2.Uea 5:10 - Te B'aib'ara

¹⁰ E kaotinakoa temanna Eritai b'a e na taetae nako ina ni kaangai, “Naako tebokiko itiua te tai n te Karaanga are Ioretan, ao e na toki iai reeberam.”

2.Uea 5:10 ပူးပေါင်းရင်းမြစ်များ

2.Uea 2:21

Ao e uotia nakon te koburake n ran. E karenako te taoro nakon te ran ao e taku, E a tia ni kaitiaka te ran aei te UEA, ma ngaia are, e a manga itiaki te ran aei. Ao man te tai aei kam a konaa ni kamaiuraoi arokami, ao a akea ae e na manga baki.

2.Uea 3:16

E taetae te UEA b'a e na manga kaonaki nanon kabin te karaanga ae e m'auteretere aei n te ran.

2.Uea 4:35

E teirake Eritai, ao e ririaki i nanon te ru arei, ao i mwiina e a manga oki ni manga ei nako aon te ataei ni m'aane arei. E m'atie itiua te tai te ataei ni m'aane arei, ao e kaurea matana.

2.Uea 4:41

Ao e taku Eritai, “Uotaamai te buraawa nako iu.” Ao e kab'akab'aka te buraawa i aon te am'arake, ao e a manga taku, “Kabutia nakoia.” Ao e a manga raoiroi kanakin te am'arake arei.

2.Uea 5:11

Ma e rangi n un Naaman ao e tannako ma te ngurengure ao e taku, “E aera ngkai e aki otinako n taetae ma ngai? I taku ngai b'a e na otinako n tei i matau ao e na tataro nakon te UEA ae Atuana, ma ni katiotioa baina i aon kuniu are e aoraki ni katoka aorakiu.

2.Uea 5:14

Ao e ruorikaaki Naaman nako nanon Ioretan; e nakonako i nanon te ran, ao i mwiina e teboo itiua te tai n aron are e tuangnga Eritai. Ao e toki aorakina ni bon te tai naba arei, ao e tamaroa kunna n aron kunin te ataei.

2.Uea 5:9

Ao e m'ananga nako Naaman ma ana aoti, ao ana kaanibuaka, ao e tei i mataroan ana auti Eritai.

Te Otinako 4:18

Ao e nako Moote nakon taman buuna are Ietero ao e butiia ni kaangai, “Taiaoka ma kariaia b'a N na okira Aikubita b'a N na nooria ngkana iai nikiraia au aomata aika a maiu.”

Nakoaia Ibonga 13:58

Ngkana e a mauna naba ngkana e uatiia, e na manga uatiia riki, ao e itiaki ni kaineti ma aron te taromauri.

Nakoaia Ibonga 14:16

ao e na kateboa tabonibaina are te atai, ma n tatauriia nako i matan te UEA itiua te tai.

Nakoaia Ibonga 14:51

Ao e na manga anaa te kai ae te tiira ma te karai ae uraura, ao te mannikiba ae maiu, ao e na kateboi ni kabane i nanon raraan te mannikiba are e a tia n tiringaki, ao i nanon naba ranin te koburake n ran.

Nakoaia Ibonga 14:7

E na tatauriia iai te aomata are e na kaitiakaki man aorakina n te raraa arei itiua te tai, ao i mwiina e na katanoataa te aomata anne b'a e a itiaki. Ao e na anaa te man are temanna ni kakibanakoa.

Nakoaia Ibonga 16:14

E na anaa teutana raraan te kaom'aane n tabonibaina, ao e na kaitiua tataaurian etan tani mainikun te Atiniberita iai.

Nakoaia Ibonga 16:19

E na tatauriia teutana te raraa nako aon te baonikarea itiua te tai. Ao e na kaitiaka te baonikarea n te aro anne man aia bure Iteraera ao e na manga katabua.

Warekaia Iteraera 19:19

Ngkana e tia aei n te katenua ni bong, ao n te kaitiua ni bong, ao kam a itiaki. Ao i mwiina, kam na tebokingkami, ma ni uati ami kunnikai, ao kam a kona n taromauri nakon te tairiki anne.

Warekaia Iteraera 19:4

E na kateboa tabonibaina i nanon te raraa, ao e na tatauriia nako ni kaaitaraa te Um'antabunrianna itiua te tai.

Ioane 9:7

ao E taku nakoina, “Ko na nako n teboki matam n te nei are Tiroam.” (Nanon te taeka aei, “Kanakoa”.) Ma ngaia are, e nako n teboki matana, ao e oki n noraba.

1.I-Korinto 6:11

Ao akanne anuani maiuia ngkoa tem'angina i buakomi. Ma kam a tia n tebokaki; kam a katabuaki b'a ana b'ai te Atua, ao a tia ni kaetaki aromi n reitaki ma te Atua n aran ara UEA are Iesu, ao iroun naba Tamnein Atuara.

Iotua 6:4

Itiman ibonga aika a na uouota kakateuana te buu i aoia, ao a na rimoan te Atiniberita. Ko na nakonako ni katobibia Ieriko itiua te tai n te kaitibong, ngkoe ma am tautia, ao ibonga, a na katang aia buu i nanon tain te nakonako.