2.Uea 4:38 - Te B'aib'ara

³⁸ Rimwi riki, ao e nako Kirekara Eritai, ao e a roko te rongo n te aba arei. N te bong teuana ngke a boowi burabeti ake a maeka ikekei ma Eritai, ao e taku Eritai nakon ana tia m'akuri, “Kukana te am'arake n te b'aata ae e buubura, i bukiia burabeti aikai.”

2.Uea 4:38 ပူးပေါင်းရင်းမြစ်များ

Karikani B'aai 25:29

Ao n te tai teuana ngke e tabe ni kukana te tuubu ni biin Iakob'a, ao e okira te auti Etau man ana kaeman. Ao e a bon rangi ni baki,

2.Tamuera 21:1

Bon tenua taian ririki aike akea iai kanaia te botannaomata ae Iteraera n ana tai n uea Tawita. Ma ngaia are, e buubutiia te UEA teuare Tawita buokaia, ao E kaeka te UEA ni kaangai, “E bure Tauro ma ana utu i bukin te tiriaomata, i bukina ngke e tiringiia kaain Kibeon.”

1.Uea 17:1

Eria bon te burabeti mai Titibe i Kireata. Ao e nakon Aaba n te bong teuana ao e taku, Bon ana Toro te UEA ae E maiu, ae Atuan Iteraera ngai. Ao I tuea n arana b'a e na bon aki b'aka te karau ni karokoa te tai are I a manga taetae iai b'a e na b'aka. Ao a na bon akea naba te aoi ae e na ruo nako aon te tano.

2.Uea 2:1

Tabeua te tai i m'aain anaakin Eria nako karawa n te ang ae e korakora iroun te UEA, ao a kaai ni kitana Kirekara Eria ao Eritai.

2.Uea 2:3

Ao a titirakina Eritai te bootaki ni burabeti teuana ae a maeka ikekei ni kaangai, Ko ataia ae e nang uotaki nako am mataniwi iroun te UEA n te bong aei? Ao e taku Eritai, Eng, I bon ataia, ma an tai manga tuangai.

2.Uea 4:1

Ao te bong teuana, ao e taku neiere buun ana burabeti te UEA temanna ae e a tia ni mate nakon Eritai, Bon am tia m'akuri naba temanna teuare buu ngke e maiu, ao bon te tia taromauria naba te UEA. Ma e taarau iroun te aomata temanna, ao ngkai e nang anaiia natiu m'aane aika uoman aikai te m'aane anne b'a ana toro.

2.Uea 4:39

Ao e nako temanna mai buakoia nako buakonikai ni kakaei taiani baanikaai b'a renganan aia kuuka. E noora te kureebe ni buakonikai, ao e anai uaana ni m'aitin ae e konaa n uotia, ma e aki ataia b'a moan te maai uaan te aroka arei. Ngke e a oki, ao e korokoroi uaa akekei, ao e nnei i nanon te b'aata i buakon te am'arake.

2.Uea 8:1

Ao Eritai e tuanga neiere e kamaiuaki natina te m'aane ngkoa i rouna ao e taku, “E a tia n anga ana kauring te UEA b'a ae e na akea te am'arake ikai i nanon itiua te ririki. Ko na kairiia am utu nakon te tabo teuana, ao tiiku iai tabeua te tai.”

Iobi 30:4

A taeki arokan te rereua ao a kang, ao a kana naba wakaan te tuniba.

Taeka n Rabakau 8:34

Nakomai nakon au auti ni katoa bong ao ongora irou. Ao ane kam na kunea te kukurei.

Etekiera 11:3

A taekin taeka n aron aikai, ‘Ti na karaoi auti aika a m'aiti riki. Ti te bo te kaawa ae e buubura aei ma tein te b'aata ni kuuka ae e toka i aon te ai, ao ti riki ngaira b'a kaanga taian iriko maiu, ma ti aki riki b'a taian iriko maiu ngkana e aki kaburoira te b'aata i aon te ai.’

Etekiera 11:7

Bon te b'aata ni kuuka te kaawa ae e buubura aei, ao bon taian iriko maiu rab'ataia koraki aika kam tiringiia. Ma ngaia ae N na kairoroingkami b'a kam na kiitana Ierutarem,

Etekiera 14:13

Etekiera ae natin te aomata, ngkana tao e bure nako iu te botannaomata ae e b'anin, ao I katuaaia n urui arokaia ao ni kamateia kaaina b'a a na mate ni baki ma aia man.

