2.Uea 5:11 - Te B'aib'ara

¹¹ Ma e rangi n un Naaman ao e tannako ma te ngurengure ao e taku, “E aera ngkai e aki otinako n taetae ma ngai? I taku ngai b'a e na otinako n tei i matau ao e na tataro nakon te UEA ae Atuana, ma ni katiotioa baina i aon kuniu are e aoraki ni katoka aorakiu.

2.Uea 5:11 ပူးပေါင်းရင်းမြစ်များ

Karikani B'aai 20:7

Ma ngkai, ko na kaoka te aine anne nakon buuna. Bon te burabeti teuarei, ao boni ngaia ae na tataro i bukim b'a ko na aki mate. Ma ngkana ko aki kaokia, ao I kauringko ngkai b'a ko na bon mate ma am aomata ni kabane.”

2.Uea 4:5

Ma ngaia are, e a nako neierei. Ngke e a oki ma natina te m'aane nako nanon te auti, ao a uoti taian tiaeki nako ina ao e a waaki ni kanoai.

2.Uea 5:10

E kaotinakoa temanna Eritai b'a e na taetae nako ina ni kaangai, “Naako tebokiko itiua te tai n te Karaanga are Ioretan, ao e na toki iai reeberam.”

2.Uea 5:12

Bon ti te bo ngke I a bon tebotebo naba ni karaangan Tamateko ake Abana ao Baba, b'a a bon itiaki naba n aron ranin karaangan nako Iteraera, ao e na toki aorakiu.”

Taeka n Rabakau 1:32

E na karokoa te mate te bure ma te kamoamoa nakon te nanobaba n rangirang.

Taeka n Rabakau 13:10

E karika te kangaanga te kamoamoa ae e korakora. Kaiangoraoiko ao kaawakin reireiam.

Taeka n Rabakau 3:7

Ko na tai iangoia n taai nako b'a ko rangi ni wanawana, ma ko na karinea te UEA ao kararoako man taian buakaka.

Mataio 15:27

Ao e taku neierei, “Te koaua, te Uea; ma kamea a kangi tamrurun am'arake ake a b'aka man aia taibora aia toka.”

Mataio 19:22

Ngke e ongo taeka aikai te rorobuaka arei, ao e nako ma rawawatan nanona, b'a a bati ana b'ai.

Mataio 8:8

Ma e kaeka mataniwin te taanga ni buaka are tebubua kaaina, ao e taku, “Te Uea, I aki tau b'a Ko na rin i nanon au auti: ma an taetae naba, ao e a marurung naba au toro.

Ruka 14:11

B'a ane kakannatoa i bon i rouna, ao e na kamangoraki; ao ane kamangoria i bon i rouna, ao e na kakannatoaki.

Ioane 13:20

Bon te koaua ni koaua ae I a tuangngkami, b'a ane m'anea n akoa ane I kanakoa, ao e m'aneai n akoai; ao ane m'aneai n akoai, ao e m'anea n akoa naba Teuare kanakomaiai.”

Ioane 4:48

E taku Iesu nakoina, “Ngkana kam aki noori kanikina ma m'akuri aika kamimii, ao kam rawa n onimaki.”

Ebera 12:25

Kam na tarataraingkami b'a kam na aki rawa nakon Teuare taetae. B'a ngke a aki kona n rawei maiuia ake a rawa nakon Teuare taetae i aon te aba, ao ti bon aki kona n rawei maiura ngaira aikai ngkana ti tan nako mairoun Teuare taetae mai karawa!