rawa Tauro ao e taku b'a e na akea te b'ai ae e na kanna. Ma a kaungaa ana aobitia b'a e na am'arake. Ni bon tokina e b'ara nanona, e teirake man te tano, ao e tekateka i aon te kainiwene.

1.Tamuera 9:10

Ao e nako Tauro ma te toro nakon te kaawa are maeka iai te burabeti.