Etekiera 24:3

Ao i mwiina, ko na tuangiia Au aomata aika a kakamangao ni kaangai: “Kab'aroa te ran nako nanon te b'aata ao katokaa i aon te ai.

Nakoaia Ibonga 26:26

E na aki bati kanami, n te aro ae tengaun aine a na kam'ai kanaia n ti teuana te ainumuum. Ngkami n tatabemaningkami nako a na tii reke kanami taamruru, ao ane kam na baki.

Amota 7:14

E kaeka Amota, “Tiaki ngai te aekaki ni burabeti ae m'am'akuri i bukin kabooana. Bon tiaki ngai te burabeti, ma bon te tia kaawakin man ngai, ao I kaawakin naba aroka aika taian biiku,

Mareko 6:37

Ao E kaekaia Iesu ni kaangai, “Kam na anganiia kanaia ngkami.” A titirakinna ni kangai, “Ko tangirira b'a ti na nako ni kaboi kariki n uabubua te tenari, ao ti na anganiia b'a a na kanna?”

Ruka 10:39

Ao neierei, iai tarina ae arana Nei Maria, are e tekateka i rarikin waen Iesu ao e ongongora n ana reirei.

Ruka 2:46

Ao i mwin tenibong ao a noria n te um'antabu b'a E tekateka i buakoia taan reirei.

Ruka 4:25

“Bon te koaua ae I tuangngkami, b'a a m'aiti aine ake a mate buia i aon Iteraera n ana tai Eria, ngke e aki b'aka te karau i nanon tenua te ririki ao onoua nam'akaina, ao e roko te rongo ae korakora i aon te aba ni kabutaa.

Ruka 8:35

A nako aomata b'a a na nora te baere e a tia n riki, ao a roko iroun Iesu, ao a nora te aomata are a tia n oti nako mai rouna taimonio, b'a e tekateka i rarikini waen Iesu: e kunnikainna ao e a eti ana iango; ao a maaku aomata.

Ruka 8:38

E bubuti teuare a oti nako mai rouna taimonio b'a e kan iria; ma E kanakoa Iesu, ao E taku,

Ruka 9:13

Ao Ngaia, E taku nako ia, “Kam na anganiia kanaia b'a a na am'arake.” A kaeka ao a taku, “Ae iai i roura e aki raka i aon ae ti nimaai te kariki ao uoman te ika, ma e na tau ti ngkana ti nako ni kabo am'arake i bukiia aomata aikai.”

Ioane 21:5

E titirakiniia ngkanne Iesu ao E kaangai, “Ataei, e reke aromi?” A kaeka ni kaangai, “Kai akea ae!”

Ioane 21:9

Ngke a aerake ngkanne i eta, ao a nora iai te ai ae aiana te marara ma te ika ae tinimaki iai, ao te kariki.

M'akuri 10:38

Bon taekan aron te Atua ngke E rinea Iesu are te I-Natareta, ao E kaonna n te Tamnei are Raoiroi ma te m'aaka; are E nakonako ni kakaraoa ae e raoiroi, ma ni kamaiuia akana b'ainikirinaki iroun te riaboro, b'a E memena te Atua i rouna.

M'akuri 15:36

I mwin tabe bong, ao e taku B'auro nakoni B'arenaba, Ti na manga nako ni kawariia tarira ni kaawa nako ake ti taekina ana taeka te UEA iai, b'a ti na noori aroia.

M'akuri 22:3

Bon te aomata ae te I-Iutaia ngai, ae I bungiaki i Taareto are i Kirikia, ma I ikawai rake n te kaawa aei, ao I reireiaki irouni Kamariera. I reireiaki n aia tua ara bakatibu n arona ni kabanea, ao e bane nanou nakon te Atua, n ai aromi naba ni kabaneingkami n te bong aei.

1.Tamuera 19:20

ma ngaia are, e kanakoia tabeman rorobuaka b'a a na katikia. A nooriia koraki ni burabeti aika a m'am'aie ma n tatakarua, ae a kairaki iroun Tamuera. Ao e niiniia ana rorobuaka Tauro Tamnein te Atua, ao a manga ira te m'am'aie ma n tatakarua.